Ticker

10/recent/ticker-posts

Jump Rope video viral vanga ngaihven hlawh - Diktei


A Jump Rope / Rope Skipping video darh vanga ngaihven hlawh em em Diktei hi tunge ni reng reng i han belchiang teh ang.



Diktei tia hriat hlawh C Lalruatdiki hi C Zorema leh KL Lalunghnemi te fanu niin, June 06, 1996 khan a piang a. Serkawn, Lunglei mi niin, Aizawl-ah chuan Chaltlang Dawrkawnah chengin an khawsa a, kohhran lamah chuan Baptist Church of Mizoram-a lawi an ni.



Diktei te unau hi paruk niin nuṭa pakhat an nei a, hmekchhia hi panga an ni a. Diktei hi a upa lam aṭanga chhiara palina a ni.


A san zawng hre chakte tan Diktei hi fit 5'1 a sang a ni.


Diktei hi a taksa a fit ang bawk hian a rilru pawh a fit tih a chiang a, St Edmund's College, Shillong ațangin BSc. Biochemistry a zawh hnuin, tunhnai khan Mizoram University ațangin MSc. Biotechnology a zo chiah a ni!

Diktei hi Women's day puala buatsaih 10Km run-ah pahnihna a ni.

Diktei'n zawhna ṭhenkhat a chhan te lo thlir ve la:
Hobby: Puan han țhui mai mai te, ei tur siam te, nun châwm thei tur anga ka ngaih lehkhabu țha han chhiar te, unaute nena movie en ho te leh kan uitê te walk pui hi nuam ka ti.
 


#Jump Rope/Rope Skipping:
• hi engtik aṭangin nge i tui? 
- Keimah hrim hrim hi ka theih ang tâwka exercise la ve țhin ka ni a, jump rope tak hi chu Mizorama Lockdown an kalpui tirh 2020 May thla ațang khân ka tui chho țan.


• i tih tirhin harsa i ti ve em?
- A zuan a ngawr ngawr hi chu harsa ka ti lo a mahse tricks vel neuh neuh hi chu zir chhung a rei mai bâkah harsa ka ti ve hle țhin.

• Taksa sawizawina atana ti nge i nih, i tui/nuam i tih vang?
- Hrisêl leh fit taka awm tum ve tum tlat mi ka ni a, taksa insawizawi nân ka tih rual rualin a nuam ka ti tel bawk.


• Hriselna atan a ṭha em?
- Hrisel nan chuan țha tehreng mai, full body workout a nih mai bâkah a hranpa a gym kal thei lo te tân pawh hmun zîm têa awlsam taka thlan tihtlâk nân a țha êm êm a ni.

• tunlaia hmeichhiate tuipui ber, 'pian siam nan' a ṭangkai em?
- Pian siam chungchângah chuan thau paih nan a țha khawp mai a. A hranpaa target bik neih chuan exercise dang te nêna tihdun chu a ngai ve deuh tûrah ka ngai.



# Kawppui tura duh zawng:
- Mi tam takin an hmelhriat, khawtlâng leh Kohhranah te pawh dinhmun sâng chelh kher lo pawh ni se, amah hrechiang ber tûra ngaih, a chênpui chhungte leh a țhiante ina an thlamuanpui,  pindan chhungril bera Pathian țih mi, tisa leh thlarauva mi invawng thianghlim, mi belhchiandawl, mi nghet leh puitling tak, hmangaihna ngah mi hi ka kawppui tura ka duhthusâm chu a ni.

#Relationship Status: Taken!
(lo star-tute ho kha a sad hle mai! hihi)

#Ngainat zawng:
• Rawng: Purple
• Chawhmeh: Alu 
• Hmun: Ka hmangaihte awmna apiang
• Mizia: Mi inngaitlawm 




# EXPLOREMIZORAM.COM i hmuh dan:
- Social Media khawihtute tân chuan en/tlawh a manhlâ khawp mai. Content hrang hrang a hâwl kim a, Mizo thiltih leh Mizoram chhûnga thil thleng pawimawh hrang hrang te a hlâwma khaikhâwm a ni te hi a fakawm hlein ka hria. Hnam dang te en atan pawh a chhuanawmin a hmuhnawm êm êm, a țha ka tiin hei aia nasa hian țangkai taka mite hriat hlawh lo ni zêl turin duhsakna ka hlân nghâl bawk e.



Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)






Post i hmuh dan

Post a Comment

0 Comments