Aizawl | September 12, 2021: BTS Army Mizoram te chu BTS Member Namjoon piancham pualin mi harsa zawkte tanpuina vawiin an luangchhauk.
EXPLORE MIZORAM hi mi dang i lo hmelhriattir zel dawn nia!
BTS Army Mizoram 'Bangtan Universe WhatsApp Group' memberte chuan an pawisa thawh khawm cheng ₹32,600/-(sing thum sang hnih zaruk) chu vawiin mi harsate tan Zo Inspiration hnenah an hlan.
Bangtan Universe WhatsApp Group hi an member aiawh mi paruk kalin an pawisa thawhkhawm hi an hlan a, ZO Insppiration hian tum danga an lo tih thin dan angin heng an pawisa dawn hi a mamawhtute hnenah an lo thlen dawn a ni.
 |
| He an thilpek hi Namjoon (Sep 12) leh Jungkook (sep 1) piancham puala an thawhkhawm a ni a, NAMKOOK birthday donation tiin an vuah a ni! |
Vawiin hi Korean Boy band, UNICEF in ambassador atana a hman hial theih khawpa khawvel hriata lar, BTS member Kim Namjoon piancham a ni a, hemi pual hian hmun hrang hranga amah duhtu leh ngaisangtute'n duhsakna hlanin hemi pual hian thil hrang hrang an ti a ni.
Mizoram chhunga BTS Army-te'n vawiin khan mi dang tana inpek nan hun an hmang a. Serchhip lam chuan Covid Care Centre-ah tui thianghlim case 36 leh Artui Case khat an hlan a, Bairabi lamah pawh 4C ah tanpuina sum fai an hlan a, Lunglei lamah pawh Bethel centre Lunglei-ah cheng 13,500 tanpuina atan an hlan bawk a ni.
Aizawl-ah pawh tanpuina hlan bakah hian, MC bangah hemi pual hian Banner lian tawka tar a ni bawk!
ZO Inspiration chungchang - https://www.exploremizoram.com/2021/02/zo-inspiration.html
Join EXPLORE MIZORAM Telegram Group:
Kim Namjoon thlalak:
Post a Comment
He post chungchanga i ngaihdan lo sawi ve rawh: