Tanpuingaite hnenah Fairelbel tanpuina hlan

Aizawl the 24th September, 2021 : Covid-19 leh a kaihhnawih thilte avanga vanduaina leh harsatna tawk tanpui ngaite hnenah vawiin khan ‘Fairelbel’ chu Dawrpui Multi Purpose Hall ah semchhuah a ni.


Vawiin fairel Bel semchhuah tak hi AMC huamchhunga YMA Branch 51 ten an veng chhunga harsatna tawk, chhawmdawl ngai an thlanchhuahte an ni a. Covid-19 leh a kaihhnawih thilte avanga eizawnna rahbi pelh te, natna avanga chhungkua a harsatna namenlo tawkte an ni.

Semchhuah hma a thutawi sawiin Fairelbel Organising Committee Chairman, Dr. Lalhriatzuali Ralte, Aizawl DC chuan Covid-19 avanga harsatna tawkte chhawmdawl tura mi inphal tak takte thawhkhawm tlingkhawm Fairelbel pek chhuah a ni chu a lawmthu a sawi a. Khawvel ram tinin Covid-19 hripui kan buaipui em em lai hian Mizo Kristian nih hi a lo hlu hle ani, a ti a. Midangte harsatna leh manganna hriatpuia kan in tanpui tawn hian a petu hnenah malsawmna a lo luanglut thin a ni, a ti a. Covid-19 kan do tlan mek lai hian sorkar kaldan leh tihdan sawiseltu ni mai lovin, thuawih mai hi Kristiante tihdan tur a ni tih hre tlang ila, kan ram hruaitute hian kiltin atangin thurawn la-in Kohhran hruaitute leh NGO te rawn chung zelin ke an pen a ni tih i hre thar leh ang u, a ti a ni.

Charity Concert, Zonet leh LPS ten an buatsaih atangin pawisa Rs. 23,45,000 /- mi inphal ten an thawhkhawm a. Hei hi Utilization Committee chuan a hman dan tur rel hovin YMA in an veng theuh zirchianga puih ngai ngawih ngawih thlanchhuahte hnenah tanpuina hi hlan a ni ta a ni.

Post a Comment

0 Comments