COVID-19 | Jan 31 zanlai thleng a zawm tur inkaihhruaina tichhuak

• Thuleh awm hma chu Minister te public interview khar
• A huhova pawn chhuah (Lui kal, trekking, hiking, adventure sports, adt.) - Khap
Kohhran Inkhawmpui chhun lamah neih phal!
• College online in kal chhunzawm dawn!


Aizawl | January 08, 2021: Mizoram sawrkar chuan January 6 khan 08.01.2022 aṭanga ni 31.01.2022 zanlai dar 12:00 thlenga AMC Area leh Mizoram chhung hmun danga hman tur COVID-19 inkaihhruaina tichhuak.





State Executive Committee, State Disaster Management Authority chuan January ni 6, 2022 khan Mizoram chhunga COVID-19 dinhmun thlirletna a nei a. Tun hnaiah hri nasa taka a darh bakah positivity rate pawh a sang hle a ni tih zirchianna atangin finfiah a ni a. Chuvangin Mizoram chhunga COVID-19 hripui leng mek bakah a aia hlauhawm zawka sawi variant of concern ‘Omicron’ darh zel tur ven nan inkhuahkhirhna khauh zawka siam ni se tiin thutlukna an siam a. 


Dr. Renu Sharma,  Chairman, State Executive Committee chuan Disaster Management Act, 2005 hnuaia Section 22(2)(h) & 24 (l)-in thuneihna a pêk angin ni 08.01.2022 aṭanga ni 31.01.2022 zanlai dar 12:00 thlenga AMC Area leh Mizoram chhung hmun danga hman tur COVID-19 inkaihhruaina Order  chu vawiin January ni 7, 2022 hian a ti chhuak a ni.


AMC AREA CHHUNGA INKAIHHRUAINA
Hemi hun chhúng hian loh theih loh thilah lo chuan pawn chhuah leh inlenpawh loh tur a ni. Building khata in hrang hrang luahte pawh intlawhpawh loh tur a ni.
Hemi hun chhunga inkaihhruaina chu a hnuaia tarlan ang hian kalpui tur a ni.

1. Zirna In
Class X leh XII board exam turte chu School Education Department thuchhuak angin CAB ṭha taka zawm chungin school leh hostel hawn phal a ni. Hemi atana hman tur SOP chu School Education Department-in a ruahman ang a, zirtirtu leh sikula hnathawkte chu COVID-19 vaccine full dose la vek turin hma a la bawk ang.
Class I aṭanga class IX leh pawl XI zirlai te tan sikul leh hostel khar a ni ang a, online-in class lak chhunzawm a ni ang.
Zirna sang zawk (Higher education) kaina rûn (Institute), College leh University te chu online a kal chhunzawm tur a ni.

Training Institutes
A hmuna leng zat chanve (50% seating capacity) luah khatin hawn phal a ni.

2. Board Exam, recruitment exam, adt. - CAB uluk taka zawm chungin neih phal a ni.

3. Sakhaw Biak In leh Inkhawm
a.   CAB khauh taka zawm chungin chhunah chauh Biak In-a leng zat chanve (50% seating capacity) aia tam lovin Kohhran Inkhawm pangngai neih phal a ni a, zing leh tlai ţawngţai inkhawm pawh phal a ni.  
b.   Kohhran Inkhawmpui chhun lamah neih phal a ni. 
Inkhawmpui neihna hmun Biak In-a leng zat chanve (50% seating capcity) tel phal a ni.
COVID-19 symptoms neite chu Inkhawmpui-ah hian tel loh tur a ni.
Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se.
Tlai lam ruai buatsaih loh tur a ni.
c.   Hripui darh huk theihna tur ven nan, a theih chin chinah, hla/ rimawi thun (record) sa te play tur a ni a, zaikhawm, zaiho leh zaipawl anga hla sak te khap a ni.
d.   CAB khauh taka kenkawh leh zawm tur a ni. A thlengtu kohhran-in LLTF te phungbawma sawmin CAB/ SOP Implementation Committee an din ang.

4. Inneih inkhawm leh Mitthi Vuina - Phal a ni.
Inkhawm neihna hmun-a leng zat chanve (50% seating capacity) emaw mi 50 aia tam lo (a tlem zawk zawk). 
Ei leh in sem phal a ni lo.

5.
1.   Picnic spot - Hawn phal loh.
2.   Movie Theatre - Hawn phal loh.

6. Public park leh Sahuan (Zoo).- Hawn phal loh.

7. Sports practice (indoor & outdoor) - Entu awm lovin phal a ni.
• Indoor-ah mi 20 aia tam lo leh outdoor-ah mi 50 aia tam lo.
• Sports practice-ah COVID-19 symptom neite an tel tur a ni lo.

8. Zing/Tlai walking leh cycling exercise - Phal a ni.

9. Sports inelna, tournament, adt. (indoor & outdoor)
Event neihna hmuna leng zat chanve (50% capacity) emaw mi 50 aia tam lo (a tlem zawk zawk) ṭum khata punkhawm phal a ni.

10. Gym, Beauty parlour leh Spa - Hawn phal loh.
Lu mehna dawr (Hair cutting salons/ Barber shops)

Heng kaihhruaina zawm hian hawn phal a ni:
Hmanrua leh equipment uluk taka tihthianghlim (sanitize) reng tur a ni. 
•.Customer te hming, address, contact number leh dawr hun chhinchhiahna record fel takin an vawng tur a ni. 
• Heng hmunah te hian ṭum khatah mi leng zat  chanve aia tam awm phal a ni lo.
•.Customer ten CAB uluk taka an zawm theih nan a neitu/nghaktu ten ruahmanna an siam tur a ni.

11. Mipui punkhawm-anniversary, birthday, adt. - Khap a ni.
Amaherawhchu, sawrkar phalna la-a National/ State level programme pawimawh te chu huaihawt phalsak a ni thei ang a, a hmuna leng zat 50% aia tam lova punkhawm phal ni ang.

Hripui darh huk theihna tur ven nan, a theih chin chinah, hla/ rimawi thun (record) sa te play tur a ni a; zaikhawm, zaiho leh zaipawl anga hla sak te khap a ni.

12. A huhova pawn chhuah (Lui kal, trekking, hiking, adventure sports, adt.) - Khap a ni

13. Construction works (mimal, leh sawrkar hnathawh) - CAB uluk taka zawm chungin hawn phal a ni.



14.MGNREGA, MPLAD, MLALAD, SIPMIU, Smart City - CAB uluk taka zawm chungin hawn phal a ni.

15. Quarry, kawng laih, lei dawh, adt. - Phal a ni.

16. Huan, lo, sangha dil, ran vulh, adt. - Phal a ni.

17. Hospital, nursing home, clinic, laboratory, Blood donation leh blood bank - Phal a ni.

18. Child and women helpline service, OST center, OSC, ART centre - Phal a ni.

19..Nau pai, nausen pawmlai leh naupang te hnena nutrition (chaw ṭha) sem bakah nutrition sem tur godown aṭanga phurh chhuah leh sem darh - Phal a ni.

20. COVID-19 vaccination leh immunization programme dangte, ambulance service - Phal a ni.

21. Animal disease control programme, Veterinary hospital, dispensary, clinic, AI, Zoo, hatchery, Feed mill/Ran chaw leh Slaughter House.- Phal a ni.

22. Bank, Non-banking financial institutions, insurance, ATM, post office leh postal services - Phal a ni. 

23. Petrol/Diesel filling station leh LPG distribution/ godown - Phal a ni.

24. Dawr bungrua leh zawrh thil dahkhawmna/godown - Phal a ni.

25. FCS&CA Department/FCI hnuaia godown - Phal a ni.

Fair Price Shop (ration dawr)
FPS (ration dawr) te chu LLTF ten ruahmanna an siam angin hawn a ni ang.

26. Bawnghnute sem leh lakkhawm,  chanchinbu sem.- Phal a ni.

27. Private security service.- Phal a ni.

28. Print & electronic media, telecommunication, internet service, broadcasting leh cable service - Phal a ni.

29. Sanitation & solid waste management (hmunphiat leh bawlhhlawh paih te huamin), septic tank service (ek paih) - Phal a ni.

30. PWD, P&E leh PHE hnuaia operation & maintenance hna leh mimal tui chawite - Phal a ni.

31. Bungraw load leh unload hna   - Phal a ni.
Zan Curfew hun chhung chuan DC-in ruahmanna a siam angin.

32. Kawng laka lirthei chhia siamtute.
(Hei hian automobile dealer leh workshop hnathawkte a huam ang)..- Phal a ni.

33. Courier service,    e-commerce leh home delivery. State pawn leh State chhunga dawrkai leh sumdawngte bungrua, State chhunga thar/siam chhuah tiamin, online emaw phone hmanga order lawk sa te pek (home delivery) leh e-commerce.- Phal a ni.

Dawr leh sumdawnna te hi a tam thei ang ber online service leh home delivery kalpui tura beisei an ni.

34. Ina thil siam (home based industry) -carpentry, steel fabrication, bakery, puan thui, puan tahna, adt..- Phal a ni.                        

35. Damdawi Dawr - Hawn phal a ni.

36. Hawkers stall - Hawn phal a ni.

37. Thlai chi/ thlai ṭiak leh Agriculture/ Horticulture kaihhnawih bungraw zawrhna - Hawn phal a ni.

38. Tourist Lodge, Hotel, Homestay leh khualbuk dangte - Hawn phal a ni.

39. Restaurants - Hawn phal a ni.

A hmuna leng zat chanve (50% seating capacity) chin phal a ni.

Tui emaw tuiril lam chi hrim hrim emaw in inṭawm tur ven nan a neitu ten dispo no emaw no pangngai emaw tui bottle emaw mi tin tan a hran ṭheuh an chhawp ṭhin tur a ni.

A neitu ten uluk takin chaw ei dawhkan leh ṭhutthleng te zing takin an tithianghlim (sanitize) ṭhin tur a ni a, an dawr leh a chhehvel te engtiklai pawha fai taka vawn kawngah mawh an phur bawk ang.

40. Eichawp dawr - Hawn phal a ni.

41. Bazar leh Dawr 
Deputy Commissioner-in LLTF leh Dawrkai inzawmkhawm pawl hruaitute râwn chungin dawr inhawn chhawk dan tur ruahmanna an siam ang.

42. Mizoram Sawrkar Office-te
• Group A leh B Officer leh Staff te chuan dan pangngaiin pisa an kai ang.
• Group C leh D staff te chu a chanve (50% attendance) zelin an inkalchhawk ang a, a kal lo zawng chu in lam aṭangin online mode-in hna an thawk ang. Hei hian essential duty leh emergency services lama officer leh staff te a huam lo ang. An kal dan tur ruahmanna chu Department Secretary tin ten an siam ang.
• Pianphunga rualbanlo te leh nu nau pai te chu office kai lo tura ngaihhnatthiam an ni ang a, amaherawhchu, a ṭul dan azirin in lam aṭangin office hna an thawk ṭhin ang (work from home).
• Phalna / dilna la lawk lovin office tlawh/ dawr phal a ni lo.
• Thuleh awm hma chu Minister te public interview khar hrih a ni.
• Department hotu ten office kawtkaiah kut silna tur leh tihthianghlimna (sanitizer) tur an dah tur a ni.
• Department / Office hotute chu an office leh a chhehvel tihthianghlim leh faina kawngah mawh an phur ang.
• Office kai lote chu Deputy Commissioner-in Executive Duty turin a ruat thei ang.
• A theih chin chinah meeting reng reng chu VC mode a tih thin tur a ni.
 

NOTE: Essential duties/ emergency services te chuan heng Department te hi a huam ang - Home, H&FW, Police, Home Guards & Civil Defense, Fire & Emergency Services, Disaster Management, District Administration, Civil Aviation, Prisons, Excise & Narcotics, Municipal Services, Forest Field Works, PHE, I&PR, P&E, FCS&CA, IF&SL, ICT leh NIC.     

43. Office dangte
Mizoram Legislative Assembly Secretariat chuan an kal dan tur an ruahman ang.
Central Sawrkar office te leh Central PSU te chu Central sawrkar thuchhuak angina ang kal ang.

44. Court leh Judiciary
Gauhati High Court (Aizawl Bench) leh a hnuaia Court te chu High Court-in ruahmanna a siam angin an kal ang.

45. Kohhran/sakhaw hrang hrang office
A chanve (50% attendance) zela inkal chhawkin phal a ni.
Office leh a chhehvel tihthianghlim leh faina kawngah mawh an phur ang.


46..Private company/ office - consultancy services, adt.
A chanve (50% attendance) zela inkal chhawkin phal a ni.
Office leh a chhehvel tihthianghlim leh faina kawngah mawh an phur ang.

47. Lirthei tlân dan
Aizawl khawpuia intlanchhawk ṭhin dan pangngai a hnuaia tarlan ang hian kal tur a ni ang a, SP (Traffic)-in Order a chhuah ang.

√ Public Transport Vehicle (City Bus, Taxi, 2-wheeler taxi leh adt.) leh Bungraw phur motor te chu a ngai angin an tlan ang. 
√ Sawrkar leh Mimal lirthei (two wheeler telin) tlan dan tur chu hetiang hi a ni ang:
Thawhṭanni: 1&2-a tawp tlan phal loh.
Thawhlehni: 3&4-a tawp tlan phal loh.
Nilaini: 5&6-a tawp tlan phal loh.
Ningani: 7&8-a tawp tlan phal loh.
Zirtawpni: 9&0-a tawp tlan phal loh.

Inrinni, Pathianni leh public holiday-ah chuan lirthei zawng zawng tlan phal vek a ni.

Commercial vehicle (City Bus, Taxi, 2-wheeler taxi leh adt.) driver leh handyman ten heng inkaihhruainate hi uluk takin an zawm tur a ni:
 Lirthei ṭhutphah leh a chhungte tihthianghlim zin tur a ni a, lirthei chu fai taka vawn reng tur a ni. Hnathawhna hmunah mask/ hmai tuamna an vuah reng tur a ni. Passenger-te hman tur hand sanitizer an pai reng tur a ni.
• COVID-19 vaccine full dose la tura ngen leh beisei an ni.
• Lirtheiah te hian registration-a seating capacity tarlan bak chuan phal a ni lo.
• Bus-ah ding an awm tur a ni lo.


AMC AREA PAWN INKAIHHRUAINA
Mizoram hmun dangah chuan Deputy Commissioner (DC) ten an District chhunga COVID-19 hri len dan dinhmun azirin inkaihhruaina an siam ang.
 

Zirna in hawn chungchang
Class X leh XII board exam turte chu School Education Department thuchhuak angin CAB ṭha taka zawm chungin school leh hostel hawn phal a ni. Hemi atana hman tur SOP chu School Education Department-in a ruahman ang a, zirtirtu leh sikula hnathawkte chu full dose la vek turin hma a la bawk ang.

Class I aṭanga class IX leh class XI zirlai te tan sikul leh hostel khar a ni ang a, online-in class lak chhunzawm a ni ang.


Zirna sang zawk (Higher education) kaina rûn (Institute), College leh University te chu online a kal chhunzawm tur a ni.

Sakhaw Biak In-a inkhawm leh Inkhawmpui chungchang
CAB khauh taka zawm chungin chhunah chauh Biak In-a leng zat chanve (50% seating capacity) aia tam lovin Kohhran Inkhawm pangngai neih phal a ni a, zing leh tlai ţawngţai inkhawm pawh phal a ni.

Kohhran Inkhawmpui chhun lamah neih phal a ni. 
Inkhawmpui neihna hmun Biak In-a leng zat chanve (50% seating capacity) tel phal a ni.
COVID-19 symptoms neite chu Inkhawmpui-ah hian tel loh tur a ni.
Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se.
Tlai lam ruai buatsaih loh tur a ni.
Hripui darh huk theihna tur ven nan, a theih chin chinah, hla/ rimawi thun (record) sa te play tur a ni a, zaikhawm, zaiho leh zaipawl anga hla sak te khap a ni.
CAB khauh taka kenkawh leh zawm tur a ni. A thlengtu kohhran-in VLTF te phungbawma sawmin CAB/ SOP Implementation Committee an din ang. 
 
Deputy Commissioner ten VLTF leh Dawrkai inzawmkhawm pawl hruaitute râwn chungin dawr inhawn chhawk dan tur ruahmanna an siam ang.
 
Restaurant te chu a hmuna leng zat chanve (50% seating capacity) chin luahkhatin hawn phal a ni. Tui emaw tuiril lam chi hrim hrim emaw in inṭawm tur ven nan a neitu ten dispo no emaw no pangngai emaw tui bottle emaw mi tin tan a hran ṭheuh an chhawp ṭhin tur a ni.
A neitu ten uluk takin chaw ei dawhkan leh ṭhutthleng te zing takin an tithianghlim (sanitize) ṭhin tur a ni a, an dawr leh a chhehvel te engtiklai pawha fai taka vawn kawngah mawh an phur bawk ang.

Commercial vehicle (City Bus, Taxi, 2-wheeler taxi leh adt.) driver leh handyman ten heng inkaihhruainate hi uluk takin an zawm tur a ni:
Lirthei ṭhutphah leh a chhungte tihthianghlim zin tur a ni a, lirthei chu fai taka vawn reng tur a ni. Hnathawhna hmunah mask/ hmai tuamna an vuah reng tur a ni. Passenger-te hman tur hand sanitizer an pai reng tur a ni.
COVID-19 vaccine full dose la tura ngen leh beisei an ni.
Lirtheiah te hian registration-a seating capacity tarlan bak chuan phal a ni lo.
Bus-ah ding an awm tur a ni lo.
*****


MIZORAM PUMA HMAN TUR INKHUAHKHIRHNA DANGTE
Vaccination
Mipui vantlang kan lo him zawk nan COVID-19 vaccine la la lo zawng zawng (target group)-te chu Sawrkar-in a thlawna vaccine lakna a ruatah te a hma thei ang bera vaccine la tura ngen leh beisei an ni. Deputy Commissioner ten an District theuhvah mipui ten vaccine dose hnih an lak ngei theihna turin theihtawpin hma an la ang.


Zin veivah chungchang
Zin veivah chungchanga inkaihhruaina leh airport-a screening chungchanga zawm tur Health & Family Welfare Department, Government of Mizoram-in thuchhuah thar a siam apiangte chu thuneitu ten tha takin an zawm tur a ni. 
Ṭul bikah chuan zin veivah phal a ni. Zin veivah nan hian mimal lirthei leh passenger phur lirthei (commercial passenger vehicle) te hman phal a ni.
Lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh ten mask/ hmai tuamna an vuah vek tur a ni. Passenger-te hman tur hand sanitizer an pai reng tur a ni.
 

Veng/Khaw Bil Inkhuahkhirhna
He order/inkaihhruaina-in a huam baka veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin LLTF/VLTF ten an awmna District Deputy Commissioner hnenah rawtna an siam thei ang.
LLTF/VLTF ten he Order-ina inkhuahkhirhna a siam bak pelin anmahni thuin veng/ khaw bil inkhuahkhirhna hranpa curfew/ lockdown/ Containment Area/ Restricted Area an puang tur a ni lo.
Kawngpuiin a paltlang khua/veng ten an khaw/veng kaltlanga khaw/veng danga kal tur zin veivak te leh an lirthei an dang tur a ni lo.
 

Bungraw Chawkluh Leh State chhunga Thiar Chungchang
State pawn aṭanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID-19-ah an in-register vek tur a ni.
Bungraw lak luh phurtute (driver leh handyman) hi entry point-ah uluk takin screening kalpui chhunzawm a ni ang. Bungraw phur motor-ah reng reng hian midang (passenger) an chuang tur a ni lo.
State pawn aṭanga bungraw lak luh phurtu (driver leh handyman) te chu an kalphung pangngai angin khaw dâiah anmahniin eirawng an inbawl ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te aṭanga feet ruk (6) tala hla-ah an awm tur a ni.
State pawn aṭanga bungraw lak luh phurtu (driver leh handyman) te chu     backload lak tur zawngin Mizoram hmun dangah an kal kual tur a ni lo.
AMC Area pawnah chuan Mizoram-a bungraw awmsa emaw siam  chhuah/tharte thiar chungchangah inkhuahkhirhna a awm lovang.
Public Distribution System (PDS) hnuaia ration dawr/retailer-a pek   chhuah tur buhfai, chini leh khawnvartui phur motor te chu FCS&CA Department in Delivery Order/Despatch Challan a pek chhuah, la nung mek an ken chuan phalna hranpa ngai lovin Mizoram chhungah bungrua an thiar thei ang.
A chunga tarlan driver leh handyman-te hian kawng laka harsatna an tawh thulhah State Control Room (Toll free 1070, landline 0389-2342520, mobile 7628072785 leh whatsapp 9366331931) leh COVID-19 (Medical) helpline number (Toll free 102, landline 0389-2323336, 0389- 2322336 leh 0389-2318336)-ah telephone-in an harsatnate an thlen thei ang.
Covid-19 hri laka kan himna tur atan mitin hian tih tur pawimawh tak kan nei ṭheuh va. Chung tih tur leh zawm tur COVID Appropriate Behaviour (CAB) te chu Annexure-ah tarlan a ni a, mitinin zawm ṭheuh tur a ni.
District Magistrate ten zan curfew (9:00 PM to 4:00 AM) an puang ang a, CrPC Section 144 hmangin Order an chhuah ang.
Mizorama lo luh, quarantine, adt. chungchanga inkaihhruaina chu Health & Family Welfare Department-in thuchhuah thar an siam ang zelin kalpui tur a ni ang.
State Level Expert Team on COVID-19 Management-in a rawt angin mipui nghawng tam lo thei ang berin Deputy Commissioner ten an District chhungah Micro Containment Zone emaw inkhuahkhirhna dang a ṭul dan azirin colony/ building/ apartment chauh huamin an puang thei ang a, Micro Containment Zone emaw inkhuahkhirhna dang emaw puanah te chuan Deputy Commissioner-in thupek a siamte khauh taka zawm tur a ni.
 
9.       He thupek zawm lote chu Disaster Management Act, 2005, Section 51 aṭanga 60 leh the Mizoram (Containment & Prevention of the spread of COVID-19) Act, 2020 leh IPC Section 188 hmangin hrem theih an ni.


COVID APPROPRIATE BEHAVIOUR (CAB)

   COVID-19 laka him tlanna tura kan zawm tur nunphung tha te:

1.Intawk kher lovin in chibai thin tawh ila.

2.Khawiah pawh inhnaihchilh lova feet 6 tal inkarhlat a awm zel ni se.

3.Hmaituamna hmanga hmui-hmai tuam reng ni se.

4.Mit, Hnar leh Ka te khawih loh tur a ni.

5.Respiratory Hygiene vawng la – Khuh leh hahchhiau in hmai hup/tuam rawh.

6.A khat tawkin sahbawn nen fai taka kut sil fo tur a ni.

7.Khawih fo thin hmunhmate tih thianghlim fo thin tur a ni.

8.Chil chhak/pik mai mai loh tur a ni.

9.Tul tak lovah zin/veivah pumpelh rawh.

10.Mi tute mah thlei hrang lo la, Covid-19 vei te thinhrik suh.

11.Mipui punkhawmna pumpelh la, hri lakah him rawh.

12.Social media-a thu veivak nazawng, a dik tih fiah lovin thehdarh ve ngawt suh.

13.Covid-19 lam hawi thu Sawrkara mawhphurtute hnen atanga chhuak ani em tih ngaichang hmasa thin rawh.

 

14.Hriat duh leh mamawh reng reng chu National Help Line 1075-ah emaw State Helpline 1070-ah emaw Health Department Helpline 102-ah zawtfiah thin ang che.


15.Hripui leng vanga rilru thlabar/phili/chiai te tan rilru lama mithiam rawn ang che.



- DIPR

Post a Comment

0 Comments