Aizawl District chhunga Red Zone puan mekte hlip

Aizawl | Feb 19, 2022: Mizoram sawrkarin Covid-19 inkaihhruaina SOP (dt.18.2.2022) a chhuah behchhanin Aizawl DC chuan vawiin khan Aizawl district chhunga Red Zone puan mekte hlihna a hnuai ami ang hian thuchhuah a siam:

"Mizoram chhungah CoVID-19 dinhmun in ziaawm lam a pan zel avang leh Mizoram Sawrkarin Mizoram chhunga Covid-19 inkaihhruaina kalpui dan tur thupek vide No. B.13021/ 101/2020-DMR/Vol-VI Dt. 18.2.2022 in a sawi angin, COVID-19 hri dona kawnga mihring eizawnna leh mihring nunphung nghawng nasa lo zawng a kalpui tur leh hri darh zel tur venna inkhuahkhirhna awm mek inthlahdul hret tura tih a ni a.

"Chuvangin, he thuchhuah bechhan hian tun atanga thu leh awm hma chu DC Office, Aizawl-in Order vide No.C. 16011/1/2022 DC(A)/ RZ dated 15th February, 2022 hmanga Aizawl District huam chhunga RED Zone a puan mek te chu hlih vek an ni a, AMC Area chhungah leh pawnah te chuan inkaihhruaina chu Disaster Management & Rehabilitation in inkaihhruaina a siam vide No. B.13021/101/2020-DMR/Vol-VI Dt. 18.2.2022 zawm vek tur a ni.

"Amaherawhchu, hri darh zel tur ven nan leh hri laka kan him theih nan mitin te fimkhur lehzual turin kan inngenin kan inhriattir a, CAB leh SOP te uluk taka la zawm chhunzawm turin kan inhriattir a ni. Dan bawhchhia man te chu Disaster Management Act, 2005 Section-34(b)(c (m) leh Mizoram (Containment and Prevention of the Spread of Covid-19) Act, 2020 leh The Mizoram Epidemic Diseases (COVID-19) Regulation 2022 (Annexure a tarlan ang hmangin hremna lek theih an ni ang."

- DIPR