Planning & Programme Implementation Secretary-in Champhai leh a chhehvela hmasawnna hnathawh mekte tlawh

Aizawl | Feb 19, 2022: Vawiin khan Mizoram Sawrkar Planning & Programme Implementation Department Secretary Pu Lalmalsawma Pachuau chuan Champhai leh a chhehvela hmasawnna ruhrel siam leh thawh mekte a hmunah tlawhin hmalaknate a enfiah.




Pu Lalmalsawma Pachuau chuan project thawhte hun bituk chhung ngeia tha taka zawh a pawimawh thu sawiin, hmachhawp leh hmalakna dang tur thleng a nghawng theih avangin hunbi tuka zawh leh hna tha tak thawh chu a pawimawh hle a ni, a ti a. Project tha tak takte a kaihhnawih leh mipuiten tangkai taka an chhawr theih nana ruahmanna siam a tul thu a sawi a. Hnathawktu leh a viltu Department-te  chu project a hlawhtlin theih nan thahnemngai taka thawka theihtawp chhuah turin a chah a ni.

Non Lapsable Central Pool of Resources, NLCPR (DoNER) kaltlanga cheng nuai 1,988 senna tur Champhai khawpui kianga luang Keilungliah lui khuah 'Construction of Dam Reservoir and Development of Recreation Centra at Keilungliah, Champhai' hnathawh mek chu tukin khan Er. C.Lalhmachhuana, SE, Champhai PHED WATSAN Circle leh Officer dangte nen an tlawh a, chak zawka hmalak dan tur leh tul dangte an enfiah a ni.


Hemi hnu hian Pu Lalmalsawma Pachuau chuan Champhai Forest Division hnuaia NEC Project hmalakna, cheng nuai 200 senna tur  'Afforestation of Denuded Hills in Champhai District of Mizoram' tih kaltlanga hmalakna hrang hrangte pawh a hmunah kalin a enfiah a. Pu Henry C.Lalrawnkima, Addl. DC, Pu Lalduhthlana, DFO, Dr. Lallawmkima, DIPRO, Pu R.Lalfakzuala, Research Officer leh Official dangten Planning Secretary hi an tawiawm a ni.


Heng bakah hian Planning & Programme Implementation Secretary hian Champhaia Truck Terminal siam leh DRO Office-te pawh a tlawh bawk.

- DIPR

Post a Comment

0 Comments