". . . AND JUSTICE FOR ALL"


KA RILRUA NGAIHTUAHNA LO AWM THENKHATTE
1. Sexual Molestation tiin pawngsual tia puhin mipuiah Zothansanga leh a nute hi social media kaltlangin an zualko va.  Mahse, court-ah an duh ang chiahin thubuai an ziak lut a; engah nge sexual molestation chu an thubuaiah an ziah luh leh hauh si loh tih hi mak ka lo ti viau mai.  Hei hi a thu laimu ber kha a ni lawm ni? People Union for Justice thuchhuahah khan Zothansangate kha IPC Sec 341, 342, 323, 506 leh 367 an pu lut a.  Mahse, Zoram mipuite hnena an zualkona leh thiltisual nia puhte kan ngeina leh kan diriamna ber Pawngsual lam pang, Rape Cae, Sexual Abuse/Harrasment Case kha an pu lut leh miah si lo hi MIPUI tihthinrimna turin min BUM em ni, tih zawhna a awm ta tlat mai.

2. Drugs ngawlvei tia an sawi leh nupui then a nihna hi ka lo hre mai pek lo va.  Mahse, court-ah chuan defense lawyer ten a background hi establish an tum ngei ngei ang.  A chhan chu ruihtheihthil ti ho hian dawt sawi hi an hreh lo reng reng a.  An hamthatna tur a nih chuan an dawt sawiin midang engtinnge a tihchhiat dawn tih ngaihtuah miah lovin an sawi mawlh mawlh a, an chhungte meuh pawh an bum hreh lo tih chu kan hrethiam deuh vek awm e.  Hetianga a lehlamin a dawt sawi chiang zet zeta court hmaa finfiahna an tarlan tak si-ah chuan, "Thil te reuh tea dawt sawi hreh lo chu thil lian puiah pawh dawt a sawi hreh hauh dawn a lo a nih hi" tiin court chuan a ngaihtuah ngei ngei ang.

3. An sawilan ang hian Zothansanga hi Police ten zing dar 10-ah station-a kal turin an ko va.  Mahse, an koh hunah kal lovin, dar 1:00 ah a kal chauh a nih hmel. Dan leh a kengkawhtute a pawisa lo hle angin a ngaih theih ve tlat a nih hi.

4. Doctor Lehkha-a MOLEST ti anga ziahna hi an chelek ve fo va.  Mahse, he lehkha hi doctor-in damlo reng reng a lo en a, an insawiselna a lo ngai thla a, a lo record-na ang chi hi niin a lang.  Molestation case-ah Evidence-a pawm theih a nih hmel loh ve?  Damlovin a nihna leh na nei anga a insawi kha a lo record a, chu chu test hrang hrang hmangin an chhui chiang a, an diagnose thin a ni zawk lawm ni?

5. Court-ah hian vawi tam tak koh a ni a, a inlan duh lo an tih hi thil tak tak a ni em?  Contempt of court a ni pha em? Dikna duha zualko inti chu engah nge a koh kal a harsat em em?
6. An sawi ang hian Zothansanga hian Chanmari-a insual buainaah tel ve miah lo ang leh, a thelhtu-ah a tan thu a sawi a, Mahse, video evidence lamah insualnaah a tel an ti leh bawk si.  Hei hi tak tak a nih chuan 'dawt sawi/perjury' chu a ni thei tlat a nih hi.
7. A tirah World Bank Road-ah insual buai ang leh pawngsual hial tawk angah a insawi a.  Mahse, court-a a thu an zawhnaah chuan engtin mah an insual buai lo tiin a sawi leh si hi a hmaa thusawi kha dawt a ni tihna a ni em?
8.  Hetianga awlsam taka dawt a sawi zung zung tih fiahna a awm avang hian a thil sawi dangte pawh hi thudik a nih a rinawm lo thei hle dawn a nih hi. Tlemtea dawt sawitu chu a lianah pawh hian dawt a sawi kha a rinhlelhawm ta tlat a ni.  An duh ang taka case an file-ah hian sexual molestation engmah an sawi lang ngam leh si lo lai hi rilru tibuaitu chu a ni ta a ni.
9.  BJP Party candidate pakhat, BJP Missionary Cell tih dintu, tunah party danga zuang lut leh ta daih, SELF-STYLED ADVOCATE, HRIATA CHHANGTE pawhin Jerome’s Podcast-ah "PHYSICAL PENETRATION (sex hmanna) a awm lo.  A tira mipuiin kan sawi huai ang ngawt kha a ni lo.  Criminal Expert ka ni lo a, mi phur ka nia, ka phur pui ve tawp," tiin a sawi a ni. 
10. Hetianga DAWT MUHLUMA a chhe thei ang bera an puh a, an tihmingchhia a nih ngat chuan ZOTHANGSANGA leh a sangawi zawnpuite hian DEFAMATION case an awrh lawih thei ve tlat a nih hmel hi.
11.  Zothansanga nu hian THIL THLENG NI AWM TAK public meeting-ah te thiam takin, tap chungin a sawi a.  Mahse, court-ah chuan Zothansanga hian engmah a thleng lo a ti leh si.  Engahnge social media-a thudik tan inti hle si chuan, thudik sawina hmun tur court-ah ber thudik a tih chu a sawi leh si loh? 
12. An chhungkua chhungkaw rethei tia sawi an awm a.  Mahse, Aizawl veng changkangah restaurant an nei a ni awm a.  Zothansanga nuteii phei chu Aizawl mihlun pawl niin, awm thei tak an ni awm e.  RETHEI KHAWNGAIHTHLAK TAK anga inlan tir kher hi a tul ber em aw?
13.  Facebook leh social media vela pawr tak taka tawng, a chhe thei ang bera diriamtu ho hi tumah MITA HMUTU an awm lo.  Mi tam tak hi Zothansangate nufa thusawi an awi a, bumin an awm mai mai a niin a lang. Eye witness 3 chiah an awm niin a lang a.  A puhtu hian a puhna thu hi a dik loh thu court-ah a puang leh si a nih chuan, a thu chu a dik lova, dawt a ni tihna a ni ang.  Court rorelna hi dawhthei taka kan nghah a ngai dawn a nih hmel hle mai.
14. An sawi anga politics hmanruaa tute emawin an lo hmang a nih chuan BJP Politics tenawm tak, Mizo mipuite min thendarh a, min indo tirtu a ni thei ang em? Mak tak mai chu mi 2 accused an awm a.  Mahse, political ball tenawm tak khelhna atana tangkai mi pakhat chauh hming an tarlang char char a, an bei ngar ngar mai hi ngaihtuah zui ve chu a tul a nih hi.
15.  Mizo Mipuite hian Dan Rorelna/Rule of Law kan care tak tak em?  A sawi chak chak, lem chang thiam thiam kan tan a.  Court thu chu engah mah kan ngai lo va.  Evidence pakhat mah nei lovin, thutlukna kan siam der hi thil tih chi em ni dawn? Kei chu Objective takin thil thlir tur niin ka ngai a.  
16.  Hannah Khiangte hian a pasal a tanna avanga thu a chhuah ve hi a huaisen hle mai.  Tawngkam chhe tinrengin an lo hau zui nghal bawk si.  He thil hi an inneih hmaa thil thleng niin an sawi a.  CHuti a nih phei chuan ani hi chu innocent part dik tak; mahni pasalte thlavang hauh tina tak a nih mai hmel a.  Zothansanga nuin a fapa a tan tlat ang deuh hi a ni ve mai lawm mi?
RORELNA DIK CHU LUIPUI ANGIN LUANG SE.  THILTISUALTU CHU DAN ANG TAKA HREMIN AWM SE; MI PAWISAWI LO TU CHU ZALEN SE; A TUARTU/VICTIM CHUAN A PHU TAWK TANPUINA LEH CHHAWMDAWLNA HMU NGEI SE.
...AND JUSTICE FOR ALL.

Post a Comment

He post chungchanga i ngaihdan lo sawi ve rawh:

Previous Post Next Post