Chief Minister leh NITI Aayog member inkawm

Aizawl the 21st September, 2021 : Chief Minister Pu Zoramthanga leh NITI Aayog member Pu V.K. Paul leh a thawhpuite chu nimin (20.9.2021) khan virtual meeting neiin, Mizorama hmasawnna ruhrel din kawnga thu pawimawh tak tak an sawiho.


Chief Minister chuan sawrkar laipuiin India hmarchhak state atan 10% Gross Budgetary Support (GBS) kaltlanga hmasawnna sum a pekchhuah dan chu ennawn tul a tih thu a sawi a. NEC leh DoNER kaltlanga sum pek thin chu a tlakhniam tak viau thu leh state ten an chanpual tur ang an dawn theih nan leh tangkai zawka heng sum te hi hman a nih theih na tur rawtna a thlen a. Special Assistance to State for Capital Expenditure (SASCE) hnuaia Mizoram chanpual tura ruat chu mipui thlengphak turin a pekchhuah thuai theih nan hmalak ni se a ti bawk.

NITI Forum in hmarchhak state-te tihhmasawnn atana hmalakna tur thlurbingin, heng - tourism, mau leh rua, thingpui, sangha chin leh bawnghnute tharchhuah chungchang te hi sawiho a ni bawk.

NITI Aayog report-ah a lan danin 2011-12 atanga 2019-20 chhung khan hmarchhak state dangte nen khaikhinin Mizoram chu Gross Value Added (GVA) ah a ?hanna a sang ber a. Sustainable Development Goals tehfung hrang hrangah Mizoram a ti tha thawhkhat hle a. Hmarchhak state district zawng zawng zingah Serchhip district chu 5-na a ni. NITI Health Index 2020-ah Mizoram chu NER ah pakhatna a ni a, School Education Quality Index 2019 ah palina a ni thung. Innovation Index-ah pathumna niin, Ease of doing business ah pahnihna a ni bawk.

Chief Minister hi Pu Lalmalsawma Pachuau, Special Secretary, Planning & Programme Implementation, Dr. Lalrinchhana, Principal Adviser - cum - Addl. Secretary leh officer dangten an tawiawm a ni.



Post a Comment

0 Comments