PMGC 2021 Champions Nova Esports

January 24, 2022: PUBG Mobile Global Championship (PMGC) 2021 chu January ni 23, 2022 (Pathianni) khan khelh zawh a ni a, champion lai Nova Esports chuan title humhimin $1.5million (₹11 crores approx) an hum hawng.

Anmahni hnaih ber tu Natus Vincere chuan point 47 laiin an phak lo a ni. Pathumna chu Nigma Galaxy niin India aiawh Godlike Esports chu 13-na an ni. Pahnihna NAVI hian $600K (₹4.4 crores approx) an dawng a, pathumna Nigma Galaxy-in $300K ( ₹2.2 crores approx) an dawng a, India atanga tel Godlike chuan $27K (₹20 lakhs approx) an dawng a ni.

Grand Finals hi ni thum chhunga khelh a ni a, a vaiin match 18 khelh niin hengah hian Nova an chungnung tluan parh. Eliminate 101 lai neiin points 222 an hlawhchhuak. NAVI chuan Eliminate 95 neiin pathumna Nigma Galaxy chuan eliminate 48 an nei.

MVP atan Nova Order thlan a ni a, ani hian kill 46 lai neiin damage 7793 a nei bawk. Nova Esports hi match 18-ah vawi khat chiah chicken dinner mah se kill points leh placement points an nei tha thin hle a, khelh chhiat chang an nei lo tluk a ni. 

Grand Finals-a chicken dinner ngun ber chu NAVI niin vawi 3 an WWCD a, STE, SZ STE, NGX leh A7 te vawi hnih theuh an WWCD a ni. Grand Finals hi Dubai-ah khelh niin Youtube-a live telecast a ni a, Match day tin 1M views a kai ziah, chutiang khawp chuan gaming community-in an hlut a ni.

Sawiselna tam tak kara Dubai thleng BGIS top 4 Godlike Esports chuan Grand Finals khelh chhung zawngin game ropui tak an khel thei lo, match hnuhnung berah erawh an WWCD a, sawiselna tam tak karah Indian fans lung a awi tawk hle niin a lang.

Kan hriat theuh angin India ramah BGMI khelh a ni a, Global hi kum hnih emaw vel India PUBG Mobile gamer-ten an khel tawh lo. BGIS2021 khelh zawh a nih atang khan Grand Finals inkar kha hun a tawt em em a, inbuatsaihna hun tha an nei lo tluk a ni. BGIS leh Global lobby a danglam hle niin a lang bawk. Chutih laiin ram dang team erawh an lo tha hle tih a chiang thung.

 

BGIS2021-ah pawh Godlike Esports game kan hre chiang, an rush pup pup a, placement points ngaipawimawh lo ang maiin an khel thin a nih kha. IGL an nei tha tawk lo niin India fans lamin an sawi chamchi, PMGC 2021-ah pawh inpawmchilhah tha viau mah se placement points an hlawhchhuak tlem thin tak zet. Chu chu an dinhmun a hniam chhan pakhat a ni chiang.

Pathumna NGX hian finish 48 an neih laiin Godlike-in 66 lai an nei thung. Heta tanga chiang tak chu an silai an hmang thiam, mah se zone rotation-ah an uluk tawk lo deuh a ni.

Skylightz Gaming IGL Saumraj chu match tawp pahnihah an khelhtir ve a, Miramar-ah truck atangin an kap tla hlauh, amah Saumraj kha chuan tihsual lian a nei lem lo. Truck hnunga chuang ve mai kha  a ni a.

Match 18-ah erawh a kaihhruaina hnuaiah Godlike kha an khel niin a lang, zone rotation an nei fuh em em a, zone tawp ber thlengin dinhmun tha takah an ding a, Skylightz game leh Godlike game a inkawp kan ti thei awm e,  an WWCD ta hial a ni. Match Day 2-ah te khan Saumraj kha khelhtir selang chuan dinhmun tha takah an inhlangkan ngei BGMI player ten an ring a ni.

Lawmman hetiang hian :

1. $1.5 million (₹11 crores approx)

2. $600K (₹4.4 crores approx)

3. $300K (₹2.2 crores approx)

4. $150K (₹1.1 crores approx)

5. $90K (₹66.7 lakhs approx)

6. $60K ( ₹44.6 lakhs approx)

7. $40K (₹ ₹29.7 lakhs approx)

8. $37.5K (₹27.9 lakhs approx)

9. $34.5K (₹25.6 lakhs approx)

10. $31.5K (₹23.4 lakhs approx)

11. $30K (₹22.3 lakhs approx)

12. $30K housand (₹22.3 lakhs approx)

13. $27K (₹20 lakhs approx)

14. $27K (₹20 lakhs approx)

15. $21K (₹15.6 lakhs approx)

16.  $21K (₹15.6 lakhs approx)

- Lawngtlai Voice