MZP Sub - Headquarters Buhchangphai hawng

Aizawl | Feb 18, 2021: Mizo Zirlai Pawl (MZP) Sub Headquarters thar, MZP Sub - Headquarters Buhchangphai chu vawiin khan MZP General Headquarters president Lalnunmawia Pautu-in a hawng.




MZP Sub-Headquarters Buhchangphai hawnna inkhawm hi Buhchangphai VC House-ah neiin, MZP Headquarters Kolasib secretary Pu C. Lalruatdika'n a kaihruai a ni.

MZP President Lalnunmawia Pautu chuan, "Branch chak tak ni ṭhin kha, Sub-Hqrs ah hlan kai in ni hi ka lawmpui che u a, Branch in nih laia chak taka hma in lak ṭhin ang khan Sub-Hqrs-ah phei chuan hei aia chak zawka hma in lak hi kan beisei tlat dawn a ni, chuvang chuan hruaitute in ṭanrual a ngai lehzual tak meuh meuh dawn a ni" a ti.




MZP President chuan, "MZP hi khawtlang thil zawng zawngah NGO dang anga activities nei reng thei kan ni lo, Mahse MZP hi chuan zirlaite leh ram leh hnam tan khawih tur leh hmalakna tur bik a nei thin tih erawh kan hriat thar a ngai." a ti a, He mi kawngah hian theih tawp chhuah a, MZP nihna kengnungtu ni zel turin President chuan MZP Sub-Headquarters Buhchangphai hruaitute a chah

Buhchangphai hi Kolasib district a awm niin, Assam nena inrina hnaia awm an ni.

Post a Comment

0 Comments