Aizawl | November 18, 2021: IWF World Senior leh Commonwealth Senior Weightlifting Championships ah Jeremy Lalrinnunga leh Lalchhanhimi te an tel dawn.
Indian Weightlifting Federation chuan 2021 IWF Senior World leh Commonwealth Senior Weightlifting Championship Tashkent, Uzbekistan December ni 4 - 18, 2021 lo awm tura India aiawh a tel turin Mizo Lifter pahnih - Youth Olympic Gold medalist Jeremy Lalrinnunga, 67 kg, leh Lalchhanhimi 71 kg Commonwealth Games 2018 a lo tel tawh te chu a thlang fel .
Jeremy Lalrinnunga hi India Camp Patiala, Punjab, a awm sa a ni a. Senior Nationals 2021 August thla a an neih khan awlsam takin 67 kg ah Gold a lo la tawh ani.
Lalchhanhimi hian kum 2021 August thla khan Senior Nationals, 2021 ( 71 kg) ah Gold la in India Camp a awm tura thlan a lo ni tawh bawk a ni.
India Team ah hian Mipa 10 leh Hmeichhia 10 an tel anga, heta titha te chu nakum July thla tawp lama Birmingham, England- a awm tur - Commonwealth Games, 2022, atan Qualification a ni nghal dawn ani.
- Mizoram Sports Council
Post a Comment
He post chungchanga i ngaihdan lo sawi ve rawh: