Sawrkar hnathawk ka ni a, sawkarin min dahna apiangah kal mai tur ka ni - Maria CT Zuali

Aizawl | January 15, 2022: Kuhva tawlhrukna a dodal nasat vanga hriat hlawh Maria CT Zuali , MCS chuan, "Sawrkar hnathawk ka ni a, sawkarin min dahna apiangah kal mai tur ka ni." tiin Instagram lamah post a siam.

Maria CT Zuali chuan, "Khawiah pawh awm ila, mipui tana theihtawp chhuaha hnathawh hi ka tum ber a ni. Chutiang tur chuan theihtawp ka chhuah ve bawk thin." a ti a.

"Champhai DC/DM ka nih chhungin centre leh state sawrkar thupek awihin Kuhva smuggling tihtawp tuma theihtawp ka chhuahna kawnga Mizo mipuiin min thlawpna hlutzia hi ka hre dawn chauh a. Kei Maria CT Zuali hi min thlawp a ni ringawt lo tih pawh ka hrethiam zel a. Mizo mipui hian DIKNA leh DAN hnuaia thil engkim tih in duh a ni. In duh angin ka thiltih beitham tak hi in rawn thlawp ta niin ka hria." tiin caption ah hian ziakin, "Mizo mipui, Dikna leh Dan zaha zawmtute zawng zawng zahna chibai ka buk nawn leh a che u." tiin a tawp a khar.

Champhai district DC ni lai Maria CT Zuali hi Sawrkar chuan January 13 khan sawnna thuchhuah chhuahin, FCS&CA leh Planning & Programme implementation -ah additional secretary ah a dah a. Tunlai Kuhva tawlhruk vanga boruak kal mek nen Maria CT Zuali sawn chungchang hi sawizawm niin sawi a hlawh hle.

Transfer chungchang post HETAH

View this post on Instagram

A post shared by maria CT Zuali (@zualimariact)

Maria CT Zuali instagram post caption:

Ka Mizo pui duhtakte, transfer ka lo ni ta a. Sawrkar hnathawk ka ni a, sawkarin min dahna apiangah kal mai tur ka ni. Khawiah pawh awm ila, mipui tana theihtawp chhuaha hnathawh hi ka tum ber a ni. Chutiang tur chuan theihtawp ka chhuah ve bawk thin.

Champhai DC/DM ka nih chhungin centre leh state sawrkar thupek awihin Kuhva smuggling tihtawp tuma theihtawp ka chhuahna kawnga Mizo mipuiin min thlawpna hlutzia hi ka hre dawn chauh a. Kei Maria CT Zuali hi min thlawp a ni ringawt lo tih pawh ka hrethiam zel a. Mizo mipui hian DIKNA leh DAN hnuaia thil engkim tih in duh a ni. In duh angin ka thiltih beitham tak hi in rawn thlawp ta niin ka hria.

Mizo mipui, Dikna leh Dan zaha zawmtute zawng zawng zahna chibai ka buk nawn leh a che u.