ANXIETY LAKA DAM DAN

- Zawmsanga Sailo

     He ti hian ti la i dam mai ang han ti ngawt dawn i la dam  zo tur khawp chuan chu ti mai a han ziah zawh sen chi chu a ni hauh si lo. Chu tak chuan anxiety laka damna thuziah hi harsa min tihtir kum khua mai a ni.




     Nangmah i inman chian a ngai a, mihring chhungril atanga min tibuai bertu chu kan thinlung ngaihtuahna bawm hi a ni. Chu chu mihring min timihring lotu, min tilemtu ber chu a ni a. Anxiety min veitirtu bulpui ber chu a ni. Chhia leh tha hriatna thluak rilru hi min a hman thiam hle chuan anxiety a vei ngai lo ang a, lo vei tawh pawhin a dampui hmiah thei ang. He mi thu pahnih chungchang hi sawifiah fe ngai leh sawi fe tham a awm tih erawh chu kan hriat a tha ang. Chu mi inhrilhfiahna tha tawk neiha min a hriatfiah tawh chuan dam hi a hmabak chu a ni tawh mai a ni.

       Kum sawm chuang Pathianin min hriatfiahtirna thu hmanga enkawlna ka lo kalpui ve tawhah hian heng natna veitute hi mak tak maiin an dam tlat mai thin a ni. Khawvel thiamna hmanga an zir ang chu a ni lo tawp. Mahse, damna mamawhtu tana damna hi a pawimawh lai bera chu a ni mai si.

     Khi mi ka sawi hmasak tak thinlung leh chhia leh tha hriatna rilru thliar thiam a, thinlung ngaihtuahna lam hneh a, thunun theihna khi a pawimawh em em a. Chu thinlung thunun leh hneh tur chuan chhia leh tha hriatna rilru hi hmanrua ber tur a ni a, chu chu a chak a pawimawh ber a ni. Mahni thinlung thunun thei lo tan anxiety veina lakah a dam theih loh reng reng. 

     Chu damna chu nei tur chuan mahni hriatna mai chuan a harsa hle ang a. Hrilhfiah leh sawifiah thiam bik mamawh tura ngaih kan ni. He mi hriatfiahna tak tak neih chuan damhmak theih a ni chiang hle bawk. A veitu tupawhin damna kawng a awm tih hi i hre theuh ang u.

Post a Comment

He post chungchanga i ngaihdan lo sawi ve rawh:

Previous Post Next Post