Ticker

10/recent/ticker-posts

Mizoram Reform Movement (MRM) hruaitute

Mizo society nuam zawk leh tha zâwk a awm theihna tura Mizo thalai rual intêlkhâwm Mizoram Reform Movemen (MRM) te chuan kum 2022 chhunga hruaitu tur an inthlang thar a, heng mite hi an thlan chhuahte chu an ni:


Chairman: Francis Lalmalsawma Sailo, Zarkawt
Vice Chairman: Baryl Vanneihsangi Tlau, Model Veng
Secretary: K. Remruatfela, Upper Republic
Asst. Secretary: Hannah Lalhlanpuii, Ramhlun South
Treasurer: Ruthi Hmingchungnungi, Chaltlang Dingdi Veng
Din. Secretary: V. Lalnunthara V. Thanga, Dawrpui V. Thanga Street


Mizo Reform Movement (MRM) hi ni 2 October, 2020-a din a ni a.  A hmalama tarlan tawh angin Mizo society siamtha tura, party politics tello Mizo thalai rual intêlkhawm an ni a. Pawl naupang tak la ni mah se an theih chen chenah Mizo society siamtha turin hna nasa takin an lo thawk tawh thin.

Chung an hnathawh tawh langsar zualte chu:
1. Assam Rifles atanga sawmna an hmuh angin AR Ground, Lammual-a Drugs dona beihpui thlaknaah MRM hminga aiawh intirh ve a ni a. Heng an aiawhte hian Program kaihhruai hna leh thusawina hun tha tak an nei thei bawk a ni. 

2. Mizoram Sawrkar lam atanga sawmna an dawn angin ‘Cachar - Lushai ramri buai’ sawikhawmnaah MRM hminga aiawh intirh a ni tawh bawk a ni.

3. Ni 2 February, 2021 khan pawl thil tum tihhlawhtlin a nih zel theih nan Webinar a ni a, Rev Prof. H. Vanlalruata, ATC hnen atangin *‘Prospects for change: A comparative study of Mizo Society and Western Society’* tih an ngaithla a ni.

4. Ni 2 March, 2021 khan Pu Vanneihtluanga hnen atangin *‘Mizo society leh mahni kea din. Eng hi nge kan mu tan ni a, engtinnge chu saltanna ata chu kan tal chhuah theih ang?*’ tih an lo zir ho tawh bawk a ni.

5. Ni 18 March, 2021 (Thu) zan khan ‘Mizo Reform Movement’ hmingin Ignite Studio, Khatla-ah *‘Mizoram Budget 2021 - 2022 Zir hona’* huaihawt a ni a. Hemi hunah hian Resource Person atan Dr. James LT Thanga, Associate Professor, Department of Economics, MZU sawm a ni a. Political Party aiawh mi 2 theuh bakah College leh NGO aiawh mi thahnem tak an rawn tel thei bawk a ni.

6. Serchhip Constituency MLA Bye-Election pualin Serchhip Press Club-ah Hripui leng kâra Zoram hmathlir sawihona hun "Mizo Reform Movement" hminga buatsaih a ni tawh a. Hemi hunah hian party aiawh hrang hrangte an tel a ni.

7. Mizoram-Assam ramri buai kaihnawih leh Mizo thalaite intodelhna lam hawi Webinar vawi engemaw zat an nei tawh bawk a ni.
Post i hmuh dan

Post a Comment

0 Comments