COVID-19 | Aizawl veng 60 chuang red zone-ah puang; Red Zone-ah inkhawm khap!

Aizawl | Feb 5, 2022: COVID-19 | Aizawl veng hrang hrang 60 chuang red zone-ah puan a ni a.
Red Zone huam chhungah inkhawm phal a ni lo.

mi 1000 zela mi 10 aia sang positive nei te chu Red Zone-ah dah an ni.

Aizawl district chhunga veng leh khua 87 lai mai chu Red zone ah hian dah an ni.
PCI Model veng kohhran hall chu 4C atan hman mek a ni.

Hei bakah hian Red zone chhunga tlawhpawh khap a ni a, Red Zone aṭanga chhuah pawh khap a ni.

Red Zone a puan vengah chuan dawr pawh inhawn chhawkin, hna thawk pawh pawn lam mi ruai lo turin hriattirna tihchhuah a ni.

Dawr inhawn chhawk dan


Red Zone-a puan hian ni 7 a awh a, ni 7 hnuah ennawnin, red zone an nihna hlih emaw puan belh emaw zel tur a ni.


Red zone hi Deputy Commissioner-in ni sarih danah zel a puang thin ang a,  DC thuchhuak lo chuan mahni thua in hlih/puan phal a ni lo.

Orange Zone leh Green zone huam chhunga veng/khua awmte pawh hrikai darh dan dinhmun azirin Red zone a puang kherlo pawhin Containment zone-ah puan theih a ni. 
Red Zone Veng/Khua ah te hian hrileng a darh zel loh nan leh mipuite an lo him.zawk nan a hnuaia inkaihhruaina hi an zawm tur a ni a, Health & Family Welfare Department in revised guidelines on Covid-19 contact tracing vide No.D.33011/39/2021-HP m dated:31.12.2021 hi zawm a nih ngei theih nan LLTF/VLTF ten hma an la ang.

Red Zone huam chhunga luh leh chhuah chungchang: 
Heng a hnuaia mite hi a hranpa a dilna siam ngai lova luh leh chhuah phalsak an ni: 
1. Deputy Commissioner Office-a thawkte. 
2. Damdawi lam a thawk. 
3. Home, H&FW, Police, Home Guards & Civil Defence, Fire & Emergency 
Services, Disaster Management, Civil Aviation, Prisons, Excise & Narcotics, 
Municipal Services, Forest Field Works, PHE, 1&PR, P&E, FCS&CA, IF&%SL, ICT 
leh NIC Department a thawk. 
4. Mizoram Legislative Assembly Secretariat, Court leh Judiciary a thawk te. 
5. Private tui phur motor-te. 
6. Bawlhhlawh paih motor. 
7. Zirlai Exam nei.
8. Deputy Commissioner leh Incident Commander-in phalna a pek te. 
9. LLTF/VLTF Duty leh LLTF/VLTF in phalna a pek te. 
10. Office hnathawk te pawh red zone-a awm te chu a tul tawpkhawk loah chuan chhuah loh tur a ni a, chhuah tul an awm chuan an thawhna Department Head Office/Department-te detailment order an nei tur a ni. 
11. Tul bik thil leh damlohna thil a zin chhuak leh khaw chhunga lut turte chu incident Commander/LLTF/VLTF te'n uluk taka zir chiangin, phalna an pe thei ang.

Office hawn chungchang: 
Red zone huam chhunga awm office te chu sawrkarin SOP a tihchhuah an zawm tur a ni a. Head of Office ten inkaihhruaina felfai tak CAB kenkawh zulzuia  anih theih nan ruahmanna an siam tur a ni.

Puipunna chungchang:
1. Mipui punkhawmna leh programme chi hrang hrang anniversary, birthday,  kohhran leh pawl hminga thil tih leh inhmuhkhawm, inkhawm leh hnatlang te khap a ni a. Infiamna, ennawm hmun te khar vek tur a ni. 
2. Inneihna leh mitthi vuina ah chuan mi 50 aia tam lo emaw a hmun a leng zat  chanve, a tlem zawk zawk kalkhawm phal a ni. He hmuna kal te chuan CAB  an zawm ngei ngei tur a ni. 

Hnathawh leh dawr hawn chungchang: 
1. Hnathawktu ten an awmchilhna hmun ah chuan CAB zawm chungin hnathawh phal a ni. 
2. Nitin mamawh leh eichawp dawr, damdawi dawr, sa leh thlai zawrhna te chu nitin hawn phal an ni. Heng bak dawrte chu Odd leh even category ah then an ni a, an in hawn dan tur chu Annexure-1 ah tarlan a ni. 
3. Dawr nghak tu te chuan vaccination certificate an neih chuan phochhuah theih turin an kawl tur a ni. An mahni dawrtu te chuan mask an vuahin social  distancing an zawm ngei theihnan hma an la tur a ni, a reilo thei ang ber an in dawr thin tur a ni. 
4. Santizer chhawp vek tur a ni. 
5. Dawr chhungah dawr nghaktute nilo chu inleng emaw dawrtute emaw te chu thut khawmuan phal a ni lo.
6. Dawr nghaktu leh dawrtu ten engtik lai pawhin hnar leh ka uluk taka khuhin  mask an vuah reng tur a ni. 
7. Dawr chhung leh pawnah dawr tute inhlat thei ang bera an awm theih nan  dawr neituten ruahmanna an siam ang. 
8. Online shopping leh delivery te mi dang nena intawk lo in kalpui phal a ni. 
He thupek hi veng/khawtina Police/Executive Duty/ CABIT/ LLTF/ VLTF ten khauh takin an kengkawh tur a ni.

Duty chungchang:
1. Deputy Commissioner-in Executive duty a dah/dah belh thin ang. 
2. CAB Implementation Team leh LLTF/VLTF-te uluk takin an duty thin anga, hmun pawimawh laiah hrui pawtin an duty anga, a khat tawkin veng chhungah patrolling an nei thin ang. 
3. Red zone chhungah hian Police duty pawh dah/dah belh turin Sr. SP, Aizawl in ruahmanna a siam ang.

He thupek bawhchhia an awma man an nih chuan, Disaster Management Act, 2005 Section-34(b}(c)(m) leh IPC Section 188 (thla 6 lung in tan emaw Rs. 1,000/- chawi emaw, a pahniha hrem kawp emaw) hmangin hrem an ni ang.


Red Zone a dah mekte:




Post a Comment

0 Comments