• Topper an neih bakah top 10 ah mi pariat an lang!
Aizawl | January 12, 2022: Mizoram Nursing Council-in tunhnaia Nurse zirna General Nursing & Midwifery result a tihchhuah-ah School of Nursing Thingdawl chuan result ṭha tak neiin, topper nen hian top 10 ah mi pariat an lang.
MNC in GNM result a tihchhuah taka topper hi School of Nursing Thingdawl zirlai R Lalruatfeli niin, full mark 600 ah 480 a hmu a ni.
R Lalruatfeli bakah hian, top 10 ah mi dang pasarih an lang a ni.
School of nursing Thingdawl hi 2017 khan bul ṭan chauh a ni a, heti ang result ṭha an nei hi an thawktute an thawkrimin zirlaite taimakna leh thawhrimna rah a ni.
SONT principal Lalṭanpuii chuan GNM result ṭha tak an neih chungchanga EXPLOREMIZORAM.COM zawhna chhangin, "Staff tanrualna, thawhrimna, zirlaite tumruhna, chhelna leh Pathian malsawmna zar a ni e." a ti a, "Khawtlang leh pawl hrang hrang ten min phurpuiin min tawiawm tha bawk a, Dept lamin Kan mamawhte min phuhruk sak zel nen, heng zawng zawng zar hi Kan zo a ni e," a ti bawk.
School of Nursing Thingdawl, Kolasib hi Mizoram sorkar hnuaia GNM School pahnihna ni turin 11 December 2017 khan tan a ni. Ministry of Health & Family Welfare, Government of India in bul tanna tur sum pe-in Hospital & Medical Education, Health & Family Welfare hnuaiah a awm a ni.
GNM Merit list
Post a Comment
He post chungchanga i ngaihdan lo sawi ve rawh: