FEATURE | Govt Aizawl College Miss 2022 - Jennifer Renthlei


Govt Aizawl College Miss 2022 Jennifer Renthlei kan belchiang!


Jenn, Rinzual, Popo tia a thiante leh amah hretu te'n an koh thin Jennifer Renthlei  hi a laiah hming chu Jennifer Lalrinzuali niin, 28 June, 2000 khan Zodingpuii leh Jacob Lalrintluanga te inkarah a lo piang a. Aizawl veng nuam leh fai - Republic vengah an awm a, Kohhran lamah chuan Baptist Church of Mizoram-a lawi an ni.


Jennifer Renthlei te hi unau pathum an ni a, amah hi unau zinga upa ber niin, an unau zinga naupang ber hi mipa a ni.

Jennifer Renthlei hi san lamah pawh a mawiin hnam dang nula lakah pawh a zahpui awm loh hle a,  ft 5'8 a sang  a ni.

 
EXPLOREMIZORAM.COM zawhna a chhanna te i lo thlir ang.

Zirna lam: Pawl 10 hi NIOS ah 2017 khan ka pass a, Pawl 12 hi Home Missions School  atangin 2020 khan ka pass leh a, Tunah hian Govt Aizawl College (GAC)-ah B.A 4th semester hons Political science ka zir mek a ni.

Hobby: Listening to music 


I duhzawng leh ngainat zawng te?
Lehkhabu duh: Bible (ka nun kawng hruaitu anih avagin)
Actor/actress: Leonardo dicaprio, Jennifer Garner
Zaithiam: Adele, Siampuii Ralte
Chawhmeh: Arsa
Hmun: Hmun hlimawm leh theng thaw nuam tak
Rawng: Black & Purple

Mize gaihnat zawng: Mi rintlak leh a thusawi a ding nghet.

Mize ngainat loh zawng: Mi fuihpawrh leh rêl ching leh ni thawt thawt.


Kawppui tura duhzawg: Min Hmangaih ber tu, mi puitling leh thurawn ka lak theihna tur, mi hriatthiamna ngah.

Relationship status: Plural!
(lo star-tute ho kha a va 'sad' ve aw!!!)


Aim in Life : To be successful!


College Lady / Miss thlanna a tel chhan?
- Leaders ten min duhsakin house aiawhin tel tura min tih avangin ka tel a ni.

College Lady / miss nih hi i inring reng em?
- Ring em em lo.


College Lady / Miss i nuna nghawng a neih?
- Thil tam tak ka zir phah a, hmasawnna leh opportunities tha tak ka neih phah a ni.

Modelling lam hi i tui reng em?
- Modelling hi tet te atanga tui tawh ka ni.



ZAWHNA DANG:
1. A tel lova i awm theih loh:  Pathian.

2. I nun kawng hruaitu: Bible (Pathian Thu)

3. Hringnuna i hlauh ber: Hlawhchham

4. I tih ngai miah loh tur: Mi hmuhsit


5. Mizo tualzal nuna tha i tih ber: Tlawmngaihna

6.Quote i duh ber : "The Sun will rise, and we will try again"

7. Mizoram leh Mizo tualzal nuna Mizo hmeichhiate dinhmun:
- Mizo te hi hmasawn chak em em mai kan ni a, amaherawh chu kan la conservative em em a, hmeichhia te hnuaichhiah ching hi an la tam em em a, mihring an nihna angin zah tur an ni.

8. Hnam hmingchhiat leh hmingthat kawngah Hmeichhiate'n mawhphurhna:
- Hmeichhiate hi mualpho hma em em thei kan ni a, khawi hmunah pawh awm ila kan nihna, kan roots leh kan culture ti hminghliau zawnga kan awm loh nan mahni invawng takin kan khawsa thin tur a ni.


9. Hnam ziarnag chawinun kawnga hmeichhiate mawhphurna:
- Hmeichhiate hian hnam ziarang chawinun kawngah hian mawhphurna lian tak kan nei a, hnam dang pasal pawh lo nei ta ila, kan nihna, tunge kan nih tih leh kan roots min thlah tute hre reng a, zahpui lo a theihnghilh mai loin kan fate, chhungkua, kan roots  pawimawh zia kan zirtir tur a ni a, hei hi kan chhawmnung zel tur a ni.

10. Mizote tan 'Fa neih tlem' inzirtir hi a tulin i hria em?
- Mizo hnam hi chimral tham lek hnam kan la nih avangin 'Fa neih tlem' inzirtirna hi a tullo ka ti. Kan chawm zawh loh tur leh kan ngaih thah leh mai mai tur fa hi chu pawm lo law law ila, mahse chutiag nilo  kan châwm zo a kan hriselna in a tlin phawt chuan fa kan duh zat neih hi pawi ka ti lo.

11. Mizo hnam thanmawh bawk nia i hriat?
- Rinawm lohna leh mahni nun aia mi nuna buai.


12. Mizo hnam damna atana kawng awm nia i hriatte?
- Pathian hnenah a tharin intu lut ila tihtak zet in in enlet ila tawgkam ringawt lo thil tihin kan Ram kan neichhun hi hmangaih takin kan hmasawn nan enkawl.

13. Hnam chhan nana Hmaichhiate tangkaina leh mawhphurna?
- Hmeichhiate hi kan chhungte leh kan pasal fanau te tana chhel taka awmin leh chak taka fuih tu ni zelin kan fate tan poh an lehkha zirna kawga nasa taka fuihin kan ram tana citizen tha tak ni thei tura enkawl.


14. Zirna, khawtlang, kohhran hi?
- Zirna hi tute tan poh hian a tangkai em em a, min ti zahawm tu a ni a, khawi hmunah pawh awm hi kan hman tangkai thei em em thil hlu a ni.
Khawtlang hi a bik takin Mizo nuna hian a pawimawh em em a, thatni leh chhiatni a min buaipui tu ber leh kan chhungte bulah poh awm loh mah ila kan chhungte hnai ber ang an ni.
        Miin kohhran a belh tlat chuan hum sual hi a dai lo nge nge thin a ni, kan thil sual tihtur na tur tam tak atanga min hunhim tu ani a, Pathian nen kan relationship nghet leh zualna tura thil pawinawh em em a ni.

15. Khawtlang, kohhran leh nagmah:
- Khawtlang leh kohhran hi ka nuna thil poimawh te zing ami ani a kohhran a ka inhman tirh atang hian ka nun a hian ka theihnghilh tawh loh tur principles tha tak tak min neih tir a , ka nun kawng sual dai tur min humhim tu a ni.
Kan ram hi kan hmasawn nan chuan khawtlang hi a pawimawh em em a kan veng chhung atanga han tanin kan theihtawp han chhuah ila citizen tha tak kan ni mai.

16. Social media leh nagmah:
- Social media hi tun ang lai kan khawvelah chuan thil pawimawh em em mai ani a, a tel lo a kan awm thei tawh lo ti ila kan sawi sual kher lo ang. A tha zawnga kan hman thiam phawt chuan kan tana opportunities tha tak tak min neih tir tu hmanrua a ni.

17. Mizoram thalai tam tak tlakchham:
- Mizo thalai te hian mahni inrin tawkna kan thlachham em em, kan theihna leh kan thiamna te hi kan hrelo fo thin.

18. Mizo thalaite hian ngaihsan tur dik an ngaisangin i hria em?
- Mizo thalai te hi hma kan sawn em em a, tun ang laia kan khawvel boruak chen hian hriat loh tak tak hi kan nei toh mang lo a amaherawh chu thil ho mai mai social media a mi troll ching tak tak kan hype nasa thei lutuk leh keimah ni ngei pawh mahni nun aia mite nun duh uluk hi chu kan insiamthatna tur niin ka hria .

19. Ngaihsan tur dik nia i hriat: Dikna leh Rinawmna

20. Hlawhtlinna tura pawimawh:
- Beidawng mai suh. I duh tak tak a nih chuan beidawngin i chawlhsan ngai tur a ni lova, beiseina i inpe reng tur a ni. Kei pawh Miss ah hian ka vawi khat tel naah ka hlawhtling nghal lo, mahse, beidawngin ka tawpsan nghal mai lova, ka dream pakhat zing ami a nih avangin ka tum leh a, a vawi hnihnaah chuan MISS GAC 2022 ka ni ta a ni. Ka hlawhchham hmasak khan lo beidawng ta ilang chuan Miss GAC hi ka ni ngai lovang.

21. Hloh i hlauh ber: Mi rinna


22. Zo hnam inpumkhatna hi a thlen thei i ring em? Thleng thei turin eng nge pawimawh nia i hriat?
- Zo hnam  in pumkhatna hi a thlen theih ka ring a. Thleng thei tur chuan tupawh hi equally in fair takin rorel sak ila duhsak bik awm lo se, kan ram hruaitu tha kan mamawh bawk ani kan ram hmangaih tak tak tu.

23. Hnam dang nupui pasal neih hi:
- Keimah chuan hnam dang nupui pasal neih hi kan hnam phatsanna anga ka ngai lo a an in hmangaih phawt chuan a pawina ka hre lo. Amaherawh chu, kan roots kan nihna hi theihnghilh ngai lo ila kan fate pawh a pawimawh zia hriattir hi kan tih makmawh a ni.



EXPLOREMIZORAM.COM i hmuh dan:
- Explore Mizoram hi kan ram leh hnam khawvel hmaa pholang a , kan hman leh tradition chawisan kawnga hma la nasa tu an ni.










Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments