Aizawl; February ni 5: Hon'ble Minister Dr. K.Beichhua chuan Rs.51 Crore senga International Border Trading Road ( Lobo-Tluangram-Haka) sial mek chu a hmunah kalin a enfiah.He kawngpui hi 13Km a thui tur niin, Tantia Company kawng laih hna hi a thawk a,Funding Agency chu NEC a ni.Kawngpui hi 7.5 meter a zau niin, pavement Area hi 5.5meter a zau a ni thung. Kumin January atanga hna hi thawh tan niin, tunah hian Formation Cutting 3Km vel an zo tawh a ni.He kawngpui Sialna turah hian Lobo khua mipui te chuan Compensation beisei hauh lovin a thlawnin an ram te an pe hlawm a ni.
Minister hian Noao-tlah khuaa Eklavya Model Residential School(EMRS) sak lai pawh tlawhin, contractor te chu Kumin November thla ral hma a hna hi thawk zo hman turin a hrilh hlawm a ni.
Minister chuan Lobo leh Noaotlah khuaa Public meetingah te thu sawiin, Swrkar flagship programme SEPD hnuaia hmalakna awm lo ang tein opposition Party te chuan min sawi thin a, SEDP atang hian hmasawnna ruhrel tam tak bakah Social Security, Health Care, Road etc. ah te hna kan thawk nasa hle a ni. Beneficiary Base a tanpuina sem tur pawh sem thei tak tak lo turin min sawi thin. Mahse tun atanga rei lo te(Financial Year thar) ah chuan Chhungkaw 60000 aia tlem lo hnenah Rs.50,000/- theuh 1st instalment atan kan sem dawn a ni. Siaha District-ah pawh SEDP atangin tanpuina kan sem ang. Sericulture Dept. hnuaiah Beneficiary chhungkaw- 150,Horticulture Dept. hnuaiah chhungkaw-75 leh Agriculture dept. hnuaiah chhungkaw 300 hnenah an tel dawn a ni, a ti.
Minister hian Lobo leh Noaotlah khuaa Myanmar Refugees te tlawhin Tanpui tangkafai a hlan hlawm bawk a ni.
Post a Comment
He post chungchanga i ngaihdan lo sawi ve rawh: