Tuikuk te E-Roll aṭanga paih thuai an nih theih nan NGO in hma lak tum

Aizawl | January 18, 2022: Vawiin khan Central YMA Committee Room ah NGO coordination Committee thukhawm chuan Tripura a tlan thla Bru te Mizoram Electoral Roll atanga paih chungchang sawiho in hemi chungchang hi Chief minister leh Home Minister te sawipui nise an ti.

Vawiina thutkhawm hi NGOCC Chairman Pu R. Lalngheta, Central YMA President in a kaihruai a, Meeting ah hian Mizoram atanga anmahni duhthu ngeia Tripura a tlan Bru te Mizoram Electoral Roll atanga paih an nih thuai theihna tur leh hemi chungchanga kum 2020 January  ni 16-a New Delhi a Union Home Minister, Mizoram leh Tripura Chief Minister leh Bru pawl hrang hrangte'n  Inremna an lo siam tawh chu tihhlawhtlin thuai anih theihna turin Chief minister leh Home Minister te sawipui nise an ti a, a tul anga hmalak zui zel nise an ti bawk.

NGO Coordination Committee chuan Resolution siamin “ Mizoram atanga anmahni duhthu ngeia Tripura a tlan thla Bru te zingah Mizorama let leh duh an awm thu hriat a ni a, hei hi NGO coordination Committee chuan tha a ti lova, a remchang lovah an ngai” tih an pass a, NGO Coordination Committee te hian hun remchangah Mizoram leh Assam ramri tlawh nise an ti bawk.

Post a Comment

He post chungchanga i ngaihdan lo sawi ve rawh:

Previous Post Next Post