Aizawl | November 18, 2021: Mizoram State Legal Services Authority (MSLSA) leh Department of Clinical Psychology, Mizoram University leh Hands of Hope huaihawtin vawiin khan Central Jail-ah Legal Awareness Campaign on Mental Health Seminar neih a ni.
He hun hi Pi Mimi H.Rosiamliani'n a kaihruai a, Central Jail-a tang mekte tana hriat tur pawimawh tak tak inhrilh hriat nan hun hman a ni.
He hunah hian Professor Zokaitluangi, Head Of Department @Clinical Psychology, Mizoram University chu resource person niin Hands of Hope lam aṭangin Pu Johny Lalengmawia Tochhawng, Advocate nen Lung Ina tang mek zingah taksa mai ni lo rilru lama harsa neite tana hman ṭangkai tur Dan ṭha tak a awm thu te, rilru leh Dan lama harsatna neite tan Mizoram State Legal Services Authority (MSLSA) leh Department of Clinical Psychology, Mizoram University leh Hands of Hope-te an inhawn thu sawi a ni.
Thusawitu dang Pu R.Vanlalena, Member Secretary (MSLSA) chuan Jail tang te fuihin, Jail an tan chhunga an nun insiamṭha tur leh Jail aṭanga an chhuah hnuah pawh nunphung pangngaia nung zui tawh turin a chah a, harsatna dang an neihte pawh Jail tangte tana thawktu Para Legal Volunteer (PLV) hnena ziaka thlen ṭhin turin a chah nghal a ni.
Pu T. Ramzauva, Special Superintendant, Central Jail pawhin Central Jail-a tangte dinhmun sawiin Jail chhunga hmasawnna an neih hrang hrangte a tar lang bawk.
Tin, hemi hun zawhah hian inbiangbiakna, zawhna leh chhanna hun te hman a ni a, tang mekte harsatna buaipuia chinfel a awlsam zawk nan Questionaire sem niin, Central Jail tana Para Legal Volunteer (PVL) hna chelh mek hnenah an harsatna tawhte leh an Questionaire chhanna te chu theh lut leh tura ngen an ni bawk a ni.
Post a Comment
He post chungchanga i ngaihdan lo sawi ve rawh: