FEATURE | Mizo SkyDiver - Rama Sialchhung



Skydiving lam a Mizoram bung thar min kai puitu Zofate zing a hmasa ber ni tur a Solo Static Line Jump leh Instructor Assisted Deployment Course zir chhuak Rama Sialchhung hi i lo bel chiang teh ang.


Rama Sialchhung hi a hming pum chu SC Ramnunmawia niin kum 1995 November 26 khan Pu Sc Lalsawmliana leh Pi Tharkungi te fa ni turin a lo piang a, amah hi ft 5'8 a sang a ni.

Rama Sialchhung  te hi unau 6 niin,mipa 5 leh hmeichhia 2 an ni a, tunah hian Champhai Vengthlangah an cheng mek.

Kohhran lamah chuan Presbyterian a lawi an ni a, zirna lamah chuan HSLC kum 2010 ah Springdale Academy, Champhai atang a zir chhuakin HSSLC hi kum 2012 khan GMHSS atangin a chhuak bawk a, Kum 2016 khan St. Edmund College Shillong atangin B.A a zir chhuak bawk.


Ei zawnna lam:
- Tunah hian NEIDA Champhai district co-ordinator in ka awm mek.

Engtik atang khan nge Sky Diving lam hi i hmelhriat tan? Engtia tui chho nge i nih?
- Class 5 ka nih atang ka tui tawh! Movie vela ka hmuh atangin. Indiaa tihna ka zawng ngat ngat thina ka hlawhchham lek leka 2021 khan Ka Youtube comment an lo reply fuh a, chuta tang chuan ka birh ta ngut ngut mai a ni.😆

Eng rilru pu a Sky Diving hi zu zir nge i nih?
- Tandem Jump kan tih khan ka kham lo nasa mai a, Solo Jump tih ka duh ka ti ve ringawt a, course/training phawt loh chuan a theih loh an tia, "admission in hawn veleh min lo hriattir r'u," ka tia December khan min lo hriattir a payment ka tifel a January ah ka chhuk.


Eng tin nge i zirna hmun nen hian in in hriat pawh?
- Skydiving video ka en apiang hian, "India a ka tih theihna tur min lo kawhhmuh teh u," tiin comment-ah ka drop thluah zel. Ka Youtube comment an lo reply fuh a, chuta tang chuan ka hre pawh ta  ani.


I course zir hi zir ve duh tan engtia buaipui chi nge? A zir hi a har em? A hautak em?
- Cheng 30,000 in a complete, instagram ah Skyhighindia tih follow se engkim an hmu vek thei ang. A har hran lo, Mizo tan phei chuan thil kan thiam hma a. 

SSL/IAD i training hun chhung?
- 12.01.2022 ah ka tan a,16.01.2022 ah ka zo, ground training a ti tha tan a tawi a, tichhe tan course kal chhung a rei, ka tih that vangin a rei lo. keimah bik hi ground training hi ni 3 ah ka zo.

Sky Diver i nih na kawngah harsatna tawh te i nei em?
- Pathian zarah ka hriselna a tha a, Skyhigh lam an fel em em bawka location detailsah, Ka hotel thlenna zawng zawng thlengin, harsatna lian tham engmah ka tawk lo. Course Final Stage a ka jump ni turah erawh ka hma chiah a jumpin khaw dur vangin Landing Zone a hmu thei lo a, Ground crews lamin min postpone phah a, ni hnih kan nghak a. A rei duh khawp mai, ni thumna ah tluang takin tha takin ka land thei.

Tandem jump kha ti duh tan engtia buaipui tur nge?
- Skyhighindia(instagram) ah slot open an lo post thina, va dm tawp se, an lo process nghal zung zung ang.


Sky Diving hi Mizo thalai te ah intih hmuh chi niin i hria em?
- Aw, hre tehreng mai. A tam thei ang ber in trip thla reng ila ka duhthusam, confidence boost nan pawh a tha khawp maia, ka instagram ah pawh min lo zawt sap sap a, ka lo chhang vek detail takin.

Sky Diver tha ni tur a pawimawh ni a i hriat?
- A hmasa berah chuan pum chak leh hrisel tha,chi ai hma loh, mahni mawhphurhna mahni koa tla hlenchhhuah duh mi mizia nei tan chuan an che chhe lo ang.

In training ah eng ang nge in zir?
-Parachute function hi an uluk khawpa, a hrui chitin pawimawhna leh an role min hrilh uluk hle. Main Parachute a that loha Reserve hman dante, Parachute khawl detail (Canopy, steering, cut away, etc..) Parachute Emergency drill, Altimetre study, Height awareness, Plane Emergencies Do's and Dont's, Sign Language, Plane Exit drill, Landing Area Survey, Body Posture, etc.


Mizoram ah a hmasaber i tih i hriat dan?
- Mizoram Aero-sports Association (MASA) President Pu Maliana ka be pawp a, aniin "1st i ni e," min tih hnuah chiah ka confirm.

Hobby - Adventure and Sports, Riding a car, listening deep House music, trekking


A duhzawng leh ngainat zawngte:
Rawng - Grey, Black and White
Chawhmeh - Vawksa rep
Incheina - Jeans t shirts and sport shoes
Rimawi – Ka ngaina vek (mood a zirin a danglam)
Mizo Ziaktu zingah - Dr.Thangchungnunga
Hla - Mizoram Synod Choir - Chawngzawng pawh hawisanlo tu chuan

Mize ngainat zawng: Mi humble, mi dangte tana hnawksaka awm lo chi, mahni buai buaia buai.

Mize ngai nat loh zawng - Chapo.


Zawhna dang:
1. A tel lova i awm theih loh: Pathian leh ka chhungte

2. I nun kaihruaitu: Sipai mentality

3. Hringnuna i hlauh ber: Midang tih lawm tum lutuk

4. I tih ngai miah loh tur: Mahni thil tihsual tlanchhiatsan

5. Quote i duh ber: 
“If you are going to try,go all the way,otherwise don't even start" 
-Charles Bukwoski

6. Khawtlang, Kohhran leh nangmah:
- A mawi tawka in hman hi a tha, active thei an awm chuan ka support mah mah.


7. Social Media leh Nangmah:
- Ka khawih ve pangngai, mahse, ka hna tibuaitu leh ka daily routine tibuaitu ah ka hmang ngai lo.

8. Mizoram ṭhalai tam tak tlakchham: A tawp thlen. 

9. Mizo ṭhalaite hian ngaihsan tur dik an ngaisangin i hria em?
- Hre chiah lo.

10. Ngaihsan tur dik nia i hriat:
- Eng hna pawh rinawm taka thawka a hniam ber pawh hlim hmel sanga thawk theite hi kan ngaihsan turte an niin ka hria.

11. Hlawhtlinna tura pawimawh:
- Tumruhna leh a kawng dik zawh nana zir chian uluk.

12. I nuna hloh i hlauh ber: Ka nu leh pa

13. Hnam dang nupui pasal neih hi:
- Hetiang lamah hi chuan ka open minded viau.


Thalaite hnena chah duh:
- Thil tih tawh chuan tih tlang law law tur, hni hnea thil tih chuan engmah a thlen theih loh, mi dang laka beiseina neih san aiin mahni leh mahniah beiseina intihsan em em tur!


EXPLOREMIZORAM.COM i hmuh dan:
- Amazing platform! Mizoram chhunga thil thleng leh hmun tam tak khawvel ina an hmuh theihna platform ṭha tak a niin ka hria.








(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)




Post a Comment

0 Comments