Thingzai pu lai thirphek tlain delh hlum!

Aizawl | January 18, 2022: Nimin khan Hortoki Vengthar mi, Lalramthanga Zadeng (44) chu Zodin (Rajdali) khaw bulah hna thawkin thingzai a pu a, a chung lam atanga Railway Company hnathawk te'n thirphek lian leh rit tak an tihtlak palh chuan a delh a; a hmunah ka chhaw lohin a boral.

Kawnpui Police te hnen atanga thu dawn danin, nimin chawhma 10:30 vel khan he chetsualna hi a thleng a. Ramthanga hi thirphek hian a lu-ah a tlak a ni. Thirphek lian leh rit tak mai hi feet 60 chung lam atanga rawn tla a ni. 

Ramthanga ruang hi nimin tlai khan Kawnpui PHC-ah Post Mortem niin vawiin chhun dar 11-ah Hortoki Vengthar ah vui a ni ang.  

Ramthanga hi Nu leh Pa nei tawh lo, laina hnai bula khawsa a ni a; Rajdali khaw dai-ah hian zan riakin thingzai pu-in a inhlawh niin thudawnna chuan a sawi.
- MSR

Post a Comment

0 Comments