COVID-19 vangin Khawzawl - ah curfew puang

Aizawl | December 14, 2021: December ni 9, 2021 a Khawzawl District Disaster Management Authority meeting thurel bawhzuina atan leh Khawzawl District mipuite Covid-19 hrileng darh zel tur laka an him theihna turin District Magistrate, Pu C.C. Lalchhuangkima chuan Section 144 CrPC, 1973 (2 of 1974) in thuneihna a pek angin District Headquarters chhungah zan dar 8:00 atanga zing dar 4:00 inkar CURFEW a puang.


Curfew hun chhung hian a hnuaia tarlante chauh lo chu pawn chhuah phal a ni lo:

1) Dan leh thupek kengkawhtu Magistrate-te leh police-te
2) Covid-19 kaihhnawiha duty-te
3) Medical Emergency duty-te
4) Media/Chanchinbumi
5) Phai atanga bungraw phur motor in unload
6) Essential Services duty-te
7) District Magistrate leh a aiawhten phalna an pekte.

He thupek zawm lo chu IPC Section 188 hmanga hrem an ni ang.

He thupek hian December ni 13, 2021 atanga thu leh awm hma emaw, thla hnih (2) chhung emaw a rei lo zawk zawk a huam dawn a. November ni 5, 2021 a thupek chhuah tawh, zan dar 9:00 atanga zing dar 4:00 inkar Curfew puan tawh chu a luahlan nghal a ni.

Post a Comment

0 Comments