"Lunglei khawpui chhungin ruling MLA 4 nei mah ila, MLA nei lo ang kan ni. MNF Sorkarah ruling MLA neihin awmzia a nei lo." - LDCC General Secretary H Darzinga

 "Lunglei khawpui chhungin ruling MLA 4 nei mah ila, MLA nei lo ang kan ni. MNF Sorkarah ruling MLA neihin awmzia a nei lo."

- H. Darzinga

General Secretary, LDCC

(VCP College Veng, Lunglei)

Aizawl | October 22, 2021: Nimin khan Congress chuan Tuirial inthlan lo awm tur pualin Thingdawl-ah programme an hmang a, he huna LDCC General Secretary H Darzinga thusawi khaikhawm, MPCC FB page ami chu hetiang hi a ni e.

1. Congress Party hi mi ṭhenkhatin ral mai tur angin an sawi ṭhin. India ram bung khata kan awm chhung chuan, Congress Party hi a ral dawn lova, Congress Party hi National Party a nih angin min nek ral thei awm chhun chu National Party ve tho, BJP te an ni.

MNF leh ZPM te hi Regional Party an ni a, Mizoramah hian Regional Party lian 2 an awm ngai lo. MNF a len chuan ZPM a ral anga, ZPM hi an rawn lian a nih chuan MNF Party hi a ral ang.

2. Lunglei District ah MLA 6 kan nei mek a. Lunglei khawpui chhung bial 4 ah MNF MLA kan nei vek a. Chutih lai chuan, Opposition MLA 1 in RTPCR a pek pawh hman a nih theihna turin hmalak ngaihna pawh an hre lova, tunah hian Lunglei khawpui chhungin ruling MLA 4 nei mah ila, MLA nei lo ang kan ni a. MNF Sorkarah ruling MLA neihin awmzia a nei lo.

3. Lunglei District leh chhim lam zawngah ruling lai MNF leh Congress Party in MLA kan nei a. ZPM chu an NIL vek a ni. Heti chung hian ZPM hi a ṭhang kan la ti hi chu, mipui bum tumna diktak a ni. ZPM hian kum 2018 MLA inthlana an vote hmuh zat pawh kum 2023 ah hian Lunglei leh chhim lam zawngah chuan an hmu pha tawh lo ang.

Kan Veng, College Vengah tun hi term 3 ka VCP na a ni ta a. Pu Mavala anga midangte tana inpe, midangte harsatna hrethiam, Party sawi lova ṭanpui ngaite ṭanpui ṭhin mi hi an tam ka ring lo. Tuirial bial mipuite, INC Candidate Pu Chalrosanga Ralte hi in khawngaih vote ka rawn dil sak a. Lunglei West mipui te'n mittui nen kan thlah liam takzet a ni tih hi Tuirial bial mipui te'n min lo hriatsak a, he kan mittui min hrukhul sak tur hian mawh inphur in, a bikin mirethei leh chanhai te'n kan ui em em a ni. Pathian remruatna hnuaia awm kan ni a, alo vanduai palh a nih pawhin eng ang harsatna pawh neiin thlen ula, ṭanpui inngaihna zawnah chuan a tlanchhiat ka ring lo a ni. Chutiang taka midangte tana inpe a nihna avang pawh hian malsawmna a dawn zel pawh hi ka ring tlat a ni.

Ka lawm e.