Tuirial bial inthlan lo awm tur atan MNF in Nomination Committee siamfel

Aizawl | September 10, 2021: Mizo National Front President Pu Zoramthanga chuan Tuirial Assembly Constituency Bye Election lo awm tura inpuahchahna atan Nomination Committee Member tur a ruat fel a.

Committee hian September 14, 2021; 1:00 PM-ah ṭhutkhawm hmasa ber an nei dawn a ni.

Thudawnnain a tarlan danin, Nomination Committee-ah hian MNF General Headquarters OB-te bakah Minister ni lai, MNF adviser pali Dr R Lalthangliana, K Lalrinliana, Lalchhandama Ralte, Lalruatkima, Lalrinsanga Ralte bakah Core Committee member R Rohmingliana te an tel a, MNF GS Harvey Lalrinliana chu Member secretary  a ni bawk.