I THINLUNGA A DEHDAN CHUAN AWMZIA A NEI

- Rick Warren 

-14 January 2022



Isuan, "A ropui ber chu hei hi a ni ... Lalpa i Pathian chu i thinlung zawng zawngin, i thlarau zawng zawngin, i rilru zawng zawngin, i chakna zawng zawngin i hmangaih tur a ni,"  Marka 12:29-30

Isuan Pathianin amah hmangaih satliah a duh lo a ti a. Amah chu i thinlung zawng zawngin, i thlarau zawng zawngin, i rilru zawng zawngin, i chakna zawng zawngin i hmangaih tur a ni," a ti. Marka 12:29-30.

Isua ṭawngkamah hian a rilru chu i hre thei em. I thluaka hriatna piah lam kha a duh a ni. Amah nen chuan inlaichinna thinlung lam thlenga nei turin a duh che a ni.

Hengte hi thinlunga a dehdan lama i hriat ngaite chu:

Pathian pawhin thinlung a nei.

Ni e, Pathian pawhin a rilru a tilang ve ṭhin a. Hlimna, lungaihna, thinrimna leh tawrhna te a nei ve vek a ni. Sual huatna te pawh a nei a. Nang pawhin chutiang rilru chu i nei ve, Pathian anpuia siam i nih avangin. Pathian chu chutiang mi chu ni lo sela, nang pawh rilru i nei lo ang.

I thinlung lama theihna chu Pathian thilpek hriat hi a ni.

Rilru i neih chu mihring i nihna a ni. I thinlung theihna chuan hmangaihna te a neihtir che a. I rilru chuan rinawm, rintlak, zaidam leh thilphal turin a ṭanpui che a ni. I thinlunga a thawh hmasakna chuan i nunah thil ṭha a thlen thei a ni. Chutiang ngaihtuahna chu thil ṭha lam ngawt pawh a ni lo thei, amaherawhchu a ṭha lo lam zawnga ngaihtuahna pawhin awmzia a nei ṭhin a ni.

Thil uchuak pahnih i pumpelh tur a awm. Pakhatna chu thinlunga vei uchuakna hi a ni. Thinlunga a thawh danah chuan thil reng reng hi i ngaihtuah dan zel a ni tih a ni a — i ngaihtuah chu a dik emaw dik lo emaw pawh nise. Thinlunga a landan chuan, hringnun hi i thinlung a zir zel a ni. I thinlung chuan i nun a thunun si a.

Thil dang uchuak leh chu stoicism hi a ni. Stoicism  chuan i thinlunga a deh dan chu a pawimawh ber lo, i tumna leh i finna a pawimawh zawk an ti. Kristian ṭhenkhat he zirtirna zui te chuan an thinlung a dehdan chu an dah hniam ta ṭhin a ni.

Thudik chu hei hi a ni, Pathianin i thinlung a deh dan chu awmze neiin a thlentir. Amah chu thinlung zawng zawng, rilru zawng zawng, thlarau zawng zawng leh chakna zawng zawnga chibai buk tur chein a duh che a ni.

Ngaihtuah zui atan

* A chang chuan engtin nge  i thinlung aia i thluak zawkin Pathian chibai i buk ṭhin?

* I thinlunga a thawhdan chu tilang nghal mai chi nge i niha tilang zen zen ngai lo mi i nih zawk? Engtin nge i nunah chu chu a landan i hmuh theih?

* Pathian nena in inkarah i thinlunga a dehdan sengluh chu a harsa i ti em? Engnge a chhan?

[Lettu: Sangpuia]

Post a Comment

0 Comments