Ticker

10/recent/ticker-posts

Zoramthar-in Zofate Hnam Nihna Thuthlung puang chhuak

Aizawl | January 24, 2022: Zoram Thar Zofate Lairelna Inpui chuan an hruaitu Rev .Dr. Zaichhawna Hlawndo hovin vawiin 24/1/2022 chhun dar 12 khan Press Conference, Aizawl Press Club ah an nei. He press conference ah hian Zo hnahthlak kum 3000 dawn hnam hming hrang  pek leh ram hrang India Bangladesh leh Myanmar a  awmte chu thlahtu bul thuhmun Josepha thlahte Zofate- hnambo- Israel chhungkua (House of Israel)  -Manessia leh Ephraim thlah kal zelte kha an ni tih khawvel hriatah an puang.


Zofate hnam khat leh thlahkhat nihna nemngheh na lung Zofate Hnam lungphun chu Rev. Dr. Zaichhawna Hlawndo ni 17/12/2021 khan a hawng.  Zofate chi hming zawng zawng ziakna  hnam lungphun  Hnam Peng 12  - (1) Lai (Chin) (2) Mara  (3) Lusei (4) Kuki (5) Zomi (Paite) (6) Ralte (7) Gangte (8) Guite (9) Hmar (10) Vaiphei ( 11) Mivam leh (12) Chawngthu  lungah ziah a ni. Zo hnahthlak chi peng 2000 chuang  ziahna lung 12 chu  hnam peng aiawh thlan chhuah ten Zofate chu tuma thendarh theih tawh loh turin Pathian tan ram leh hnamah kan insuihkhawm tawh dawn tih puangin an hawng.

Video:



Zofate Lairelna Inpui hruaitu ten an lo ruahman *Zofate Hnam Nihna Thuthlung* - Zofate chu leilung ramri then awm lova khawsa an nih dan te, thlahtu bul thuhmun hnam khat  an nihna te, an mahni duhthlann nilova India, Myanmar leh Bangladesh  rorelna hnuaiah dah rih an nih thute an tar lang a.  India rorelna hnuaiah mihring 18,00,000 Myanmar rorelna hnuaiah mi 5,50,000 leh Bangladesh rorelna hnuaiah 1,80,000 vel an awm thu an puang. 

Press mite hnenah Pathianin a Zawlneite hmanga Bible Thianghlim a lo sawi lawk angin Zofate hi hnam khat an nih angin rorelna pakhat hnuaiah an la awm dawn a. Chu ram leh hnam lo ding tur chu Kristian ram Kristian hnam niin  (1) Khawvel tana eng, (2) Hnamte tana eng leh (3) Khawvel pum tana tawngtaina Inpui   a nih tur thute an hrilh. Zofate hnam nihna puanna Thuthlung ziak hi ngun taka an lo ngaihtuah tur leh a tul anga hma laksak tura ngenna nen United Nations General Secretary hnenah te, khawvel ram hruaitute Prime Minister leh President – India, Myanmar, Bangladesh, Israel, United States of Ameriaca  leh United Kingdom  an pe a. India ram State chhunga Zofate chenna bik Chief Minister – Mizoram, Manipur, Tripura leh Assam hruaitute  hnenah an pe tel bawk. He hnam nihna puanna hi hnam peng hrang- Lusei, Mara, Lai (Chin), Gangte, Guite, Kuki, Zomi (Paite), Vaiphei, Ralte, Mivam leh  Gangte aiawhten ten hming ziakin an nemnghet a. Pawl hrang- Mizo Zirlai Pawl, Mizo Student Union, Chhinlung Israel People Convention,  Beth Israel, Zo Reunification Organization leh Mizo Convention, Zampui Hills aiawhte pawhin ziakin an nemnghet bawk.  

Zoram Thar Zofate Lairelna chuan Zo hnahthlak zawng zawngte ta tur- khawvela biakin lian ber Zofate Pathian Biakinpui, Hnam Biakin leh chanchintha hrilna (mission centre) tur leh khualzin te hipna tur ni bawk chu a lungphum ni 18/12/2021 khan phum tawh niin  kumin 2022 a sak ṭan turin an buatsaih mek. Kumin chhung hian Mizoram chhung district hrang leh ram pawnah inpumkhatna beihpui  neih an tum a, Pathian Lal ram chanchintha chhungkaw tinah a thlen theih nan hma lak zel an tum bawk.
Post i hmuh dan

Post a Comment

0 Comments