Ticker

10/recent/ticker-posts

Tleirawlte star rawn Magician - Ozaka Joute

Mizoram Got Talent star zing ami, a magic show avanga Mizoram a hriat hlawh tak, tleirawlte star rawn Ozaka Joute i lo bel chiang ang.


Ozaka Joute tia hriat hlawh tak Robert Lalsansuok (Lalsansuok tih hi Hmar ṭawng niin, Lalchhanchhuah tihna a ni.) hi Pauneihkhuma (L) leh Lalrammawi te fa 3 zing a naupangber ni turin November 17, 2001 khan a lo piang a, ft 5'9 a sang a ni.


Ozaka Joute te hi unanu mipa 3 niin, tunah hian Sielmat, Churachandpur, Manipurah an cheng mek a ni.



Kohhran lamah chuan Evangelical Free Church of India (EFCI) a lawi an ni a, zirna lamah chuan pawl 12 a zawh hnuin a zir zawm rih lo!

Hobby- Cardistry (magic) badminton, music(rap), drumming


Magic lam hi engtik atang khan nge i tui tih i inhriat?
- Ka hriatsual loh chuan ka pa thih hnu lawk 2016 vel kha niiin ka hria.


I pa thihna chuan Magic i tui chhohna kawngah hian eng angin nge nghawng a neih?
- A thih hnu lawk khan thian ka kawm em em lo a, mahni a awm kha nuam ka tia, keimah a ka awm awm khan hei mak deuh in ka lo tui chho tan ta anih hi. Mi tih vanga ti ka ni lo a a chhan chu Youtube ah pawh hian magic ala tam lo. American Got Talent leh Britian Got Talent ah pawh magic hi kan la hmu em em lo.


Engtia Magic hi chharchhuak nge i nih?
- Video pakhat chharin a tih dan pawh hre miah lo in ka en a, ka style ti mai ang a tih dan a ka rin angin school a ka thiante hnenah leh ka chhungte bulah ka show a, an reaction awihawm loh lutuk avang khan keimah pawh ka tui chhoh phah ta zel bawk.


Magic hi pangai takin engtik atang khan nge i show tan?
- Ka hre tawh lo. Lamka Got Talent a awm khan ka tel ve a. Facilities hniam vang nge, Magic hi stage a show tawp hi a har a keima tih ang phei chu closeup trick a ni a. Stage a card magic kan va tih hi mipui ten an lo hmu pha ve tawh silo a, projector leh screen tih vel ala awm silo nen Top 20 kha ka thleng ve ngawr ngawr😅. Chuan Youngster Talent Hunt ah ka tel leh a 1st Runnerup ka la a. Chumi hnu chuan show velah te min sawm chho tan.


Magician i nih angin Magic Show i neih hian harsatna tawh leh buaithlak han tih deuhte i nei em?
-Ka tan a buaithlakna deuh chu ka thil tih hi stand up magic (closeup) a tih chi hnai tak a show chi a ni a. Stage ah big screen a awm loh hi chuan mipui tam deuh hma a show hi a buaithlak ta thin. A chhan chu card hi kan hmang ber a stage a card trick kan tih te hi mipui in an hmu pha ve thei ta ngai lova. Kan thil tih theih pawh tihlan a harsa thin lai hi a buaithlak ka ti thin.




Eng rilru pu a Mizoram Got Talent ah khan lo tel nge i nih? I duh vang rengin em ni i lo tel?
- Ka pa seilenna, a pian leh murna a nih bakah Northeast a ka kal chakna ber ani thin a kal ka la tum hrim hrim a chutih laiin Mizoram Got Talent awm tur thu ka hriat khan rawn kal nghal vang vang mai kha ka chak nghal tawp😂yes keima duhthu ngeiin ka tel.


Mizoram Got Talent i rawn tel khan thlen san i beisei reng em?
- Besei thuah chuan ka inbeisei 1na thleng pawh Ka in beisei vanga tel ka ni a. Mahse, ka el puite ka hmu a level a sang telh telh khan top 10 tal aw Lalpa tiin ka tawngtai tawh.


Magic leh Setan biakna hi inzawm ni a sawi awm hi engnge i ngaihdan?
- Hemi ah hian sawi tur chu a tam lutuk. Ka ngaihdanah chuan Magic a kan thil tih nen hi chuan engmah inzawmna a nei lo.


Magic i hmuh dan?
- Magic a kan thil tih ang hi chu Arts a ni a. Thil hmuhnawm kan show ani mai Entertainment purpose atan.

Show lian zawk a inlan zel tumna i nei em?
- Tunah chuan ka tum rih lo. Ka la inpeih lo. Ti hian hobby angin ka ti chho zel anga,  chuan ka inpeih a ka hriat huanah opportunity tha apiang ka bawhzui ang.

Magic ni lo han tui bik riau te i nei em?
- Ka hre chiah lo. Mahse, Badminton hi Kum 11 ka nih vel atang tawh khan ka khel tan a, District aiawh bakah District hrang hrangah te kal in tournament-ah te ka khel nual tawh a lawmman pawh ka dawn ve tawh. Chuan, music (drums leh rap) hi ka tui lutuk bawk. 😅



Mizo thalai ten an ngaihsan chhan che a i hriat?
 - Ka hrelo. Min ngaihsan chan te hi a dang vek a, ka mizia vanga min ngaisan te an awm ve a. Chuan, ni e. Ka fel lohna tam tak awm mahse ka mizia thatna chhete an hmuh vang hian keimah hi min motivate a. Ka lawm takzet a ni.


Mizoram leh a chhung a chhengte i hmuh dan:
- Mizoram a chengte hi an fel, a nawmna ber chu an polite a mi ṭanpui an hreh lo. Ka hmuh danah chun a nuam ka ti Northeast ah chuan ka awm chakna ber pawh a ni. 🥰



Duhzawng leh ngainat zawngte:
Rawng - Red
Chawhmeh - Ka nu chawhmeh siam
Incheina - inchei ka peihlo😂a fai fai hak mai ka ching
Rimawi – A nalh nalh, nalh ka ti tawp😂ka music taste hi sang lo a!
Hla phuahtu - ka hrelo, Young fella hi a tunlai deuh, a hla te hi a thluk a mawi thei.

Mize ngainat zawng:
- Fel deuh polite deuh, zaidam deuh, inngaitlawm deuh leh Pathian mi.

Mize ngai nat loh zawng - inhlei thei deuh.



Relationship status - nei lo chu ni mai.

Kawppui atan duhzawng:
- hmelṭha, pian nalh, fel, educated ni bawk se.
(Educated ka tih khan zir san lam ni lovin, mi fing pangngai tak, sawi tur hremi leh sawi hun leh hmun hria leh awmdan chin tawk thiam.)


Zawhna dang:
• A tel lova i awm theih loh: a tam mahse ka nu, phone leh net!

• I nun kaihruaitu: Pathian, rilru tawngtaina ka nei ziah.

• Hringnuna i hlauh ber: Ka nu hi a hrisel lo palh ang tih ka hlau.


• Quote i duh ber: Khawvel hi a hmang thiam thiam ta.
(lungaih chang pawh a hlim thei, Beidawn chang pawh a beidawnglo thei, a hreawmm pawh a nuam ti thei, positive vibe neih tur)

• Ngaihsan tur dik nia i hriat: Kan Lal Isua

Hlawhtlinna tura pawimawh:
- Hard work, dedication, leh malsawmna dawng tlak a fimkhur leh tha taka nun hman chuan malsawmna min petu in mal min sawm mai ang.

• I nuna hloh i hlauh ber: Ka nu

Ṭhalaite hnena chah duh:
- Follow your dreams, follow your Passion (be who you are.) 


EXPLOREMIZORAM.COM i hmuh dan:
- Explore Mizoram hi ka lo hre ngai lova, mahse, hei tunah ka hre tawh a. A belhchian tlak khawp mai. In ti tha ka ti.








(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)




Post i hmuh dan

Post a Comment

3 Comments

  1. Tha thei hle mai Ozaka chu!! Go Ozaka!! Nice Ozaka!

    ReplyDelete
  2. Mizo thalai ten kan ngaihsan chhan maw?
    a hmeltha,a pian a nalh,a aw a nalj,a nui mawi,a chhungte leh thiante a ngaih poimohna nen,a mizia (of course),a dream a follow ngam na...
    Hlim reng hmel a pu thei hi🥰🥰😘

    ReplyDelete
  3. Lerh lutuklo se chu ka duh leh zual ang🤣(jk)

    ReplyDelete

He post chungchanga i ngaihdan lo sawi ve rawh: