Senior Commonwealth Weighltlifting championships-ah Lalchhanhimi'n Bronze medal chawi chhuak

Aizawl | December 14, 2021: Senior World Weightlifting Championships leh Senior Commonwealth Weightlifting Championships Uzbekistan khawpui Tashkent-a neih mek ah India aiawh a tel Mizo lifters te che tha tluang zelin, Jeremy an Gold Medal a dawn hnuah Women's category (71kg) ah Nula Lalchhanhimi chuan BRONZE MEDAL a dawng ve leh ta.

Lalchhanhimi hian Women World Senior ah 13-na leh Women Senior Commonwealth Weightlifting ah 6-na ni mahse, Lalchhanhimi te Weight Category (71 kg) a Pakhatna hauhtu Great Britain aiawh BR Davies Sarah leh Pathumna leh Palina hauh tu te Philippines ram aiawh a tel Sarno leh Macrohon te chuan Senior Commonwealth Championships ah entry an thehluh loh avangin, Pahnihna hauhtu Nigeria ram aiawh a tel Eze Joy-i chu Gold Medal hlan ani a, Pangana hauhtu India aiawh Harjinder Kaur-i chu Silver Medal hlan ni in, Parukna hauhtu Lalchhanhimi hi Bronze Medal hlan a ni.

Senior Women Commonwealth (71 kg) Women Result:

GOLD MEDAL:

Eze Joy (Nigeria)

Snatch 100

Clean & Jerk 130

Total 230 kg

SILVER MEDAL:

Harjinder Kaur (India)

Snatch 90

Clean & Jerk 121

Total 211 kg

BRONZE MEDAL:

Lalchhanhimi (India)

Snatch 90

Clean & Jerk 119

Total 209 kg

Nula Lalchhanhimi a chhuanawmin a lawmpuiawm tak zet.