Ziaktu hriat hlawh, ṭhalaite ngainat leh ngaihzawn rawn mek Hannah Lalhlanpuii i belchiang ang.
Hannah tia koh ṭhin Hannah Lalhlanpuii hi Rev Dr Vanlalthlana (L) leh C January te fanu niin, September 11 a piang a ni a. Ramhlun South, Aizawla cheng leh khawsa niin, Presbyterian Church of India Kohhrana lawi an ni.
Hannah Lalhlanpuii te unau hi pali niin, mipa pahnih leh hmeichhe pahnih an ni a, Hannah hi a upa ber a ni.
Hannah Lalhlanpuii hi Mizo hmeichhia ah chuan a rawl pawl leh nalh tawk niin ft 5'5 a sang a ni.
Hannah Lalhlanpuii hi zirna lamah tunah hian Ph.D Research Scholar (English Department) a bei mek a, eizawnna lamah chuan MZU Deptt of English-ah guest lecturer in a thawk mek a. Sap ṭawnga news website thelanternpost.in ah Joint editor a ni mek bawk.
Hannah Lalhlanpuii'n Explore Mizoram zawhna a chhanna te i lo thlir ang.
Hobby: Creative writing
📌I duhzawng leh ngainat zawng hrang hrangte?
Lehkhabu: The Brothers Karamazov, ziaktu Dostoevsky & The Enchantress of Florence, ziaktu Salman Rushdie
Actor/Actress: Natalie Portman
Zaithiam: The Beatles
Chawhmeh: Alu 😅
Hla: Duh bik ka nei lo
Hmun: Ka room
Rawng: Lavender
Ziaktu: Fyodor Dostoevsky
Mize ngainat zawng: Mize zawi lam, titipui nuam.
📌 Mize ngainat loh zawng: Mi chapo
📌 Kawppui tura duhzawng? - Min hrethiamtu
📌 Relationship status: Taken
📌Aim in life: Mizo society/hnam tana contribution tam zawk neih!
📌 Lehkhabu chungchang::---
• Lehkha engzat nge i ziah/chhuah tawh? Engte nge?
-Keima pual chuan pakhat. "When Blackbirds Fly"
• Eng vanga Sap ṭawnga lehkhabu ziah hi thlang nge i nih?
- Hnam dang Mizo tawng hmang ve lo ten kan history leh chanchin anlo hriat ve theih nan
• Mizo ṭawngin i ziak tawh em?
-Article chu ka ziak ve thin!
• Thu leh hla lamah hian, Nangmahah Mizo ṭawngin nge Sap ṭawngin thiam i intih zawk?
- Mizo tawng chuan ka awlsam zawk!
• Engtin nge India lehkhabu chhuahtu lar Penguin te nen in thawhho nawlh dan hi?
- 2019 khan Dept.of English, JNU a an senior Professor pakhat Prof. GJV Prasad hi MZU ah seminar hmang turin a rawn kal a, ka lehkhabu ka lo chhuah tawh kha ka present a, a chhiar zawh chuan Mizoram pawn lam mite chhiarah a awt ta em em mai a, India rama publisher lian ho be turin min ti a. Kei chuan ka beisei loh em avangin ka bawhzui lem lo a. Delhi a a chhuk hnuah Publishing house hrang hrangah ka manuscript chu alo chhiar tir a. A then chuan a chhungthu thlak danglam leh a political lo zawnga siamtha turte in min ti a. Penguin chiah hian a chhungthu tidanglam lutuk lo a min chhuahsak duh avangin kan thawk ho ta a ni.
• Ṭhalaite duh leh ngainat rawn i ni a, lehkhabu ziak leh chhiar kawngah ṭhalaite tana i kam chhuak tlem:
- Mizo thalaite hian lehkhabu chhiar kan ngaina hle a a, ziak thiam tak tak pawh an tam a. Sap ṭawnga ziah lamah hian ṭan la thar ila a lawmawm ngawt ang.
 |
| Hannah lehkhabu ziah hi amazon leh lehkhabu dawrah lei tur a awm. |
📌 When Blackbirds Fly
• Engtik aṭanga i ziah tawh nge?
- 2013, Shillong a M.A ka zirlaia ka ziah tan
• Lehkhabu a chhuah a nih nan hian hun harsa i paltlang nasa em?
- Pathian zarah harsatna em em ka nei lo.
• Eng lam tarlanna nge?
- Mizoram buai intanna, IAF in Aizawl an rawn bomb hunlai vel a ni a. Rambuai laia civilian, a bikin naupangte tawrhna leh an nun a nghawng dan tarlanna a ni deuh ber mai.
Zawhna dang:::
1. A tel lova i awm theih loh:
- Ka chhungte
2. I nun kaihruaitu:
- Ka nu
3. Hringnuna i hlauh ber:
- Sawi mai tur ka hrelo.
4. I tih ngai miah loh tur:
- Ram leh khawtlanga chan chhe zawkte rapbet zawnga chet/hmalak.
5. Mizo Tualzal nuna ṭha i tih: Tu pawh hi kan la in mihran lutuk lo a, hei hi tha ka ti.
6. Quote i duh ber:
True courage is not knowing when to take a life, but knowing when to spare it.
- JRR Tolkien
7. Mizoram leh Mizo tualzal nuna Mizo hmeichhiate dinhmun:
- A lan danah a tha thawkhat viau emaw tih lai hian pasal then/sun tawh te dinhmun erawh ennawn a ngai hle. Kohhran inrelbawlnaah ah hmeichhe dahhniamna a la nasa viauin ka hre bawk.
8. Hnam hmingṭhat leh hmingchhiat kawnga Hmeichhiate'n mawhphurhna:
- Mipa leh hmeichhia te hian kan hnam hmingthat leh hmingchhiat kawngah mawh ka phur ṭheuh a, kan hnathawh/thiamna/career a zirin kan mawhphurna a inchen lo mai zawkin ka hria.
9. Hnam ziarang chawinun kawnga Hmeichhiate mawhphurna:
- Hmeichhiate mawhphurna hranpa sawi tur ka hre lo. Mipa leh hmeichhiate hian hnam ziarang chawikang turin mawhphurna kan nei vek a, a hrana hmeichhe role sawi tur ka hre lo.
10. Mizote tan 'Fa neih tlem' inzirtir hi a ṭulin i hria em?
- Fa neih tam lam ka support.
11. Mizo hnam ṭhanmawh bawk nia i hriat?
- Zirna lamah kan hnufual. Kan education system fuh lo hi naupang leh thalaite'n kan tuar nasa hle in ka hria.
12. Mizo hnam damna atana kawng awm nia i hriatte?
- Sawi mai tur ka hre lo.
13. Hnam chhan nana Hmeichhiate ṭangkaina leh mawhphurna?
- Mipa te ang bawkin hnam chhan hi hmeichhiate mawhphurna a ni a. Hmeichhia nihna anga tih tur hran bik a awm ka hre lo.
14. Zirna, Khawtlang leh Kohhran hi?
- A inkungkaih vekin ka hria. Kan zir thiamna hi khawtlang leh kohhranin an chhawr theihloh chuan a famkim lo.
15. Khawtlang, Kohhran leh nangmah:
- Ka theihtawpin ka inhmang ve a. Kan thiamna leh finna neih ve chhun te hman ṭangkaina tha ber niin ka hria.
16. Social Media leh Nangmah:
- A ṭha zawnga hman chuan thil ṭangkai tak a ni. Thil personal lutuk post nan ka hmang ngai lo.
17. Mizoram ṭhalai tam tak tlakchham:
- Teirei peihna
18. Mizo ṭhalaite hian ngaihsan tur dik an ngaisangin i hria em?
- Ngaihsan tur dik hi kan tui zawng leh mizia a zir te in a inanglo thei viauin ka hria. Min hruai tha tu leh kan mimal hmasawnna atana thil tha min kawhhmuhtu an nih chuan ngaihsan tur dik an ni mai.
19. Ngaihsan tur dik nia i hriat: Kan nun a tha zawnga kaihruai theitu
20. Hlawhtlinna tura pawimawh: Beiseina
21. hloh i hlauh ber: Sawi mai tur ka hre lo.
22. Hnam dang nupui pasal neih hi:
- A neitu turte thu a ni e.
EXPLOREMIZORAM.COM i hmuh dan:
- EXPLOREMIZORAM.COM hi Digital News platform tha tak niin ka hria, in thuziak te ka lo hmu thin a, mi dang promote na kawngah hma in la tha thin bawk si, a bengvarthlak thin e.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: