MBSE chairman-in HSLC leh HSSLC exam tur chungchangah Centre Superintendent te kawm

Aizawl | Feb 23, 2022: Vawiin khan Mizoram Board of School Education (MBSE) Chairman Pu JH. Zoremthanga chuan kumina High School Leaving Certificate (HSLC) leh Higher Secondary School Leaving Certificate (HSSLC) Examination kalpui dan tur chungchangah Centre Superintendent te kawmna a nei.


He hun ah hian Lunglei District chhung atangin High School Headmaster 11, Higher Secondary School Principal 9 bakah Lawngtlai District atangin High School Headmaster 3, Higher Secondary School Principal 1 leh Hnahthial District atangin High School Headmaster 1 te an tel a ni.

Inkawmna hun hi Pu Ricky F. Lalremruatpuia, Academic Officer, Aizawl in a kaihhruaia MBSE Chairman Pu JH Zoremthanga chuan Covid hripui avangin School kal a sukuk a, online class kal a angai ta hi school naupang te tan harsatna tam tak a thlen thu a sawi.  Kan hma lawkah HSLC leh HSSLC Exam neih turah zirlai ten harsatna an tawh loh nan syllabus pawh 30% a tih tlem niin diklo taka zirlai exam man te chungah action lak anih tur a sawi bawk. HSLC leh HSSLC Exam kalpui tur ah hian  vengtu Invigilator leh Superintendent te mawhphurna a sang hle a ni a ti a, MBSE chuan an kalphung thenkhat form fill up, registration leh fee pek te tunlai thiamna Information Technology hmanga  kalpui tum thu a sawi a. Zirtirtute pawh tunlai thiamna mil a intuaithar zel turin a ngen bawk.  Kumin a HSLC leh HSSLC exam inkaihhruaina dan te zir chiang a kalpui theuh turin Central Superintendent te a chah a ni. MBSE syllabus hi CBSE tluk pui anih thu sawiin NEET, Engineering leh Central Service Exam te hi keimahni atanga intan vek anih avangin tan lak a ngaih thu a sawi bawk.

HSLC leh HSSLC Exam Superintendent kalkhawmte nen hian Covid 19 laia exam kalpui dan tur te, Central Superintendent te hriattur pawimawh leh Exam Dairy vawn dan tur te zirhona neih a ni a.

HSLC Examination hi 28th February, 2022 ah tan tur niin HSSLC Examination hi 1st March, 2022 ah tan a ni ang. Exam hi offline a kalpui tur niin Lunglei District huamchhungah HSLC Examination Centre 11 (Govt Leitlangpui HS, Govt Bazar HS, Baptist HSS, Govt Lunglei HS, Govt Haulawng HS, Govt Buarpui HS, Govt Tlabung HS, Govt Zobawk HS, Govt Tawipui N HS, Govt Lungsen HS, Govt Bunghmun HS)  leh HSSLC Examination Centre 9 (Govt Lunglei HSS, Govt Leitlangpui HSS, Baptist HSS, Serkawn, Govt Zobawk HS, Govt Tlabung HS, Govt Haulawng HS, Govt Tawipui N HS, Govt Lungsen HS, Govt Buarpui HS) a awm a ni.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post