SKILL INDIA | Shoe Making gold medalist - Darcy Biakdiki

Delhi khawpuia Skill India intihsiakna zawh taka Mizoram team zinga Gold medalist awm chhun  Darcy Biakdiki han bihchiang ang.


Vanlalbiakdiki hian Skill India neih zawh takah hian Shoe Making Category ah gold lain, hriat theih chinah Mizoram aṭanga   kal zinga pakhatna dinhmun luah awm chhun a ni.


Darcy Biakdiki tia hriat Vanlalbiakdiki hi Lalzuiliana leh Lalchharliani te fanu niin, December 2, 1999 khan a piang a. Sihhmui, Sairang a cheng leh khawsa an ni.


Darcy Biakdiki te Unau hi pali niin, amah hi a upa ber a ni.


• Pheikhawk siam i tih ṭan dan:
- Tih ṭan dan tih a awm lova, Pheikhawk siam zirna hi 12 ka zir zawhin ka zawm.

• Zirna lam:
- B. Des- FDP (Bachelor of Designing in Footwear Design and Production), Footwear Design and Development Institute, Noida campus ah ka zir mek a, 3rd year niin kum khat ka la nei.


• Skill India a i tel dan:
- Kan closing (a ṭhui) department zirtirtu hian tel ve turin min tia a ṭhui lamah ka lo thiam ve deuh a ka classmate dangte ai ka speed a chak bakah kut hnu alo ṭha ve deuh hlek nen, a tirah ka pha a a chhan chu ka inring lo lutuk a, online class vang khan practical class kan nei thei lo nen bakah regional competition kha kan end semester exam hma chiah kar a ni si a, mahse ka ṭhiante pawh an tel ve dawn a kan zirtirtute chuan min hmin turin an lo tia, ka ṭhiante tel tur an awm tho chuan ka tia experience neih nan hrim hrim tel ila ni mai lawm ka ti a. Ka tel ta a ni.


Skill India Intihsiakna boruak:
- A tirah chuan Skill India tih pawh ka hre lo a inter college competition mai mai turah ka ngai a, regional kan zawh hnu ah result lam pawh ka ngaihtuah tawh lo, pheikhawk pair darkar 14 chhunga ka siam zo thei kha ka lawm tawk em em a ni.
Pathian zarah final ka lut ve hlauh mai a, finalist group ah min lo add hlauh mai a, chutah pawh chuan ka la awih chuang lo tumah pawh ka hrilh lo an tihsual palh takin ka tia, mahse a hnu ah a tak tak ngei a ni tih ka hria a ka chhungte leh ṭhiante ka hrilh ve ta chauh a. Finalist a ka tlin hnu ah chiah competition lian tham lutuk a ni tih ka hre ve leh chiah!

Skill India i chhawr dan:
- Chennai khawpuiah December 27, 2021 aṭanga January 4, 2022 chhung khan chawlh nei miah lovin Booth Camp kan nei a. Pandemic vanga practical class neih theih loh nen ka chhawr hle a boot ka la siam ngai miah loh avangin boot pattern making, cut leh a ṭhui thlengin ka improve phah hle a ka chhawr viau. 



• Gold i lak hnua i rilrua awm:
-  Ka elpuite kha an bawn a pheikhawk pair tam tak lo siam pum tawh an ni a ka zam hle a, mahse an mahni khum a Gold ka la tih ka hriat khan ka lawm lutuk a, Mizoram tan ka la thei tih ka hriat khan ka lawm a ni.


• I ṭhalaipuite tan thu tlem:
- Kan tuina tak hi eizawnna tlak a nih chuan ti ila kan hlim a, General line a kal khawm tuau+ lo hian skills hrang hrang ah te hian inṭhen darh ila, kan tuina zawnah ṭeuh kal ila, tum nei chiang ila.


I duhzawng leh ngainat zawngte:
• Rawng - A dum
• Chawhmeh  - Alu
• Incheina - Oversized nih loh chuan crop top
• Rimawi –Pop, Hip hop, pop rock 
• Mizo Ziaktu zingah - Mafaa Hauhnar (L) 
• Hla- Leikapui run ka bel (BZI cover) 
• Hla phuahtu - K. Hminga


√ Mize ngainat zawng: Mi hlim thei

√ Mize ngai nat loh zawng: Mi ni cheng chawng 

√ Relationship status - Taken!

√ Kawppui atan duhzawng - mi hriatthiamna ngah deuh leh Dawhthei deuh, rinawm, taima, Mahni thusawi a ding, a sawi aia thiltih a lantir ṭhin.


EXPLOREMIZORAM.COM i hmuh dan:
EXPLOREMIZORAM.COM hi țha ka tiin, Mizoram thil thleng hrang hrang te min chhawp chhuah sak a, bakah mi chi hrang hrang in kawmna chanchin bengvarthlak tak tak te ka lo chhiar a, a hlawk thlak khawp mai.





Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)



Post a Comment

0 Comments