Mizoram Police-in online sum peipunna chungchangah mipui fimkhur turin ngen

Aizawl | Feb 23, 2022: Mizoram Police Media Cell, Police Headquarters chuan a hnuaia ami angin sum peipunna chungchanga mipute fimkhur tura ngenna an chhuah.


Tunlai hian Mizoramah ‘Pearlvine International’ hming pu, online sum peipunna chi khat kalpui mek an awm tih hriat a ni. Economic Offences Wing, CID (Crime), Mizoram chuan a chhui chiang mek a, a hnuai a mi ang hian hemi chungchanga mipuite hriat tur an tarlang.
1)              Pearlvine International-ah hian pyramid structure hmanga memberte recruitment kalpui a ni. Downline members te in-activate-na /log-in na sum lut atanga a chunglamin hlawkna an lo eitheihna “auto-generated online money circulation scheme” a ni deuh ber. Hemi atan hian Software Application changkang leh remchang tak hmangin pawisa virvel pawh mi nawlpui hriatthiam phak loh online transaction (digital wallet / virtual currency) hmang vekin kalpui a ni.
2)              Hetiang scheme hmanga member sawm leh lakluh hi “The Prize Chits  and Money Circulation Schemes (Banning) Act, 1978” leh Money Circulation Scheme (Banning) Mizoram Rules, 2013 chuan a khap tlat a ni.
3)              Hetiang sum peipunna hi a tirah hlawk tak angin lang mah se belchian a dawllo fo. Mi tam takin harsatna kan tawh theihna a  nih  avangin  Mizo  mipuite fimkhur turin kan inngen a ni. Hetiang  kalpuia  midangte  tel tura sawmtute chungah hian dan anga hremna lekkawh theih  a  ni  tih  hriain fimkhur turin kan inngen a ni.

"Mizo mipuite sum peipunna hminga inbumna laka fimkhur lehzual turin kan inchah nawn leh a ni." tiin Mizoram Police chuan thu an khar.

Post a Comment

He post chungchanga i ngaihdan lo sawi ve rawh:

Previous Post Next Post