Ticker

10/recent/ticker-posts

MZP-in Jovel Molsom tualthihna-a pawikhawihtu chungah a phu tawk hremna lek ngei phut

Aizawl | January 18, 2022: Mizo Zirlai Pawl (MZP) general headquarters Aizawl chuan thuchhuah siamin, tunhnaia Mizo pa thihna thleng chu pawi a tih thu an sawi.


MZP chuan, "Tuikuk ten Mizoram chhunga buaina an siam ṭhîn duhtawk mai lova, Zohnahthlâkte chunga hleihlen an chhuah fo leh nunna hlu tak an la fo mai hi MZP chuan hriatthiam har a ti hle a. Pawi rapthlak tak khawihtu hi a phu tawk hremna a chunga lek turin MZP chuan thuneitute a ngen tak meuh meuh a ni." tiin thuchhuah siamin an tarlang.

MZP thuchhuahin a tarlan danin, "Ni 17th January, 2022 zing dar 8 vel khan Tuizual Zau, Muallungthu ramah Jovel Molsom, kum 23 mi Boktomohon, Gomati district, Tripura a cheng chu a ruang chhar a ni a. He thil thleng hi ni January ni 16, 2022 (Pathianni) a thil thleng nia hriat niin, pawikhawihtu nia rinhlelh hi Raju Singh, kum 33 mi Tuipuibari khua, Tuikuk a ni."



Jovela hi Zohnahthlâk, Tripura a khawsa a ni a. Eizawnna avangin Mizoram ah inhlawhfa in, Pu Lalzemawia Mission Veng te huan a enkawl a. Hetiang vanduaina hi a tawk ta a ni. 

MZP chuan, "Mizoram police ten  hun rei lote chhunga pawikhawihtu misual an chhuichhuak leh, an man chhuak hi lawmawm kan ti hle a. Hnuchhui kawngah pawh chak taka hmala chhunzawm tûrin thuneitute kan beisei takzet bawk." tiin Mizoram Police chunga an lawmthu leh beiseina sang tak an neih thu an tarlang.





No. E-93/MZP-GHQ/2021-2023/09           Dated, Aizawl, the 18th January, 2022


MZP PRESS RELEASE

Ni 17th January, 2022 zing dar 8 vel khan Tuizual Zau, Muallungthu ramah Jovel Molsom, kum 23 mi Boktomohon, Gomati district, Tripura a cheng chu a ruang chhar a ni a. He thil thleng hi ni January ni 16, 2022 (Pathianni) a thil thleng nia hriat niin, pawikhawihtu nia rinhlelh hi Raju Singh, kum 33 mi Tuipuibari khua, Tuikuk a ni. 

Tuikuk ten Mizoram chhunga buaina an siam ṭhîn duhtawk mai lova, Zohnahthlâkte chunga hleihlen an chhuah fo leh nunna hlu tak an la fo mai hi MZP chuan hriatthiam har a ti hle a. Pawi rapthlak tak khawihtu hi a phu tawk hremna a chunga lek turin MZP chuan thuneitute a ngen tak meuh meuh a ni.

Jovela hi Zohnahthlâk, Tripura a khawsa a ni a. Eizawnna avangin Mizoram ah inhlawhfa in, Pu Lalzemawia Mission Veng te huan a enkawl a. Hetiang vanduaina hi a tawk ta a ni. 

Mizoram police ten  hun rei lote chhunga pawikhawihtu misual an chhuichhuak leh, an man chhuak hi lawmawm kan ti hle a. Hnuchhui kawngah pawh chak taka hmala chhunzawm tûrin thuneitute kan beisei takzet bawk.



Sd/-
(H. LALTHUTHLUNGA ZATE)
Secretary i/c Publicity


Post i hmuh dan

Post a Comment

0 Comments