Rengdil khuain an kum za tlinna lawm; Ṭhalaite'n intodelh tura hma kan lak a pawimawh - K Lalrinliana

Aizawl | January 12, 2022: Rengdil khua chuan vawiin kan an khaw kum za tlinna khawpum huapin an lawm a, Minister K Lalrinliana chuan khuallian niin a hmanpui.

Khuallian K Lalrinliana hian thu sawiin, Kum 100a upa Kan khua hi kan intodelh tur a ni.," a ti a, "Ṭhalaite'n intodelh tura hma kan lak a pawimawh." a ti bawk.

Hachhek assembly bial chhunga Rengdil khuain an khaw kum za tlin an lawm a. January ni 11 khan chhun lamah naupang puala hun hmangin zan lamah bialtu centenary lawmna a hawng. 

Bialtu MLA chuan "Rengdil khua hi Pathian lalna khua ni tura kum 1922 January 12-a Pathian kaihhruainaa din a ni a, a din chhan ang ngei hian Pathian lalna khua ni chhunzawm zel turin duhsakna ka hlan," a ti a. Hlimna chu thil tha tih mai a nih thu a sawi. 

Hachhek bialtu MLA chuan "Rengdil hian nghahhlelh em em kan nei a, chu chu Rengdila 4th IR Batallion Headquarters dah tawh tih puitlin thuai hi a ni" a ti a. "Thuneitu ten kan beiseina min tihkhawtlai sak tawh lo se, a nih dan tur ang taka 4th IR Batallion Hqrs hi a rang thei ang bera min tih hlawhtlinsak turin ka ngen a ni," a ti bawk.

January ni 12 khan centenary lawm chhunzawmin, zingkarah Rengdil lal hnuhnungber Lalzamanga te nupa an zalhna leh Rengdil lal ni tawhte ruhro an phumna hmuna centenary monument an siam chu bialtu MLA Lalrindika Ralte-in a hawng a, centenary dar vuak a ni bawk.

Chhun lamah centenary lawm chhunzawmin minister of state K Lalrinliana'n a telpui a. Rengdil mipuite centenary chibai bukin, duhsakna a hlan a, chhung tin te intodelh tura țan la sauh sauh turin a fuih a. Tlai lamah centenary ruai an țhehin zan lamah inthlahna concert nei zui bawk a ni.