Doctor With Love

- Jimmy Lalhriatpuia Sailo : College Veng Lunglei


“Lalhming..Heyy..Hmingi...Haiii..Hming hming...”
Oh God! Engmah hrelo awm takin a kal ngau ngau mai a. Ka Star em em nula chu a hming ka hriat dan chuan ka ko a, mahse engmah hrelo awm deuhin a kal hmuk hmuk mai. Ka thian pakhat hian chu nula ngo, te lam deuh hmeltha zet chu a hming Lalhmingi anih thu min hrilh a mahse ka ko a aei miah lo. Ka thian pakhat lah chuan,”I va han luck lo em em ve nula i ko ve a ala ei duh lo zui a.” min tia min nuih vak vak a. A hnuah chu nula hmeltha duhawm zet chu ka hmu leh a,”Hmanni khan engtizia nge i ei duh miah loh a?” kan ti vei thawr a min  en ang he haw a,”Tunge inih ve ringawt zawk a?” min ti daih a ahnuah,” Ka hming ani lo alawm le...”
“A nih leh ihming chu min hrilh ve la..” “I va zak lo e..Kal nghal rawh..”
“Ih..ih..ih..Eheu nula...’(Tlangval hmeltha zet leh fel hmel em em hian Bikein arawn phur nawlh a),” E he..Ka zawhna pawh min la chhang miah lo ania aw...An kal daih ka ti”..kan ti Nung nung mai a..
Ka sual man hi leia ka tel tur thu min hrilhtu chu Bilble ani a,Bible hi piangthar lo mah ila ka ring ve tlat. A chhan chu asawi dik miau alawm le. Ka sual man ka tel hma lawkin ka bialnu nen kan inthena ka sual man ka tel zuia, ruih hlo zunah ka uai a,ka uaina hrui chu apan tial tial a,ka invuan nghet sauh sauh a. Ruihhlo bawiah ka tang nghet tlat tawh a. Ruihhlo ka vawnna  kut thlah dan ka thiam miah lo.  Chawlhni zingah chuan mite chuan an thawmhnaw nalh ber ber inbel chungin chhungkimtein  Siamtu run lamtluang zawh zai anrel a,kei ve chu  Buhfai 4kg nen  ka kal mawng tulh tulh thung thin. Zu mai nilo damdawi te nen lam lam hian ka hre bel em em a ruih hlo chu. Campingte hi angawl ka vei tan deuhin ka inhria  ka lut zing malh malh em mai.

Chawlhni Chhun inkhawm ban lai chuan Children park Chanmari-ah ka inchiu a, ka  nun hi abeidawng a ni. Ka inchiu thin na zat(Dosage) aia tam hlekin ka inchiua ka thu vang vang a, mei ka pak zo chu ka thoa...E heu..Ka hmu phe zuk zuk mai..ahring sen dum tial ruai a...engmah ka hre zui lo. Ka harh chuan ka star ngei mai hmana Lalhming..tia ka koh khan min lo bawisawm a,”Ka mu mang em ni? Ka mu mangmah nise nula duhawmte..min kalsan suh aw....” 
“Ngawi mai mai rawh ivein ka zawng mek ania..”
“E he...ka mumang ani miah lo..khawnge ka awm aaa....Children park hian chung alo nei em ni?”
Ka bana piai sawk pahin,”Mawl lutuk Damdawiin anih hi ... Nurse  Syringe kha rawn la tawh la..”
“Ih..lawks..Ngawi teh ngawi teh hei damdawiinah ka awm itihna ani ang tiraw?”
“Aw awm..Nurse  ilo siam nghal em damdawi chu?”
“Aw siam e..”
“Hei hi hre rawh damdawi anazawnga hman theih lohin ka chiu dawn che a, achhan chu i vein aclear loh vang ani...”
“Tha lawm, ahrim hrimah Doctor maw ilo nih a? Khawi maw? (A kawr hmaa thil intar chu ka en a..Doctor Hannah) Wow mawi lutuk.. Khaia engin nge min chiu a..ava nuam em em...”
Kan thlang lawka nurse chu Doctor chuan,”I hmu tawh em?” a zuk ti a. Nurse chuan,”Doctor  a vein hi ka hmu thei thlawt lo mai...” Ka zuang tho zawka, ”Khawi keimahin kan lo ti ang e...” kan thlanga Pitarte vein anhmuh zawh loh chu kan zuk hmu nghal deuh  mai a ka chiu zui a ka chiu zawh chuan Pitarte chuan,”Tlangval ikut adam hle mai” min han ti chu ka lawm ve kher mai.
“I hming ka hria a, Hospital-ah hian karkhat tal chu iawm angai dawn ania aw..”
“Chi loh reng reng  ka peih teuh lo mai..”
“I chhungte lamah harsatna inei em ni?”
“Ka chhungte chu anlawm zawk ngei ang chu...”
“A nih chuan zaninah hetah hian riak la..i chhungte ka lo rawn ang a..thil tha deuh min hmuh reng theihna tur aawm mai thei ania aw..”
“Tak tak maw Hannah Lalneihpui...awh..ih a...Doctor hmeltha ka tihna...”
Hannah-i chu...arawn ner ngei mai…
Ka awmna Casualty-ah chuan tlai chaw pawh damdawiin ami dawh ve tho alo ngaia, tlaiah chuan Doctor chu alo kal leh a,”Zanah chuan min riahpui la...”
“Zak lo e”
“Nih loh chuan ka chhuak mai ang..”
“Ngailo ichhuak ngawt thei lo ang..”
“I damlote itawngkhum dan amawilo hle mai...Ka chhuak mai ang”
“Nilo nilo...ka tihpalh..tih dan tha deuh ka hria ania aw...”
“Athatte chuan nangmah khan hmang la..”
“Nilo..anih leh chhuak lo la thil dang tha zawk ngaihtuah pahin thil sawi dun lawk ang..”
“A nih chuan I phone kha min kawltir la...”
“A bo thei a...”
“Chutiang lamah chuan buai suh. Min ringtu lakah chuan ka rinawm ania aw”
“A nih chuan i kawl anga,chuan hei lo kal hnai teh. Ti khan lo kawl phawt la chuan zingah ka lo kan ang che. Chuan naktukah ichhuak thei ang chu. Chuan hei hi dar riatah ilo ei dawn nia aw”
Zan dar riat ah chuan Damdawi chu ka eia..ka nuam leh hui mai a, Hannahi Phone ka kawl chu arawn ri chhen a,keia rui phur chuan,”Akid number one ka nia aphone ka kawla enge iduh chu sawila ka lo hrilh dawn nia..” ka lo ti zela, atawp atawpah amah chuan arawn phone a ka lo sawi leh peka,”Hmela..Mu rawh” adah nghal hmaka...a thinrim hmel ngei mai...Atukah chuan Damdawiinah chuan chaweikham –ah arawn kala alo kal lai tak chuan a pa hian arawn call a,”Hello akid ka nia enge ni ta? Amah aawm lo a...alo kal mek..” 
“A pa ka nia...”
“A pa a!!!...??? Aw hei amah alo thleng alawm..Kha ipain abe duh che..”
“Hallo...eng a? ...Awi leh hmela..”
Apa nen anin bia chu lehlam ahawia anui leh thin... An inbe zoa ka bulah arawn kala,”Kan inah iawm dawn, chuan ichhungte anlo kal meka thilawm dan ka hrilh vek tawh”
“Nia atha alawm ka hmuh reng theihna tur che anih dawn phawt chuan...Ngawi ngawi teh awmpui turin  maw?’
“Nilo e, kan ina cheng ve pakhat angin...”
Ka chhungte anlo thlenga Hannah-i te nen chuan aninbia ka pa chuan min rawn hnaih a,”Hei iawmna turte hi inu leh pa tak tak angin enla anin hi iin ang tak takin en hram ang che aw. I duh chuan engtik hunah pawh ilo leng thla thei ania mahse aninah iawm char char phawt ang a, kumkhat vel chu iawm angai dawn ani. Achhan min zawt suh ang che nakinah ka la hrilh vek ang che” ka pa chuan min ti a. Hlim takin tuk thuan ei turin Hannahi chu ka zui chho ta a.
Thla chu aral ve mai a, Hannahi chuan zing tin Taekwondo azir tawh apractice thina, kei pawh chuan ka zawm ve zauh zauh thin. A unaunu chu Heleni a ni a Dawr asiama, anu chu College Pakhata Principal ani. Apa chu Pastor ani a afelin athusawi anung em em a, mahse anchhungkua chu annui khat khawp mai. Mithiam awmkhawm thah anni bawk a an muk ngak mai a. Chutih laiin kei rui deuh reng che ho ve thei tak hi..Ka thlarau chhandamna...ka pianthar nan ti zawk teh ang..ka pianthar nan aninah min awmtira ka pianthar hma loh chu min enkawl tawp dawn ani awm e.  Kum dangah chuan Missionary anchawma tun kum chu antawngtai chhanna ka ni teh mauh mai anih chu. Thlakhat chhung chuan annui reng reng chu nuih tak takin annui ka hmu lo reng reng a. Atirah chuan ka ruih dan pawh inchhungah chuan ka inthup a, pawn lamah erawh ka rui reng thunga. Chutianga nun thupa awm reng thiam lo mi chu ka ni si a..ka inthup peih tawh silo..Mithiam leh mi piangthar chhungkaw bulah chuan..engtin nge ka awm zel ang le? Ka nawi tulh tulh si...
Heleni chuan enge maw lai atang khan thil ka ru thin tih a hre chhuak a min man chiang thei em em leh nghal a, a tirah chuan kan han tang deuh pang pang a ahnuah chuan tih dan thar tha zet mai arawn hre chhuak leh ta pek, ’Enga tinge iruk leh tawh a Hmela..”
“Ka ru lo reng reng..”
“I ru i ru daw suh..”
“Ka ru lo ka tih ka tih chu..”
“ I ru lo maw..” 
“Ru lo chiang khawp mai...”
“ ‘ tak tak maw..I daw heh lutuk hi ka vaw hlum chak tak zet che...enrawh lo kal teh..hei iru lai thlalak pawh ka nei vek hei..hei...adar zat leh ani nen lam ainziah hi ihmu em?”
“E he..khawi maw? Khai a..e he..hei hei..e he ka thilru lai thlalak hlir..e he...hei chu nachin lawk ami..e hei pawh..hei phei phei chu ka la hralh ru hman lo reng reng..Eh..khai a..Ih..nia...haiii... unau nu ka lo ru reng anih hi...Awi thaw..” kan nuih tlawn nghal a.
A thinrim kher mai a, ahmaite chu a sen vek a,“Hmela khati khan ka ru lo ila ti ngam amaw? Dawt isawi leh dawn em?(Ka bengah apawt a) Lo kal teh hmel a..”
“Aih ah..lo kal vak angaih loh hi..ka bengah ipawt reng alawm hei..ninawm lutuk..ana ve tho ania unaunu..i unaupa hi ikhawngaih lo vem ni?”
“Khawngaih mai mai lo, thil ruk ching inih kha...Khu khu en rawh khu laia intar khu...enge ihria em?”
“Aw hria e Police Station...”
“ I tang duh em?”
“A rei ang em?”
“ Rei lo ang..”
“Rei loh chuan pawi hleinem..”
“Awi leh hmela min bawl ve ziah suh.... ininawm lutuk tlat. Hauh ngai hian awm reng suh aw. I tang dawnlo tih ihre chianga itawng pawr thei bawk si ininawm lutuk. Hlawk duhin ka sum dawnga nangin ilo ru zela engtin nge ka hlawk theih ang?”
“ Anih unaunu tih palh....” min dawr tur anlo kal hlauh mai,” Lo leng ru hei ka unaunu hian ka beng hi parh tawk loin ahre deuha, pawh parh zual atum deuh anih hi..Lem unaunu thlah tawh rawh lem..aparh mah mah tawh ani”
Za lo deuh  hian anui anui a,”Nia...” Heleni chuan ati ve ta ngawt a. Min rawn melh rum kher mai.
Inah pawh ka che chhe zauh zauh tawh a, ka pa hi anuih aza thei khawp mai.  Mahse kan hre kim vak ngailo. Zankhat chu Zanah anmu reh vek tawh tih chuan ka thoa ka inrecharge e ka ti a, ka lo kai deuh ani mai thei ka bungbu kut a...ruak vekin. Ka nu chu phak chep chawpin arawn tho a, min han hmu thut mai chu(H) aphu zuka aau deuh dawna anuih aza leh thut ani mai thei anui thut a, thinrim em em hian room-ah alut nghal a. Engtin nge ka awm zui ka hre lo reng reng ka harh chuan ka lo mutha ve leh mai a. Zingah chuan chaw kan ei laiin ka nu chu atum reng mai a, ka pa chuan ahan tih ngial pawhin atum bur reng mai kei chuan,”Nu..”
“Dei..nu pawh min ti suh..”
“Enge a? A mak e enge ithin ka tihrimna? Mak thei ber bur em mai”
“ Nizan ang a iawm leh chuan ka vaw tawh ang che..”
“Enge engtin nge ka awm a?”
Helni chu alo tawng vat a,”Ka nu engtin nge aawm a?”
“Zan  laiah a lo bungbua..”
“Enge ka bungbut chu atheih loh em ni?”
“Ruak vekin..theh thuah ana..”
Hannahi leh Ka pa chuan anchaw ei anphuh thawt a,”Chu ruak vekin alo bungbu kut kut amaw ifapa chu..” Ka pa chuan alo ti a,”Ni pek e maw le..enge a nangpawh chu inuih ava zat hmel ve a?”
Ka pa chu alo nui kur kur a,”Che ho hle mai a..”atia anui anui a,Hannahi leh Heleni chu annuih aza si anthin arim bawk si..Hmel chhe phak..min han ti leh ngawt thin a...
Heleni nen Motor-ah chuan dawr lam panin kan kal dun a,”I rui hi ithing sawt em mai. Fimkhur ve teh itan hian kan tawngtai reng ania aw...”
“Enge ka hre vek seng bik hleinem...”
“A hrim hrimah ibungbu tihte chu ihre ve tho awm sia..”
“Hre deuh zuai a,mahse ka chianglo alawm le.”
“Tawng tawng suh aw...I awmdan hi...” Heleni chuan min zilh thla malh malh a,dawr kan thleng chu,”Awi kan thleng reng mai a. Nangmah vangin ka tawngtam deuha kan thleng hma sawtin kan hriat chu le..”
“Kei chu arei hi kan lo ti em em khawp a..” Heleni chu ring zet hian a nui thut a, min rawn ben atum a’Hmela’  Heleni chu asa ngang mai..
Chhunah chuan Hannahi chu alo lenga dik tak chuan ahmeltha ka ti tulh tulh a, ka duh tulh tulh a alakah awm dan ka thiam lo tulh tulh thung a. An unaupa neih loh zarah unaupa tak tak angin min en em em a. Tunah tak pawh hian T-shirt thar nalh deuh min rawn lei sak a..Mahse ka lo phit leh hle tawh a,”Hai unau nu..i va chhe lo em aw..I zunah ka uai nileng...nilo..nilengin ka uai zawk ani. Enteh i u hian tukin kan Dawr kal lam kha min han hauh tluan parh chu le..atawng thei ve ngawt mai tiraw?”
“Hmela ka hau che tih sawi kher angai em ni?”
“Aih ngailo...”
“A nih tinge isawi kher a...???”
“A ngailo tih kha ka lo hre kher lo a..”
“U hau tawh suh iunaua hi..tlaiah min lo nghak rawh haw rual ang aw dar nga velah ka hman dawn a..”
Tlai dar nga anih chuan ka rui tawh kher mai, Hannahi leh Heleni te nen kan haw rual a,”U Maengi teinah peng lawk ang u..” Heleni chuan ati a,kan peng ho keia rui phur lutuk chuan Chokaah ka lut a,” Chawei ka siam nghal ania aw..” tih pahin chaweei ka lo va siam a  ngawta. Helnei leh Hanahai chu anzak si thleng chu anrem fel leh vat vat a, Maengi ber lah chu chhuata let tawp tawpin alo nui thu a..Motora kan lut leh chiah chu..Ka lu aringhal nuai nuai maw le.. Kan haw a nidanga kan tih ang bawkin chhung inkhawm kan nei dawn a,Guiter kan lak Pah chuan,” Nang han tum la Aw Lalpa Imalsawmna hlu tih kha han sa ila...” akey ka zawng thiam lawk lo a,” La tawp ula ka lo perh rem mai ang..”
Hla chu ansa a akey chu ka hmu thei leh lawk silo a....Hun hmuh kan chak hun hmuh kan chak ichakna ring zel chung hian...Tung tung tung... Mil lo ngeeeiii mai.’ Kan ti zui ah, Hannahi leh Heleni chu an insik a annui khur nget nget a. Nu ber inla muk lak lawh chu azai lauh lauh maiah, Pa ber lah chuan achal a dawm a akhur der der a.
Hannah i birth day kan lawm dawn a U Heleni chuan  Present tur tha zet mai ka pek tur alei a, “Zanah Pe ngei ngei ang che” min ti a,kei chuan tlai lamah kan enchhin chu kawr tha zet mai alo ni a,”Chhei raw hralh aman hla dawn e...” kan ti leh pek a. A tawp a tawpah ka hralh ru leh nge nge a. zanah chuan tum loh deuhin hunserh hmangtu chuan hla thlang turin min sawm thut mai chu(h), ka keu ngai reng reng tawh loh Kristian hlabu kawm dum ngei mai chu kan la ve a, kan keu pawp a...”Hei zanin chu Birthday lawmnate ani bawk a, lawmthu sawina lam hla thlan ka duh a..”kan ti a,”Kan nghak reng che kan lal ber tih hi ilo sa ang u..” kan ti chheks mai ah..Hunserh hmangtu chuan,”Khaia khate chu Pathian lo kal lehna lam pang ania hei chu lawmna lampang ania adang ithlang thei em”? min han ti ngei a...Hannahi leh Heleni chu ka va melh zawka ka inchhir kher mai, kuttum min lo lek khum uai uai a. Ahnuah ah adang ka thlang leh ta a hei hi chu azia deuh,”Aw fakru Pathian beram no..”tih ani. Ka pa ka va melh chu alo nui bu tlek tlek a, ka nu lah chu za lo deuh thinrim zet hian alo then alo then alo then pek a, ka thlang dik lo tih ka hria a,”Ka tih palh Aw Lalpa imalsawmna hlu...tih kha kan thlang mai ang e..” ka ti ta zawk a, ka nu chu athaw hawkin ka hria.

Ka kai phur leh tawh hle a, birthday Present-na hun an hawng thut mai chu(h) zia lo tak ani. Ahmasa berah min la ti zui leh nghala,Ka chhuaka Hannah-i nen chuan kan inmelh ang ngeng ngawng a,”Thil dang pek tur che eng mah ka nei lo. Chutih rual chuan ihriselna hi ka ngai pawimawh a chuvangin Ipiancham pha phakah hian hei chauh hi ka pe thei che ani...( Tuino lian tawkah  tui ka suak khat lung a..) He tui hi khawngaih takin inzo hram ang che...” kan ti mai ch(h) Ka nu chu alo thinrim ngang mai mahse tih lan chi ani silo.Heleni hmel ka va en a zawhna hlir alo lang a, Hannah-i lah chuan nuisang  sehchhilh zawi sep sawp hian,”Hmela thildang inei ngang lo em ni a? Hetiang tu nge inzo thei  ang le?” ati a,”Aw le..tunah khan ka inzo thei ang ati anih chu..Khai le ka unaunu duat leh hmangaih em em chuan..tui alo intan ang...”kan ti a, Hannah-i chu athinrim si tih lan chi ani silo,mipui lam kan ti phur vel a inrawh se inrawh se” tiin kan au vel a, inngei ngei tur chuan an auta thup thup mai. Hannahi chuan phur lo zet hian ain zo ve hram a. Heleni chuan pawnah min ko chhuak a, ”Hei hmela khawnge ka thil lei che kha...”
“A bo daih a..”
“Awiii..Crussh...Hmela ihralh leh tawh”
“Hralh lo reng reng...”
“Hralh chiang lut..”
“Ka ti dawn lo a..”
“Ah  ha ha hai(An nui leh uar uar phawtah)..Eh hmela min tih nuiha min tlawnte itum vel elaw...zak lo lutuk.. He he he” ati then thu a.”Ninawm lutuk ibulah hi chuan alem leh pawn lang deuh pawhin  anuih theih loh nuih tak tak angai a. Min ti nui zel bawk si...thinrim lah hian han hauh dawn apiang che hian i ho hulh zel maiah..” atih lai chuan pakhat hian min lo ko hlauh a, kan lut dawn chiah tih chuan,”I la chak lo ang maw le..”
“Mai mai a..i bialpa mawng dep dep nen..” kawngka ka hawng eng uar a, Heleni thinrimin min lo ben atum lai tak hi alo ni zui a, anlo enthupa,”Unaupa..” min tia min kuah hlu hlu a. Kan hun kan hman zawh chuan kei chu rang deuhin ka mu daih a. Zing chawei dawnah ka tho a chaw ei lai chuan Hannahi chuan,”Hmela nizanah min ti mu thei lo..”
“Ka awi mai mai lo anih chu a. Keite chu ka mut khan ka mutthilh hnu khan ka harh leh ta reng  reng lo aw..”
Thinrim zet hian,”Over-ah pawh chin tawk aawm aw mawl thei lutuk..”
“Enge ka tih dik loh chu sawi la..”
“I tih dik loh ihre lo amaw...?”
“Aw hrelo”
“Tui min intir kha ihre lo amaw? Kha tui kha ka huat zia hi aw...”
“Enge ihriselna ka ngai pawimawh alawm le.”
“Zanah ka mu thei reng reng lo ka zung reng a, nang mah vangin ka mutthei lo tih ihria em?”
“Aih hrelo...”
“I hrelo amaw?”
“Aw hrelo..mahse tui vangin imutha lo tih chu isawi a, ka hre ve chiah..”
“A nih tak mai mai chu a, unaupa mawl lutuk neih hi chu aw..ka kham ka ei peih tawh lo.” 
A ni atui intam lutuk chu alo zung chhen a, mut pawh mu tha hman lek lo hian alo zung pek chu niin…
Hannahi pawi ka sawi atangin karhnih chhung chu kan inbe ta miah lo. Inah pawh biak loh hram ka tum. Min biak atum pawhin ka duh lo a, ka biak achhang duh miau lo a. Ka pa chuan min hau thin a, mahse awmzia aawm lem lo. Chu nula hmeltha leh duhawm zet chu ahmel nen a inhmeh zawk
 nge Sailo anih vangin niang..nge mithiam anih vang a luhlul. Kei chuan atha thei ang berin ka chhawn tlat a, achhan chu he nula hi ka duh ani satlaih mai tawh lo. Ka hmangaih takzet ani. Midang zawng aiin apathian thu min hrilh pawh ka pawma, ka awi zawk bawk a ka nun pawh ka siamtha mek a ni. A chhuak tur hi ka thlir vawng vawng thin. Tun nihnih kalta mai atang khan tlangval pakhat nen hian dawrah anlo kal thin a. Induh hmel deuh hian aninbia, aninkuah thin a. Chu chu ka hmu ngam thin lo a. Kei chuan arukin hla deuh emaw hmun biru lai atangin ka lo thlir thin. Inah pawh inleng anei thina. A unaupa ka nih thu chu asawi ngei a, mahse ka tan chuan asawi dan aiin inchhunga min biak dan leh min tih dan chu ana ka ti ani. Asawi lo mahse achet dan hian min ti buai a ni. Thil fello hlek awmse ka tihah amawh puh tlat zel a, thil engkimah min sawisel bik ziah a. Ka dawh hram hram a athat hun mahse thlakhat hnuah pawh engmah ani lo. Dik tak chuan ruih theih thil hi ka ti tlema ka nun ka sim tan tawh ania. Mahse theih loh hun ka nei ve ta. Ka rui zual sauh a ka hmangaih berin leh ka duh ber tia ka inlo hnem leh nghahna vein a, midang ankawp lai leh anlenpui laite  hlim taka akawm laite ka hmuh hian..ka hlim thei ngnang lo ani. Ka rilru ana a, ka rui nasa a, ka engmah ei atui lo zan mut lah atui hek lo. Ka rui chu ka thing nawi tulh tulh a. 
Inrinni zan ani chaweikhamah inkhawm turin kan insiama, kei chuan kan bar leh zuai a damdawi chu, biakin kan thlen dawn chuan ka phit leh hle tawh a. Biakin kan lut chu pa pakhat hian khuang hi alo vua a, khuang hnih chi hla alo sa , mipa dang awm hrih hek lo i. Kan chuh ve thurha khuangte chu..Aw kei misual bo hnu hi..an ti leh chiah chu keia kai phur chuan khuangte chu kan tlir nghek maiah..Aw kei misual bo hnu hi..tung tu rung tung tung tung..tung tung tung...tun tun..tung tung..kan ti chiah mai chuh...khuangpui vawtu pawhin ka hoin khuangpui vuak thulh thakin min en heu maw le.. Upa ho ka khuang vuak tirha lo lut ho pawh chuan makti zet hian min en ha ha hlawm a, ka unaunute chuan min hruai chhuak vat a, kei lah chhuah dawn chuan,”Upa ho chu thiam min va ti awmve a..he he hlawm mai a. Ngawiru nidangah uluk takin khuangte ka la rawn tlir leh ang..” kan ti chheks a. Pawn kan thleng chiah chu dawm tur ber hre lo khawpin ka unaunute pahnih chuan min han chum tak tak maiah.”Mawl lutuk tunge biakinah khuangte tlir ngai a...” 
“Enge khuangte tlir maw..”
“Aw khuangte tlir maw le mawla mawl a..tumahin khatiangin khuangte biakinah antlir ngailo. Biakin pawh izah lo lutuk tlat.”  Min hau hrep a, kei chu ka ngawi ngal a, zawi muang ban chat thum chhaks hian“New Idea” kan ti ngawt a, Hanahi chuan min ngei sa tawh naklaiin min ngei zual sauh a.“Hmela hmela haw ang..” tih pahin Heleni chuan min kai a. Hannahi erawh chuan engmah asawi lo angaswi reng ringawt a.
In kan thleng chiah chu,”Khati khan min ti zak tawh suh. Upa ho phei phei chuan ka pa hi engtin nge anhmuh ang ihria em..??”
“Hria e hria e..”
“A nih engtin nge anhmuh ang sawi teh..”
“Pastor fapa khuangte tlir thiam tak nei...”
“A leh..avan hoo..” Heleni chuan nui uar uar chung hian alo ti a. Anui nghek nghek a. Hannahi chuan,”U lo nui suh mahni lo maha thinrim nak lai a..”
“Ni e, mahse biakina khuangte tlir hmasa pawl chu ini ngei ang maw le unaupa” Heleni chuan ati nui uar uar a a. Kei chuan,“Unauanu ka tlir thiam ve tho ti raw...?” kan ti a,“Hrim hrimah nidangah uluk tawkin ka la rawn tlir leh ang tihte kha angai em ni? Upa ho kha he he maia..tihte kha angai em ni hmela” Hannahi chuan ati a. Heleni chu alo nui kur kur a.
Ka mu ka harh chuan zing lam dar hnih leh achanve alo ani a, ka inthiar zo chu ka pate room kawngka chu ain hawng deuha,  phunri bul bul ka hria a. Ka va bih chuan ka pa hian ka tan thingthiin alo tawngtai a. Ka phu chiang kher mai ka ngaithla reng a.Hannahi room pawh chu chutiang tho chuan alo eng a. Ka va kal a,”Lalpa tinge ka unaupa hian nangmah ahmuh theih loh che a.  Enge keima thiam lohna awm Lalpa. Mite pawhin karkhat lek Camping anluta anpiangthar a, a ni chu hei kum khat dawn ani tawh engmah ala ang thei lo tinge ka unaupa hi Lalpa asual bik viau em ni...?” Mittui tla zawih zawihin thingthiin alo ti a. Ka en reng a Hannahi chu ahmazawntakah hian eng hian arawn chhun a, amah chu amawi em em a, ka hmu eng verkin ka hria. Ka mittui chu ka dang thei bik lo a..ka danglam vekin ka hria
Zan dar 6: 35 a ni a, Hannahi chu ainbuala a inlengte anlo thleng tawh a, annghak reng a. Kei chuan ka va ko thiun a, “ Ka zo tep” alo ti ringawt zel a.  Atawp atawpah ka thin chuan atuar ta lo a. “Hannah rawn chhuak rawh rei deuh aninbual ngailo mak thei lutuk, hmanhmawh ve la” kan ti chu inthlak fel diamin,”Mak thei lutuk khatia thinrima au vak kher kha angia em ni? Ka pet dawn che...” tih leh rawn tlanchhuah aruala, kei ka lo tlanchhia a, siiting roomah min rawn nang chin a, Position anla chiah a,”Hei i inlengte anlo kal alawm le” kan ti chiah chu Position la chungin ainlengte lam chu anhawi a,mak ti leh hlauh hmel deuhin anlo enthup a. “Hai, thiante u ka unaunu hian Kungfu athiam a..” Hannahi zak si thinrim hmaisen bawk Posi(tion) la la bawk si chuan,”In lo leng ani maw ka tum aiin inlo thleng hma a” a ti chuai rai a,”Nia, hei anloleng chu a ni a. Thian te u , ka unaunu hian kungfu athiam tih inhriat tawh kha, chuvangin akawm dan lo thiam ula aw. Zingah hian kan unauin Taekwondo hi kan Practised thin a, a thiam thil anshow ve zawk anih kha. Tin, doctor ani bawk..” ka tih lai chuan Haanahi chu kan melh a, alo meng thip hle tawh a,”A mitmengte hi arum hrak zel ania” kan ti zui a, Hannahi lai zak hmel chu ka nuih alo za lutuk a, inthiam loh hmel deuhin,”IH ih engmah anilo..” ati a, kei chuan,”Nia, kan infiam ve dan pawh khatiang kha a nia, min hrethiam dawn nia. Atak takah chuan aunaupa Kick nan bak ahmang ngai lo….EHH”
“A..a..a nia..nia..a ti mai mai anih kha ka unaupa nen khan kan lo infiam anih kha..”
Roomah ka luhsan a, ka bihthla reng a ka lungawi lohna tur in tumah leh amah Hannahi chu anawmlo. Zingah chawei lai chuan Hannahi chu ameng tur kher mai.”Bawihi engea zing zingah imeng dur khui a?” Ka pain alo ti vat a. “Khapa vang khan alawm..” min kawh pahin arawn ti sawk sawk a,”Enge keimah vang anih a? Tukinah kan inhmu reng reng em ni? Kan vawi khat inhmuhna chauh anih hi...”
“Ngawi rawh ngawi rawh, nizan khan khatiang khan tih tur ani hleinem tha takin min hrilh ve mai tur alawm..”
“Enge ni zan thil chu nizana nia, theihnghilh daih rawh...”
“Ve tak ache a, mipa ka thiante hmaah Kungfu Posi-te min lak tir kha itum ani tiraw?”
Heleni chuan,”Eng a ni? Mipa hmaah kungfu Posi ilo la amaw? Hit lo ngei mai...”a nui uar uar a.
“Lo nui suh ka u, miin inleng kan nei ve dawn kan ti a, kan inbual fai ve em em a, nangin a inlengte hma chiaha kungfu posi min lak tir tur ka ni em ni?”
“Ka laktir lo reng reng che min lo um a, iinlengte hmaah tak nangmahin kungfu posi ilak kher anih kha...”   Ka pa chuan,”Kungfu Posi a..” alo ti a, alo nui kur kur a.
“Pa mak e, lo nui suh azahthlak zia chu a. Thingpui no seng tura ka tho pawh ka inleng tlangvalte anphu suau maw le..Hahahahaha..” anui ber ah chuan Hannahi chu ala tang zui a. Nu ber chuan,”Nangni ho hi engtik lai atang khan innnge inpuitlin loh tak riau a? Innuihte hia ho thei si” alo ti hluk a. Pa ber chuan,”Nula kungfu Posi la..” atia anui tlek tlek a.
He ka chhungkua ka tih tak maite hian kartin ninga ni zan apiangin Saptawng hlir hmangin chhung inkhawm annei thina. A chhan chu anhna thawhnaah English anhmang tam vek a, tawng lama nasa zawka hma ansawn theihna turin antih vang ani. Mahse Mikhual anawm chuan anti ngai chuang lo a.  Kei pawh anchhungkuaah min chhiara ahmasa ber atan min hmantir ve dawn a. Kei B.A Pass lo tan leh Saptawng hmang ngai lem lo tan chuan Huphurh namen lohin ka huphurh a. Bible ka chhiara tawngtai dan ka zir a, Hannahi  chuan min pui bawk a. Hetia ka thil tih tur he chhungkua ami pakhat talin min puih hian eng thil ah pawh, min Councelling nghal mai thin a. Hannahi pawhin minCouncelling thin a. Amah chu ka lo thlir dauh dauh thin. Atawp atawpah chuan min kuk leh nge nge thin. Karkhat ka inpuah chah hnu chuan...mak deuh chu Pathian thu leh tawngtaina lamah hma ka sawn em em ani tih leh thlarau lam nun thlengin he kar khat lek hian min khoih nasa a ni. Chuan inle ka hun chu athleng ta..
“Lets Us read The Bible”
Hannahi chuan,”Us atello “ alo ti zeuh a,”Us telloin Bible ilo chhiar ang..”
Heleni leh Ka pa chu anlo ri hak a,Bible ka chhiar zawh chuan ka huphurh  em em tawngtai chu chu ka ti dawn ta,”Dear Lord...today...tonight...ih..ih..(Zawite hian) Hannah engtin nge kha..?” kan zuk ti a,Hannahi chuan alo sawi a..”E aw..Lord..Ih..Hannahi sawi ang kha...aw..aw...chutiang chuan..” Ka pa leh Heleni insum theilo anlo nui chhuak a, Ka nu lah chuan thinrim zet hian,”Khati khan Pathian biak hi tih duh dah loh tur asin..Khawnge kan hlap teh ang che..”min ti a. “Nilo nilo ka nu ka ti duh dah bik hleinem ka thiam tawkin ka ti ve asin..Nu nu….Awi  leh kan chhunginkhawm chu ava hlawhtling lo veee..” kan ti zui a, ka Pa leh Heleni chu anlo nui laklawha annuih lah chu a za tulh tulh a Hannahi ve thung chuan,”Ka nu hlap hrep rawh” alo ti vin tuar a. Ka nu chu hmunphiah nen alo la kal phei chu,”Ka nu..”
“Enge?”
“Min hlap dawn lai tak khan isiamtu hre reng rawh..”
“I hmim..A leehh  ih ih  iva ti ho em em...Ihi..  ui leh ha ha hai” ka nu chu anui nghek a,
Hannahi  pawh chuan,”I va han ho thei tak..” a lo ti ve bui bui a.
Ka Pa leh Heleni chu anlo nui lak lawh chu aza tulh tulh a, ka pa chuan,” In vaw thei ngang lo anih kha…” nui uar uar chungin alo ti a. Ka nu leh Hanahi chu thinrim si nuih za bawk si nui tha duh silo hian, anlo nui anlo nui bawk a.
Mi tak ngak nui mang ngailo annuih ve pawh changkang taka nui thin he chhungkua a ka lawi luh atangin thla tam aral t a. Nikhat chu ka nu te kan inah anmeeting dawn a, tlai chaw an eipah dawn a. Chaweikhamah anbazara ameeting pui turte chu Pastor leh athawhpui mi pawimawh zualte anni. He chhungkua thingpui dawr satliaha chawl ngai miah lo hi, vawi engzat nge ka ruiphurin ka chawlhpui tawh hlawm le? Heleni hi chu adawr nghahin azir em avangin achawl mai thin a. Vawi khat kan chhungkua kan tei chhuak pawh, venglaiah kan chawlhpui tlat mai peka. Ka nu chuan ten hmel deuh leh tui tih loh hmel 
deuhin Chow-a satui anleih thin hi ahawp tam mah mah a, apumin atuar nghe nghe a ni.  Dar sawm pakhatah chuan meeting turte chua ankim tawh a, ka nu chu alo la haw lo thung. An thawhpui pakhat chuan,”Hei kan pi hi enge maw lai atang khan anun hi avariety deuh riau tawh asin. Mi nui khat a ni kan ti thin tak nang a, enge maw lai atang khan athu hi anawi thut zel a, anui leh huk huk zel asin. Vawikhat  arooma ka va lut phei phei chu amah chauhin tukverh lam hawiin alo nui thu a. Enge a? ka ti chu(h) phur zet hian kan fapa nizanah ache sual peka nuih zat thlak deuh deuh hian thil asawi a. Ka thinrim laklawh tawh si a, tuna ka ngaihtuah chian leh hian ka nuih aza a lawm le..alo ti a. Eng tin nge maw anun hi inlo thlak le. Tunah chuan Meeting pawh anuamin azangkhai vak tawh mai a. Tin, zirlaite abikin ruih hloti ru te hi ahrethiam em em tawh asin.” ati a. Midang ho pawh chuan achet nuih zatthlakna  anlo sawi ve sap sap hlawm a. Ka pa chuan,”Kan inah  awm ve ula e in mitak rei thei ngailo ang. Kei pawh tunlai chu ka thawhpuite hian min khak leh thin. Ka sawi ho thei lutuk a. Hmanni kan President pawhin mi tak deuhin  afate sual zia leh thuawi loh zia min hrilh a,kei pekin’ Cartoon entir rawh’ nui nghek nghek pahin kan ti mai chu(h) alungawi lo the asin” alo ti a. Pakhat leh chuan,”Kan pi hi amak ngawt mai anun hi adanglam khawp mai. A hma kha chuan anun hi aho vak lo ania, mite zahpawh akaia. Thil hi aduh firin  kan zirlaite pawh hian anhlau riau a. Mahse hei enge maw lai atang khan anun hi aho niloin azau ta riau a, Zirlaite pawhin nuam antiin azirtir hi anthlahlel ta riau mai a. Tunah chuan Principal anihna ang niloin Zirtirtu pangngaiah pawh nise azirtir chu nuam anti khawp asin. Tin, mi khawngaih leh hriatthiamna anei riau tawh a. Tun hmaa Puithu taka zirlai sual deuhte hau thin khan, tunah chuan anmahni awmdan tawk hian azilh thiam riau tawh a. A nun hi hetia alo zau tak viau hian miin annel sawt a, anzah loh phah chuang silo a. Amak ngawt mai amizia hi. Tin, amah zawk hian keini Zirtirtute pawh hi min kawma min ti hlima, Zirtirtu hetianga he lai Schoola kan la inpawh hi ka la hre ngai lo reng reng” alo ti a. Pakhat leh chuan,” Nia, kei chu mak ka tih em emna chhan chu thingpui hi restaurant changkang ber berah thingpui ain thin a. Mahse thla hnih thum kalta atang khan kan School Canteen-ah te thingpui ain ve tawh nia. A makna em em chu, khutiang khu chu atawp a, hriselna atan pawh atha lo..ati thin kha ania. Tunah chuan kan ei hi ain ang vek tawh maw le..” alo ti a. Ka U Heleni chuan chu chu alo hria a, mak ati hle mai a.
Zan dar sawm ani, Hanahi chuan hmanhmawh takin min rawn kai tho a,” Damdawiinah  Accident anlo luta kal ka ngaia, khawngaihin Unaupa min lo kalpui thei an gem? Hmeichhia mahni chauha kal chu ka zuam chiah lo a…”
“Aw ahmanhmawh thlak viau em?Insiam lawk ila ka rei an gem?”
“In siam rawh eitur ka lo va siam ang e”
Kan chhuaka kal kawngah chuan,” Nidangah hi chuan irui lutuk hi ka kai tho zo lo thin che a..”
“Ava pawi ve..Zanin chu hei avawikhat na ani ve ani mai alawm…Hannah..”
“Eih..” 
“I mipa lenpui thin hi chu afel hmel ngawt mai..”
“Nia, asmart sia atawngkam atha bawk sia. Chu bakah Hmeichhia acare thiam bawk sia..”
“Chu iva duh awm ve a..Hliah hliah ana…”
“Ka duh thu ka sawi em ni a?”
“Sawi hran lem lo mahse ifak mah mah”
“Fak loh theih pawh ani lo. Tute e maw angin arui ve ngai tlatlo a..”
Ka rilru chu ana ngawt mai, hmanah nula pakhat ka bialnu ve deuh tawh hian, “ Hmeichhia chuan min care lam emaw kan laka anfel lam emaw anzahawmna lam emaw kan en chuan, chungmite chu kan duh a. Mahse anlakah kan rinawm lo duh fo…” atih hi ka hre reng mai. Mahse chutiang chu anilo..Hannahi chu. Ka hmangaih em em a, kum  chanve chu nitin hmelin hmu kan ni a. Ahmel chuan awmzia anei lutuk lo..ka hmangaihnaah mahse ka hmangaih si ani. Chutiang a ka bula mipa dang chanchin asawi chu ka rilru chu ana kher mai.
Damdawiinah chuan kan thleng a, Motorah chuan ka lo mu a. Nurse hian min lo kai tho a,”Lo kal rawh inchhungah lo mu rawh” min ti a. Zing Darkhatah kan hawa amah chu biak tha pawh ka tho vak lo, mangtha pawh tiloin ka mu a. Ka mutnaah chuan ngaihtuah loh ka tum poh leh Hannahi leh tlangval pakhat leng laite anhlim lai hmelte chu ka ngaihtuaha, ka rilru chua ana khawp mai. Zing chaw ei dawnah min rawn kai tho a. Chaw pawh ka ei tui lo khawp mai, ka tawng tlem sawt a ka che chu ka zawi awi em em a,” I damlo emni?” Ka nuin min ti pawh chu,” Dam e ka thawh tlai vang anih hi” ka ti a. Chhunah chuan dawrah pawh ka kalpeih lo a roomah ka awm a, Hannahi leh athianpa chu anrawn kala kei chu ka awm tih Hannahin ahriat chuan arin loh dan deuh anih hmel a,” In kawm ru kei chu ka lo mu ang” ka ti a. eitur leiin ka chhuak leh daiha. Dik tak chuan Hannahi chu amelh pawh ka melh tha ngam lo deuh a ni. Mak ka inti khawp mai. Ngaihzawng ka neih ve tawhah kan inthenin ahmeichhia zawk hi anzak ngai ani a, kei vet hung chu ka zak tulh tulh mai a. Eitur vel ka lei zo chu ka haw leh chuan Hannah thawmhnaw chuan ka rilru akhawihna hle mai.  A hnute zawn chu akawr kilh ainphelh a, ahmuia chu asen vam mah mah bawk a. Room-ah ka lut tlanga eitur chu ka ei mial mial ringawt a. Ka rilru chu ana khawp mai ka mittui  hial atla a…Nia, asmart sia atawngkam atha bawk sia. Chu bakah Hmeichhia acare thiam bawk sia..Hlim hmel deuha ati te chu  ka mit thlaah alang a. Ka duh ngawih ngawih ani.
Zanah  chuan Hannahi nen chuan kan pahnih chauhin kan awm a, ka tawngtlem em avang chuan mak min ti deuh nge ni,” Hey Hmela tunlai chu imizia hi amak hle mai azawi awi khawp mai. Ruih hlo hi iti tawh miah nange?”
“A nia ti tawh chiah lo ti dawn ila, nihnih thum chu ka nghei ve tawh e.”
“ I chutih vang anih chu izawi awi riau ka tih, idam tha maw? Nia, Harhfima khawvel hmachhawn hi atha ber asin. A fin thlak ber bawk a atluk aawm lo. I nghei tak take m?”
“Aw…”
“Mak hmuk hmuk ve a..”
Sana ka bih zawk a Dar riat chauh alo la ni a dik tak chuan ka nghei miah lo, mahse  zanriah eikham atang khan nghei duhna thinlung hlir hi ka pu thut a ni. 
“A tirah khan ruihtheih thil chu tilo la chuan tunah hian Nupa kan nilo ang tih asawi theih si lo a tiraw? A nih leh iinchiu hian midang Syringe ihman tawm em? Hmeichhe duk dak lo imut pui fo lo maw?”
 A thil mi zawh chuan ka rilru chu adeng zak mai ka rilru ana a ka thin arim khawp mai,mahse ka insum a.”Chutiang chu ka ti ngai hauh lo NSEP-ang hian ka ti a, hmeichhe mutpui hi chu ka thil tih loh lam tak ani. Ka duh lo ahrim hrimah ruih hlo ka ti nanga, ka invawng thianghlim khawp mai. Tin, natna hlauhawm lam hi kai ka hlau a, chuvangin ka fimkhur khawp mai”
“A  nih chu a atha hle mai. Enge tunlai ka thianpa hi ihmuh dan….”
Chu thu chuan ka rilru chu atina thar thuta ka insum zo dawnin ka hrelo a,“Khutah kan zuk kal lawk teh ang..” ka ti ta zawk a.
“Khawiah maw? Keimah chauhin ka awm dawn hi ka ngam vak lo ania”
“Kungfu ithiam tho kha…”
“Ngailo kal lo ang ka lo kal ve dawn…”
“A tul lo..”
“ Ka awn kal dawn tho tho…”
Ka tlan chhuaka min rawn um a Motorah chuan ka lut chiah tihin arawn lut ve nghal a,” Ka kal ve duh ka tih kha min tlan san angai em ni? Sual lutuk..” 
Engmah ka sawi lo motor atangin ka chhuaka a inchu ka han kalh tha a, Hannahi ka changlo mahse engtik lai pawha min hnar miah lo tu nula pakhat aawm a, chunuteinah  chuan ka kal  a. Hannahi chu alo kal ve zel a. Mahse ahmaa mawilo taka chet chu ka thei miah lo mahse ka chang chuang silo a. Chu nula chuan min duh ve hle a kei hi engmah nilo mah ila. Mahse chunu chu ka duh ngai hauh lo, Hannahi hi ka lo tawng hi apawikhawp mai chunu chu ka duh ta miah lo hial a. Dar sawm velah chuan kan haw a..dik tak chuan kan len chhung reilo teah pawh khan ka thu hle hle thei lo ani. Pawisa  cheng Zanga ka ak a, damdawi leina chu adaih tih ka hre ru ve kar si a chu chuan min ti buai ani. Haw kawngah chuan Hannahi chuan,” In inngaizawng em ni?” ati a,”Teuh lo mai ka tan chuan asang mah mah ani kha aninte pawh keini in aiin aropui daih zawk kha…”
“Ka awi chiah lo aduh hmel em mai che a, achhungte awm lai pawhin ibulah arawn thu ngam ani a..”
“I ngaih dan dan le mahse kan inngaizawng lo”
In kan thlenga ka mu theilo thlantuiin min buala, ka damdawi chak chuan ka ruk atiza a. Hannahi leh ka pa anrawn tlan a, damdawia min chiu antuma,” Ni lo e, ka tuar chhuak em em ang..Pa min lo tawngtai sak rawh aw khawngaih takin…buaipui ka ngailo ka inbuaipui thei e…Min chhuah san ru..” an chhuak duh lawk lo a. “Chuak ru ka tih chu maw le..tunah chhuak nghal ru…” Hannahi mitmeng hlauthawng leh thlabar min khawngaihna lo lang chu ka hmu a. Min hmangaihna mitmeng pawh hmuin ka inhria, chu chuan min tawrh tir thei zualin ka hria, min rawn kuah thlawp a tap chungin,” Unaupa tang rawh aw..i..i..tuar..the..the..theiiii em..em… ang…”
Ka kuah let ngam ngang lo mi ngaihzawng ani.”Hannah chhuak ru…”
Kar aliam ve tar eng mai ka dmdawi ngheina atangin.Inah  ka pa nen kana wm dun chuan Pathian thu min hrilh a, min tawngtai sak ngei ngei bawk thin. Chutianga karhnih ka awm hnu chuan ka chawei atui chho a, zingah Exercise Hannahi nen Heleni nen kan pathumin Pukpui lamah kan la thin a. Steam Bath min tih tira, kan ti mai kha chu aw..Ka damdawi tihna hnu hma ka taksaa la cham kha arawn chhuak a, ka thli kha adum nguai nguai main ka hria.
Damdawi ka ngheina  thla thum aliam ta ka piangthar tawh bawk a. Nun hi anuam em em a, ka hlim veng veng maiin ka hria. Mahse biakina lam hi ka thei thai lo thung. Mahni chauh pawh hian ka hlim veng vengin ka hria. Mahse ka nunhluia reh thei hauh lo chu Hannahi ani. Zankhat chu kan chhungkuaa kana wm lain Hannahi leh Heleni leh Ka nute chu anti ti a,”Ka pa”
“Hm Enge ni?”
“Hei ka nun chu ka thlak danglam tawha, ka piangthar tawh bawk a. Kan inah te haw thla leh tai la apawi an gem?”
Midang ti ti chu anngawi thapa ka pa chuan min rawn melh a sawi tur pawh hre lawk lo ang hian aawma ahawi vual vual a,”Kan Zung lawk ang e aw..” nui lui pah hian an ti a. Midang chu anhmel ka melh ngam thalo ka en zawk a, keimah chu min melh thap tih ka hria a. Dik tak chuan chu in chhuahsan chu ka hreh ani. Mahse Hannahi hmel nitin ka hmu a, ka chang chuanglo a ka hmangaiha ka duh ani tih pawh ani chuan ahria. Mahse midang akawp si…Ka pa lo let leh chu amit asen deuh rum a athu fel te te a,” Ni e, kha thu isawi chhuah hun kha inu nen kan lo nghak thin a.  Achhanna pek theih dan che pawh kan thiam lo a ni. Mahse tunah hrih chuan alo hun lo kei phei chuan kan chhungkuaah hian mipa keimah chiah ka awm a, Fapa ka nei ta..ka lo ti che asin..Nia, iduh leh I haw thei a iduh chuan ila awm thei a. Mahse ichhungte ka zuk be phawt ang a. I nu nen pawh kan lo sawi dun phawt ang. Thu tlukna kan siam hma chu he tah hian I awm hrih ang.” Ka pa chuan ati a. Kan inchhung chu areh hian areh tlawk tlawk ani ber mai. Ka nu chuan,”Ih englo ania kan fapa hi kum 18 anihin thingtlang khawpakhata kan awmnaah Malaria vangin aboral tawh a, ipa hian atuar a chumi vang chuan kan nun hi atak ngulh tawh mai a. Kan zia hi a inlet thawk a ni. Mahse nang I lo awm chinah khan I mizia leh kan fapa boralta kha an in ang kher mai. Inhmel chiah a in anglo a ni,(Ka pa chu akuah a) i pa pawh hi pa hrisello tak ani a. Mahse ilo awm chinah hian anun hi ahlim a ahrisel em em a….(a mittui atla fap fap a) mi zingah chuan Fapa ka nei a lawm..tiin inchhuang takin a sawi thin che a. keini chuan kan bula awm, hlen tur ariakah kan lo ngai che a sin.” a ti a Dar kua arik chuan ka pa chuan,”Nu-i mu ang hmiang…”
“Aw nia apawi lem lo..” 
Heleni leh Hannahi pawh anngawi renga, Heleni chuan Phone Call adawng a aroomah abe daih a. Hannahi nen chauh kan awm a,”Kei pawh mu teh ang mut achhuak..” Ka ti a.
“Hey..la mu suh”
“’Ti maw?”
“Inbia ang..”
“Hei kan inbe reng alawm le…”
“Nia…mahse in ina haw chu iduh tak tak em ni?”
“Aw duh tak tak e.. A chhan chu ka chhungte phurrit ka siam zo zai kha rulh let ka duh ani. Chu bakah Upa hle tawh mah ila, zirna hi chhun zawm ka duh ani. Tin, kan insakna tur khu ka ngaihtuah angai alawm. Chubakah…”
“Heta I awm hian hrehawm iti em ni a? Kan lo chawm ve tawhna che zozaite kha engmah lo a chantira hetia chhuah mai hi itum awm?” Hannahi chuan ati a, avin kher mai.
“Chutiang nilo e a, engtik hunah pawh kei chu I unaupa ka nia, iduh hun hunah leh mamawh hunah min ko la ka lo kal mai dawn  alawm le.(Ka panhnaia ka kuah a) I unaupa hi itan ka awm reng dawn alawm mahse ka chhungte ka tih mualpho leh ka tih hrehawmna te kha Krista vangin ka rulh let angai asin…”
“Ni e, adik alawm I awm lo tur ang a ka ngaih hian ka huphurh lutuk a…”
“Ni lo e, nangte chu ngaihzawng inei a nakinah in inneih thuai dawn a, chutih hunah chuan heng hi chu areh vek mai ang..”
“Tunge ngaihzawng ka nei ti reng reng a?”
“Ka hre nang inah irawn hruai lut a. Inleng dun thina in inzui nasa si a. Chutiang bak baka in inngaihzawnna langsar chu aawm dawn chuan gem ni?”
“Chutiang hlir chuan em ni a hmeichhia ingaihzawngte hi ikawp thin a? Thian tha takte pawh hi chutiang chuan an awm ve thin tho lo em ni?” 
“Ka hre nang chutianga awmpui tur khawpa thian tha ka la hmu ve miah lo a. Mahse inngaizawngte inkarah lo chuan aawm khat khawp ang tih ka ring deuh…”
“Chutianga ingai chu ingaihdan adik lo hle mai. Kha pa nen khan kan inngaizawng miah lo…”
Chu thu asawi chu ka phu zawk a, ka ngaihtuahna ati kal thui hle mai,”A nih engatinge ka hmuh lai ngei a kawrhma phelh huang a iawm vel a? I ngaihzawng nilo lakah hian ithianghlimna ihralh tihna em ni a? A hrim hrimah ka hmuh lai ngei hian engatinge duh hmel deuh ai awm vel ziah a?”
“ Kawrhma phelh kha maw? Kha pa khan akut hmawr pawhin min dek lo. I duh chuan amah izawt thei ang. Kawrhma phelh kha chu e ina awm chuan ka inthlahdul ve hleka, amah kha ka zahvaklo tihna anih kha…”
“Ka rin iring em?”
“Ka  hrelo…ring lo mahla ani sia lawm…”
“Daw heh lutuk thil awmdan…” min rawn fawp a, amittui atla a. Duh thaw takin min fawp a, mahse ka chhang let tha ngam lo.” Hmangaih ka nei nangmah chauh hi. Kha pa lakah khan engtinmah ka awm lo tih chu I awi lo anih chuan ifiah thei alawm…Ih e..ka hmangaih em che ani…”
“Tak tak maw? Ih …a…ih englo..Midang ngaihzawng inei tih ka rin avangin leh mipa dang irawn hruai luh tak avang khan keini loin midang ithlangtaah ka ngai a…chuvang alawm ina haw ka tum ni…”
“Ka runluih che anih kha…Chuan zanin chu…”
“Ka bulah mu rawh aw..”
“Aih ka duh lo…”
“Enga ti maw?”
Ka piangthar a, nu leh pate hmuh leh hmuhtheih loha hmuhah tal pawh mawi taka awm ka duh”
“I tih awmzia chu…”
“Pathian  mithmuhah leh ka nu leh pate mithmuhah pawh mawi taka awm tur ka ni”
“A nih mu tawh ang…”
“Min pawm phei la…”
Kan nui dun hak hak a..

Post a Comment

0 Comments