MSU-in naktuk aṭangin Kamrul Laskar zawng dawn!

Aizawl | Feb 18, 2022: MSU chuan dan lo anga dik lo taka Mizo hming hawha Tribal Certificate lachhuaktu Kamrul Laskar chu naktuk aṭang hian an zawng ṭan dawn.

MSU chuan Feb 16 khan thuchhuah siamin, Kamrul Laskar hian Feb 18 thlenga document a cancel tir loh chuan zawn an lo tum tawh a ni.

MSU Gneral headquarters Aizawl chuan thuchhuah siamin, an hnuaia Regional Headquarters, District Headquarters, Headquarters, Sub Headquarters, Joint Headquarters leh branch te chu an huam chhung ṭheuh ah Kamlova Chhangte tih hminga hawha Tribal Certificate lachhuaktu Kamrul Laskar hi zawng turin a hriattir.

Thuchhuah chuan, MSU General Headquarters, Aizawl aṭanga zawn hna thawk turte chu naktuk Ni .19.02.2022 (Inrinni) Dar 10:00 am hian MSU Pisa Pui, Treasury Square-ah kal turin a hriattir bawk.

Thawnthu Hlui:

• Feb 18 thlenga Tribal Certificate surrender loh chuan MSU-in Kamrul Laskar Uddin zawng dawn!

Aizawl | Feb 16, 2022: Mizo Students’ Union (MSU) General Headquarters, Aizawl chuan Kamrul Laskar Uddin Tribal Certificate, Kamlova Chhangte tih hminga awm cancel a nih theih nana hmalakna kal zelah February ni 18, 2022 ral hma ngeia chinfel a nih theih nan chak zawka hmalak a tum.

MSU chuan dik lo taka Tribal certificate Kamlova Chhangte inti hnena pek chhuah chu November ni 23, 2021 khan cancel turin Aizawl D.C hnenah ngenna a thehlut a. Certificate neitu Kamrul Laskar Uddin pawh be pawpin, innawr buai ngai lova Amah ngeiin Tribal Certificate a neih cancel dilna ziaka thehlut mai turin MSU chuan thurawn a pe a, Kamrul Laskar Uddin chuan a zin chhuah a sawi a ni. MSU ngenna pawh sawrkar lamin bawhzuiin inquiry pawh lak nghal niin, vanduaithlak takin Bawrhsap Pisa Pui kan avangin D.C lam hmalakna a khaihlak ta a ni. 

MSU chuan chawl lovin hma a la zui reng a, February ni 5, 2022 khan Kamrul Laskar Uddin pawh MSU Pisa Pui-ah lengin, MSU ruahmanna anga February ni 7 (Thawhtanni) ah D.C Office-a Tribal Certificate cancel tura ngenna lehkha thehlut turin a intiam a. February ni 7, 2022 a lo thlen chuan Kamrul Laskar Uddin chuan MSU hruaitute chu hna pawimawh a neih avangin lehkha a thehluh hman loh thu hrilhin, hemi hnu hian biak pawh theih loh leh chin hriat lohin vawiin thlengin a awm zui ta a ni.

MSU chuan hetianga Mizo te Tribal nihna ina a ken tel hamthatna chuhpui duhtu hi Mizo Hnam tana mi hnawk takah a ngai a, tha taka kan dawrna zahlotu chet dan hi enliam mai har a tiin, hemi avang hian MSU hnena a intiam ang ngeia Tribal Certificate hi February ni 18, 2022 hmaa a surrender lo a nih chuan MSU chuan Kamrul Laskar Uddin zawn hna hi a thawk dawn a ni.

Kan hnam damna atana hmalakna te thlawp tlat turin leh, Kamrul Laskar Uddin awmna chin hria chuan MSU hruaitute hnena hriattir turin Mizo mipui zawng zawngte MSU chuan a ngenin a sawm a ni.

No. B.101/MSU-GHQ/2020-22/37

Dated Aizawl: The 16th February, 2022

  

PRESS RELEASE

Mizo Students’ Union (MSU) General Headquarters, Aizawl chuan Kamrul Laskar Uddin Tribal Certificate, Kamlova Chhangte tih hminga awm cancel a nih theih nana hmalakna kal zelah February ni 18, 2022 ral hma ngeia chinfel a nih theih nan chak zawka hmalak a tum.

MSU chuan dik lo taka Tribal certificate Kamlova Chhangte inti hnena pek chhuah chu November ni 23, 2021 khan cancel turin Aizawl D.C hnenah ngenna a thehlut a. Certificate neitu Kamrul Laskar Uddin pawh be pawpin, innawr buai ngai lova Amah ngeiin Tribal Certificate a neih cancel dilna ziaka thehlut mai turin MSU chuan thurawn a pe a, Kamrul Laskar Uddin chuan a zin chhuah a sawi a ni. MSU ngenna pawh sawrkar lamin bawhzuiin inquiry pawh lak nghal niin, vanduaithlak takin Bawrhsap Pisa Pui kan avangin D.C lam hmalakna a khaihlak ta a ni. 

MSU chuan chawl lovin hma a la zui reng a, February ni 5, 2022 khan Kamrul Laskar Uddin pawh MSU Pisa Pui-ah lengin, MSU ruahmanna anga February ni 7 (Thawhtanni) ah D.C Office-a Tribal Certificate cancel tura ngenna lehkha thehlut turin a intiam a. February ni 7, 2022 a lo thlen chuan Kamrul Laskar Uddin chuan MSU hruaitute chu hna pawimawh a neih avangin lehkha a thehluh hman loh thu hrilhin, hemi hnu hian biak pawh theih loh leh chin hriat lohin vawiin thlengin a awm zui ta a ni.

MSU chuan hetianga Mizo te Tribal nihna ina a ken tel hamthatna chuhpui duhtu hi Mizo Hnam tana mi hnawk takah a ngai a, tha taka kan dawrna zahlotu chet dan hi enliam mai har a tiin, hemi avang hian MSU hnena a intiam ang ngeia Tribal Certificate hi February ni 18, 2022 hmaa a surrender lo a nih chuan MSU chuan Kamrul Laskar Uddin zawn hna hi a thawk dawn a ni.

Kan hnam damna atana hmalakna te thlawp tlat turin leh, Kamrul Laskar Uddin awmna chin hria chuan MSU hruaitute hnena hriattir turin Mizo mipui zawng zawngte MSU chuan a ngenin a sawm a ni.

Sd/-

(LALDINSANGA)

(Asst. General Secretary)

Copy to:

1) The News Editor, AIR/DDK/LPS/ZONET chanchintharah News Item anga min              puanzârsak tûrin.

2) The News Editor, _________i chanchinbuah News Item anga min târ lansak tûrin.

3) Guard File

Sd/-