Aizawl | December 7, 2021: Mizo OTT Platform hmasa ber Lersia Play chuan tunhnau khan an platform tichangtlun belhin mamawh tute puitu tur 'agent system' duang chhuakin an kalpui dawn.
Lersia Play in agent systerm an kalpui turah hian Mizoram khua/veng zawng zawng ah Agent an dah dawn a, agent ni duh tur te chuan an wesbite-ah lutin a inziahluh theih a nih.
Lersia Play chuan Mizoram chhung khua leh veng zawng zawng-ah Agent a nei dawn a, chung Agent te chuan an khua/veng mipui Lersia Play-a movie lei thei lo leh lei thiamlo te tan an lo lei sak thin dawn a ni. Agent hian heng an hna thawh kaltlang hian hlawkna an nei ve zel dawn a. Chu chuan, Mipui tan awlsamna a thlen dawn bakah, Lersia Play leh film siamtute tan hlawkna a pe thei dawn a ni.
He kalphung hman a nih hnu hi chuan, 'Ka lei thiam lo,' tih vanga en lo tam takin an en thei tawh ang a, Lersia bakah film siamtu an hlawk ang a. Mipui nawlpuiin film ṭha leh hmuhnawm an en phah tawh dawn bawk a ni.
Lersia Play Agent system chungchang hi kimchangin a hnuaiah hian tarlan a ni.
Engnge Agent System chu?
Lersia Play chuan Mizoram chhung khua leh veng zawng zawng-ah Agent a nei dawn a, chung Agent te chuan an khua/veng mipui Lersia Play-a movie lei thei lo leh lei thiamlo te tan an lo lei sak thin dawn a ni. Phone recharge tir tura dawr-a kan kal nen hian a inang thei awm e.
Engtin nge?
Lersia Play ah Agent te hi an agent registration an ti ang. Tin, agent ten movie an leisak tur te hi Lersia Play ah an in register a ngai bawk ang. Chutichuan Agent hnai ber te dawrah chuan movie en/lei tur te an lo kal anga, an email ID/Phone Number an hrilh anga, Agent chuan Agent Dashboard atangin payment a lo tihsak mai dawn a ni.
Agent ni turin engnge ngai?
1. Agent ni tur hian https://lersia.com/agent.html ah Agent registration tih tur a ni ang.
2. Agent te Registration hi Lersia Adminstrator ten a lo approve ang.
3. Agent te hian Online Payment, Debit/Credit Card, UPI, Gpay, Net Banking an ti thei tur a ni.
4. Agent te hi lersia.com ah account an nei bawk tur a ni.
Agent tan enge a hlawkna?
Agent te hian movie an hralh atangin 3% hlep an nei ve zel ang.
Engnge Agent System a tulna?
Online payment ti thiam lo/thei lo tam tak, Lersia Play a movie en chak ve si khaw hrang hrang ah an awm a, chung ho tana duan chu a ni.
Tute nge hlawk tur?
Agent system ah hian mipui tam tak ten movie tha tak tak an en thei tawh anga, Movie Maker ten an movie te an hralh tam phah thei anga, tin Agent ten sum engemawzat an thawkchhuak ve thei bawk ang.
EXPLORE MIZORAM telegram.channel join ve rawh le
Post a Comment
He post chungchanga i ngaihdan lo sawi ve rawh: