TUIRIAL LAM A BORUAK ZEL E


Tuirial Bial lam a boruak zel. Rorel lai MNF leh Opposition lamah Congress-in candidate an tifel tawh a, MNF hian Pu Laldawngliana, Mizofed Chairman chu na candidate-ah dah in Congress-in Pu Chalrosanga (Mavala) an dah fel tawh. Hetihlai hian ZPM Party lam pawhin an candidate tur an chhawl chhin fel tawh niin sawi a ni a, ZPM a ding tur hian Pu Tlanmawia Hmarveng hming a ri lian leh thut niin thudawn a ni.


Pu Dawngtea Mizofed Chairman hi Congress sawrkar-ah pawh tla tlum tak ni a sawi a ni a, Mizofed Chairman nihna pawh hi Congress hunlai a a chelh tan a ni na ti bawk. Political Field lamah hnuhma nei lem lo mahse, politiciante nen an inhlat lutuk lo niin sawi a ni. Amah hi pa fel tak a ni a, MNF Ministry a rawn din pawhin rin a hlawh zui hle a, Tuirial bialchhung Thingdawl khawchhuak amah hi a nih thu sawi a ni bawk a ni. 


Candidate a nih hnuah Kawnpui a Petrol Pump dah a nih dawn thu a sawi tawh a, Kawnpuiin an hman turin Ambulance MNF Block President hnenah a hlan tawh bawk a ni. 
INC Candidate Pu Mavala hi Mizoram hmar lamah chuan hmelthar a nih rualin MLA pawh lo ni tawh a ni a, Politic Field lamah a mikhual lutuk tawh lo. Tin, Congress Ministry a langsar tak Pu Zodintluanga nau a nihna hian mi tam tak hmelhriat a hlawh phah bakah RTP Family Mizoram a mihausa langpha an ni bawk a ni. 
Pu Mavala hian Tuirial bial hi vil ang reng a a awmna a rei tawh niin sawi a ni a, Covid-19 boruak sarhu lai pawh khan RTP Farm Sethawn-ah lo te neiin a lo chen chilh tawh niin sawi a ni. Hei bakah hian thalai ho a huikhawm nual tawh niin sawi a ni bawk. 


Hun engemaw lai a Tuirial bial a ZPM atanga ding tur a rin langsar Pu Tlanmawia, Hmarveng, Kolasib hi ZPM Party lamin candidate an tihfel hnaihah a rawn langsar leh a. Thudawn dan chuan an puan lohna chiahin a dal tawh niin sawi a ni.  

Pu Tlanmawia hian Tuirial bialah hian nikum lam atangin hma a la nasa tawh hle a, Tuirial bial a mi tam tak te Health care a an inziahluhna tur a tum sak tawh bakah Covid-19 avanga Tuirial bial an buai hluai laiiin, Ambulance an hman tur a lo dahsak tawh niin thudawn a ni. Hei bakah hian khawtlangin a tul a an hman tur JCB a lo dahsak tawh niin thudawn a ni bawk. 
Pu Tlanmawia hi Tuirial bial ZPM Block lam pawhin an bial a ding turin an duh hle niin thudawn a ni bawk a, Kolasib District mi ngei Aizawl a pan reng ngai lo tur MLA neih an duh niin thudawn a ni bawk a ni. 
ZPM Party General Head quarters lam chuan thuthlukna fel tak an la nei lo niin sawi a ni a, Tuirial bial lamin Pu Tlanmawia hi an duh em avangin, a din ngei rin a ni thung a ni. Thawhlehni hian Tuirial bial ZPM Block lamin Pu Tlanmawia an bial a ding tura an duh em emna chhan hi Party pui lamah an sawifiah dawn niin thudawn a ni bawk.  

Pu Tlanmawia hi Contractor a ni a, Mizo zingah chuan contractor hna thawk tha pawl a nih avangin, hna pawhin a um hle niin thudawn ni bawk a. Kolasib mihausa zinga chhiar tel a ni bawk nen; a ni a din chuan Tuirial bial a candidate tur te hi nei te taw a che an ni tlang dawn a, an hmalakna thawm pawh a na tlang thawkhat tur a ngaih a ni. An thawm a na tlang tawh viau na a.
 
An tha tlang the thaw viau mai. Ka hmelhriat hnai thawkhat tak vek an ni e.

Post a Comment

0 Comments