Aizawl | January 13, 2022: Mizoram sawrkar chuan vawiin khan thuchhuah siamin Mizoram Civil Services (MCS) te hna chanpual a siksawi a, heng zingah hian Champhai DC ni lai Maria CT Zuali leh Kolasib DC ni lai Dr H Lalthlangliana sawn an ni chuan mipui ngaihven a hlawhin sawi a hlawh hle.
Champhai district DC ni lai Maria CT Zuali chu sawn niin, FCS&CA leh Planning & Programme implementation -ah additional secretary ah dah a ni a. Tunlai Kuhva tawlhruk vanga boruak kal mek nen Maria CT Zuali sawn chungchang hi sawizawm niin sawi a hlawh hle.
Kolasib DC ni lai Dr H Lalthlangliana chu sawn niin, School Education director ah dah a ni a, School education director ni lai James Lalrinchhana chu Champhai DC atan dah a ni thung a. Disaster Management & Rehabilitation director ni lai John LT Sanga chu Kolasib DC atan dah a ni bawk.
Taxtion leh LESDE joint secretary ni lai Joseph H Lalramsanga chu Sports & Youth Services director atan dah a ni a, Sports & Youth Services director ni lai Lalsangliana chu Siaha DC atan dah a ni thung.
IG prisons ni lai Lalnunhlua chu Mamit DC atan dah a ni bawk.
Posting kimchang a hnuaiah hian dah a ni e.
Post a Comment
He post chungchanga i ngaihdan lo sawi ve rawh: