Hranghlui Zaithiam Pu Ngurliana Sailo a herliam ta!

Aizawl | December 5, 2021: Hranghlui Zaithiam Pu Ngurliana Sailo chuan chatuan ramna pan ta.


Pu Ngurliana Sailo (70), Reiek hi December 5, 2021, 7:50AM khan COVID19 vangin ZMC-ah a boral. November 21 khan hri a kai tih hriatchhuah niin November 27 khan admit a ni a. Natna dang nei tel a ni.

Hun engemaw ti chen Covid-19 avanga enkawl  anih hnu in Pu Ngurliana Sailo Reiek khua chuan ZMC ah chatuan ram a lo pansan ta.

Zoram rimawi khawvel tan channa nasa tak a va ni e, a kalsan tak a tu leh fate leh chhungte zawng zawng Lalpan awmpuiin thlamuan rawh se.

Zoram Rimawi khawvel tan channa nasa tak a ni.

Reiek Pa, Sailo ziding, Pu Ngurliana Sailo hi Mizo lal ropui, Suakpuilala thlah kal zel a ni a. A pu (a pa pa) Lalluaia, Reiek lal hi Serchhip khaw din tu leh kan lal neih hmasak ber, Lalrumi (Bengkhuaia farnu) fapa a ni. Kan hriat chian leh zual theih nan a han sawi zau zêl ila, Serchhip khaw lo indinna atana mellung pawimawh tak mai chu chhim leh hmar indo kha a ni a. Khami indo lai khan Vangchêng lal, Lalpuithanga (Bengkhuaia Pa) chuan a ro zawng zawng chu a piah tlâng, Serchhip ngaw ah a thuk ru a. Kum 1859-a Indo a lo zawh khan chu a ro phûm rûk chu lâk tumin an hai an hâi thin a. Chu an ro phum rûkna hmun chu "Rothâi Pûk" tih niin "Serchhip Heritage Society" te chuan vawiin thlengin an la humhalh a ni.


Post a Comment

He post chungchanga i ngaihdan lo sawi ve rawh:

Previous Post Next Post