Miss India Universe 2021 atan Harnaaz Kaur Sandhu

Aizawl | October 1, 2021: Miss Universe 2021 a India aiawhtu tur thlanna nizan ( 30th Sept 2021) a neih zawh takah Punjab Nula Harnaaz Kaur Sandhu chu India aiawhtu atana thlan ni in, a  ni bakah hian Ritika Khatnani chu Miss Supranational 2021 a India aiawhtu tura thlan a ni bawk.


Miss India Universe ( Miss Diva Universe) 2021 thlanna hi Hyatt Regency Hotel, Mumbai ah neih ni in, India ram hmun hrang hrang ațanga nula nalh thlankhawm 20 te India aiawh tu niturin an in el a, atawpah Punjab Nula Harnaz Kaur Sandhu chu Miss India Universe nilâi leh Miss Universe 3rd Runner up Adline Castelino chuan Lallukhum a hlanchhawng ta a ni. Harnaz Sandhu hian Eilat, Israel ah Kumin a Miss Universe thlanna lo awm turah India ai a awh ang.


Kumin Miss India Universe thlanna ah hian thilthar neuh neuh awmin, sân zawng Minimum 5'5 ft nițhin chu 5'4 ft ah tih hniam a ni a, tin, transgender community ațangin ahmasa ber atan Dipanjali Chhetri chu Miss India Universe contestant ni in, a ni hi Top-50 thleng a in hlângkâi a ni. Kumin Miss India Universe Grand Finale a judge te chu :-

Shivan Bhatia - Fashion designer
Narresh Kukreja - Fashion designer
Ashwiny Iyer Tiwari - Filmmaker, writer and author
Kriti Sanon - Actress
Pankaj Advani - Billiards and snooker player
Kanika Kapoor - Singer
Angad Bedi - Actor te an ni. 



TUNGE HARNAAZ KAUR SANDHU?
Harnaaz Kaur Sandhu Kum 21 mi hi Punjabi nula ni in, Chandigarh a cheng a ni a. 5'9 Ft a sang ni in, beauty pageant ah a mikhual lo. Harnaaz Kaur hi Femina Miss India 2019 ah tel tawhin, hetah hian Top-12 thleng a in hlângkâi a, tunah lo comeback lehin Miss India Universe title a hlawhchhuak ta  a ni. Zirna lamah Harnaaz Kaur hian  Master Degree in Public Administration a bei mek a, Chandigarh ah vek lehkha zirna lamah chuan a insawrbing a ni. Haarnaz Kaur hian lemchan, lâm leh tuhleuh bakah, sakawr chungchuan te chu nuam a tih thu asawi.

- Moses NG
Beauty Pageant Expert and Analyst

Post a Comment

0 Comments