MSU-in tun thla chhung ngeia Scholarship sem chhuak turin MSB ngen; MSB-in tihhawhtlin tum!

Aizawl | September 21, 2021: Mizo Students’ Union (MSU) General Headquarters, Aizâwl chuan ni 21 September, 2021 khân Pre & Post Matric Tribal Scholarship chungchângah Mizoram Scholarship Board hotute hmuin zirlaiten 2020-2021 scholarship an la hmuh loh chungchângah thu awmziate zawt fiahin an sawipui.




He thu hi mSu thuchhuah chuan tarlangin, "Govt. of India hnuaia Ministry of Tribal Affairs (Scholarship Section) chungchang chu Central Ministry-in system thar a siam ‘New Procedure for Release of Fund’ State tinte zawm tura a tih chu Mizoram Scholarship Board chuan September ni 7, 2021 khan a dawng chauh a. Chumi bawhzui chuan Mizoram Scholarship Board chuan hma a la nghal char char a. MSU chuan tun thla chhung ngeia sem chhuak turin Mizoram Scholarship Board chu ngen nghalin, Mizoram Scholarship Board chuan zirlaite scholarship hi tun thla chhung ngeia sem chhuah an tum thu an sawi a ni." tiin MSU thuchhuah chuan a tarlang.

MSU chuan, "Zirlaite scholarship chungchang hi tha thlah lovin a ngaihven reng a, zirlaiten harsatna an tawh chuan MSU chu zirlaite tan a ding zel dawn a ni.' tiin thuchhuah an siam.

1 Comments

He post chungchanga i ngaihdan lo sawi ve rawh:

  1. MSU te zirlai te tan hian in van hlu thin em! kan lawm e. Mahse, outside Mizorama Zirlai ten an dawng tlai bik ziah mia hi chu ngaihtuah a ngai a ni.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post