Aizawl | December 7, 2021: Miss India Universe 2015 leh Bollywood Actress ni bawk Uravashi Rautela chu Miss Universe 2021 thlanna Israel Eilat hmuna December Ni 13 a neih turah Judge a ni dawn.
Uravashi in Miss Universe a Judge tur hi mi tam tak in sawiselin, Miss Universe semi final pawh paltlang zo lo in Miss Universe a Judge tur chu an hrethiamlo hle a, hetih lai mek hian Uravashi Rautela erawh chuan Miss Universe a Judge tura sawmna hi a pawm fel tawha Israel panin a thlawk chhuak tawh a ni.
Uravashi Rautela hian pageant ah experience tamtak a nei tawh a, Miss Teen India, Indian Princess 2011, Miss Tourism World 2011, Miss Asian Supermodel 2011 leh Miss Tourism Queen of the Year 2011 nihna te alo la tawha, heng bakah hian Miss India Universe title vawi 2 (2012&2015) la thei awmchhun a ni.
Kumin Miss Universe thlanna ah Punjab Nula Harnaaz Kaur Sandhu chu India aiawhtu ni in, India mi Uravashi Rautela judge a ni tur hian a dinhmun a ti țha dawn nge ti țha dawnlo tih chu pageant fans lamte ti ti tui ber a ni. Miss Universe 2021 Finale December 13 zing Dar 5:30 ah i lo en ve ngei dawn nia.
- Moses NG
Beauty Pageant Expert and Analyst
EXPLORE MIZORAM telegram channel join ve rawh
Post a Comment
He post chungchanga i ngaihdan lo sawi ve rawh: