Ticker

10/recent/ticker-posts

CHAMPHAI | Dikna tundin phutin kawng zawh; "Mi dik lote hmaah Champhai mipui - kan tlawm dawn lo" - Champhai mipui

Aizawl | January 24, 2022:   Champhai Bawrhsap Pi Maria CT Zuali sawnna order sut ngiatin Champhai District NGO Co-ordination Committee huaihawtin vawiinah khan Dikna Tundin kawng zawh a ni. Thalai tam tak an boruak ralmuang tak nen an pungkhawm.


Hetih lai hian, He hmalakna bul tannaa tel YMA Sub-Hqrs. Champhai chuan tel ve zel tula an hriat tawh loh thu an lo chhuah angin an tel lova, YMA hruaitute tel lovin thalai rualin kawng an zawh.


Champhai mipuite ti hian an au e;
"MI PAMHAM TEN SORKAR AN THUNUN..."
"Kan phal lo!!"
"MI DIK LO TE HMAAH CHAMPHAI MIPUI"
"Kan tlawm dawn lo!!"


Champhai District NGO Co-ordination Committee hian District Bawrhsap sawnna thupek sut tura sorkar an nawrnaah kar kalta zirtawpni khan Champhai khawpuia dawr khartir-in hma an lo la tawh a. An thil ngiatah sorkar lam atanga chhanna engmah an dawnloh zui tak zel avangin an lo ruahman lawk angin, vawiinah Champhai khawpuiah kawngzawh huaihawt an tum ta a ni. Jt NGO hruaitute khan kawngzawh hi Champhai Vengsang Presbyterian Kohhran Biak in bul atangin chawhma dar 11-ah kawngzawh tan ta a ni.

Champhai NGO hi an thil ngiatin awmzia a la neih loh cheu chuan, naktukah sorkar pisa zawng zawng khartir an tum dawn a, Nilaini Republic Day hian total bandh huaihawtin, Republic Day boycott an tum pawh kaltlangpui an tum dawn tih an sawi.

He thu ziah a nihlai thleng hian sawrkar atangin Republic Day thlenga la awm rih tura thupek chhuak bak chu thu lawmawm a la awm lo nia thu dawn a ni.


Nimin khan YMA Sub-Hqrs Champhai  chuan thuchhuah siamin, inrinni zana Executive committee thukhawm chuan Mizoram sorkarin Champhai bawrhsap sawn a tum chungchangah NGO Co-ordination Committee in hma a lak tawhna chu tha an ti a, an ngenna anga Republic Day thlenga Champhai bawrhsap sorkarin a awm hun a pawtsei chu lawmawm an tih thu sawiin, hetiang a lo nih takah chuan YMA kal zelna tur atan leh pawl him zawk nan bawrhsap sawn chhuak lo tura hmalaknaah tuna action plan an thlawp chin bak chu tel tawh loh an rel tih an tarlang.

Thudawnna in a tarlan danin, Inrinni zana Champhai District NGO Coordination Committee an thutkhawmah pawh YMA Sub. Headquarters  Champhai hruaitute hi an tel tawh lo a ni.

Thlalak: John Jahau










































Post i hmuh dan

Post a Comment

0 Comments