Tlabung damdawiina naupiang 88% chu hnam dang!

Aizawl | Feb 6, 2022: Nikum chhunga Tlabung damdawiinah nau piang 135 awmin, heng zinga 88% chuang hi hnam dang niin, 12% pawh tling lo hi Mizo naupiang an ni.

pic | Tlabung Post |

Tlabunga Health department-a thawkten an chhinchhiah theih chinah, kum kal ta 2021 chhunga Tlabung Sub-District Hospital huamchhunga naupiang zingah, damdawi in aiin in lama hrinchhuah an tam zawk.

Kum liam ta 2021 chhung khan Tlabung leh a chhehvelah naupiang 365 awmin, an zinga 135 chu damdawi ina hrinchhuah an ni a, hetih lai hian naupiang dang 230 erawh in lama dam taka hrinchhuah an ni thung tih, Tlabung Post in a tarlang.

Tlabung Post in a tarlan danin, Kum liam ta 2021 chhung khan Tlabung Sub-District Hospital-ah naupiang 135 an awm hman a; an zinga 115 chu Chakma niin, 16 chu Mizo an ni. Bengali naupiang 3 awmin, Bru naupiang 1 a awm bawk.

Hnam dang nau piang hi an vaiin 119 niin, Mizo 16 an ni a, an vaia belhkhawm hi 135 a ni.

Damdawiina nau piang zingah hian Hnam dang nau piang hi 88.1481481481% lai a ni.

Hetih lai hian, damdawi in pan kher loa chenna ina hrin naupiang 230 awmin, an zavai hian Chakma an ni deuh vek!

A tlangpuiin, damdawi in pan loa in lama nau neite hi Tlabung chhehvel hmun hla lehzuala awm, inkalpawhna kawngpui ṭhat loh leh thil dang vanga damdawi in pan zung zung thei lo tih, thudawnna chuan a sawi a, hei vang hian Tlabunga Health department-ah tun aia tam zawk thawktu dah belh chu Tlabung leh a chhehvel mipuiten thil leh pawimawh hmasaah an ngai tih, a sawi.