ZPM Thalai-in RR kalha hna lak dem; House-a dawt a sawi avangin Pu TJ Lalnuntluanga'n thupha chawi rawh se - ZPM Thalai

Aizawl | September 10, 2021: "EF&CC Minister Pu T.J Lalnuntluanga'n MPCB Chairman chu MPCB Chairman R.R kan hman mêk siam a nih hmaa lâk a nih thu, Assembly House zahawm tak chhûnga a sawi mai kha house zahlohna lian tak niin ZPM ṭhalai chuan kan hria,  tiin Zoram Peoples' Movement (ZPM) Thalai chuan thuchhuah siamin an tarlang.




ZPM Thalai chuan, "MPCB Chairman R.R hi ni 30 July, 2020 khan sawrkârin chhuahin, MPCB Chairman hi he dan kalh hian ni 30 July, 2020 khan ruat a ni thung. Hetianga mahni dan siam ngei kalha hna lâk hi ZPM ṭhalai chuan pawi kan ti a, MNF sawrkârah dikna leh thiamna aiin induhsak bîkna-in hmun a luah thùk zia a târlang chiang hle." tiin an sawi.

ZPM Thalai chuan, "A changtu Minister-in kan state rorêlna khawla dawt chiang tak mai, awlsam taka a phuh chhuâk kha mipuite ngaihnêpna a nih bâkah, khatianga dawt sawi kha 'chief whip' inti tân phei chuan thil mawi lo tak a ni a, mipuite hnenah ngaihdam dil turin kan phùt a, tun hnuah tisual leh tawh lo turin kan ngen bawk a ni." an ti a.

"Assembly House hi kan state rorelna sâng ber a nih angin, a zahawmna vawn nun kawngah member-te'n mawh an phur lian hle a. Assembly House hi rinthu leh mahni ṭan hmun a chhiat dawn avânga, dawt chiang tak sawina tur hmun a ni lo a ni tih hi lo hre chiang turin, kan minister zahawm tak hi kan chah a ni." an ti bawk.

Post a Comment

0 Comments