Lunglei | January 13, 2022: Indian Air Force Station, Sub Unit C of 42 a Commander ni lai Pu HL Lalrisanga, Pu Kawlkhuma, Chaltlang Lily Veng fapa chu nimin khan Wing Commander ah a kaisang a, kum 35 hnua Mizo zinga wing commander ni leh hmasa ber a ni.
Lungleia DDK Palai zawhna chhangin Lt. Col. HL Risanga chuan January ni 12 2009 khan Air Force ah a lut tan tih sawiin zirna lamah BE a nih thu a sawi.
Wing Commander -a a kaisan rual hian Mizo pa Kolasib khua Jerry Lalchungnunga pawh wing Commander ah tho a kaisang tih a sawi a. Missile lam chu a thiam bik thil a nih thu sawiin tunah hian Signal Communication lam hna a thawk tih a sawi bawk a ni.
Mizo zinga Wing Commander 4 na a nih thu sawiin 1987 atang 2022 inkar kum 35 chhungin Mizo Wing Commander an awm loh thu a sawi a, tunah hian Pukpui hmuna Air Force Sub Unit ah hian A nupui leh a fapa thla 8 mi nen an khawsa mek a ni.
Post a Comment
He post chungchanga i ngaihdan lo sawi ve rawh: