FEATURED | 'Thian Lungdum' changtunu Alice Rintluangi

Model leh Actress - 'Thian Lungdum' changtunu Alice Rintluangi kan belchiang!


EXPLORE MIZORAM hi mi dang i lo hmelhriattir zel dawn nia!

Model leh Actress Alice Rintluangi hi thian hnaite chuan 'Rini emaw Lispuii' tiin an kova, 'Alice' tia ko an awm bawk.

Alice Rintluangi hi May 24, 2001 khan Lalmalsawmi leh Laldingliana te inkarah a lo piang a. An unau hi pali niin, Zarkawt, Aizawl-ah chengin an khawsa a, Kohhran lamah chuan Presbyterian Kohhran-a lawi an ni.


Zirna lam:
- Class 12 zo a nursing zir ka tum mek 

Hobby: Singing 

Duhzawng leh ngainat zawng hrang hrangte?
Lehkhabu duh: Flawed - Cecelia Ahern
Actor/Actress: Anne Hathaway
Zaithiam: Bts , blackpink
Chawhmeh: Saum bai te alu te bai te 
Hla :
Hmun:
Ziaktu:
Mizia ngainat zawng:
- Mi thawveng tak funny deuh te hi mizia ah ka dh a fel ,taima te ka duh

Mize ngainat loh zawng:- Hypocrites

Kawppui tura duhzawng?
Fel , taima , min hmangaih tu tur leh Christian ngei mai ani ka duh.

Relationship status: Taken 


Aim in life: Ka aim in life chu nurse nih a ni a. Ka hlawhtling ang e maw!

Modeling leh acting:
- Ka nu leh ka pa hi ka pian hma atanga entertainment khawvel a lo awm sa anni a kanu phei chu tun thleng hian a la awm a, heng hian  heng line ah hian min lo chenchilh nasa ve a Ka tan chuan a natural khawp mai. Kum 3 leh a chanve anih hian kanu leh pa in ka chak ve tlat sia ka zaithiam ngaihsan Spi lem music video te min siam sak a, school programme a fashion show etc te nuam ka tiin, tel ve ziah ang ka class 3 ka nihin school prog ah ka lo model kal ve nasa tawh. Acting tak hi chu nuam ka ti ve hrim hrim a, mi tih dan zir te hi ka nuam tih zawng a ni ve.

Film i chan tawhte?
- Music video hrang hrang bakah, Series 0389, Drew pachuau short film ah te bakah tuna 'Thian Lungdum' film tharah hian ka inlan a ni.

Film chan hi i hmuh dan?
- Film chan hi Mizo te pawn kan lo thiam ve tho a, talent tha tak tak inpho chhuahna chance ania . Tha ka ti.

Mizo Film Industry hmasawn nan thil pawimawh nia i hriat?
- Mizo film industry hmasawn nan hian ka la junior lutuk a, han sawi chiam tur pawh ka hre lo, hma kan sawn chho viau ni lawm ni ka ti mai

Tuna Mizo Film Industry dinhmun, i hmuh dan?
- Tun film industry dinhmun ka hmuh dan ah chuan, a siamtu te hi nei sa a siam anni loh avanngin an talent a la lang thei lo ka tia. sum leh pai a support tu nei tha se chu hei ai hian he industry hian hma a sawn ngei ka ring

Film chan chhunzawm zel i tum em?
- Film chan hi offer ka hmuh dan leh a film a zirin ka chang zawm in ka chang zawm lo ang.

I Hmachhawp te?
- Hmachhawp em em ka nei hran lo, zirna chhunzawm a ni rih! 


Zawhna dang:::
1. A tel lova i awm theih loh:
Ka chhungte leh ka thiante

2. I nun kaihruaitu:
- Ka nu leh pa

3. Hringnuna i hlauh ber:
- Ka hmangaih te chan hi ka hlau ber.

4. I tih ngai miah loh tur:
- Uisa hi ka ei miah lo ang.

5. Mizo Tualzal nuna ṭha i tih:
- Tlawmngaihna te leh in tanpui tawn na te 

6.  Quote i duh ber:
- Dream without fear, love without limits

7. Mizoram leh Mizo tualzal nuna Mizo hmeichhiate dinhmun:
- Hmanlai ngaihtuah cuan tuna hmeichhe dinhmun chu a tha fe a amaherawh chu siam that tur leh hmasawnna tur tam tak ala awm.

8. Hnam hmingṭhat leh hmingchhiat kawngah Hmeichhiate'n mawhphurhna:
- Hmeichhia in mawhphurhna kan neih ang bawkin mipa pawn an nei.Chutih rualin hmeichhia ten kan nun zahawm tak a kan vawn a tul a,mipa pawn hneichhia te kan zahawmna min hum pui a, min support kan mamawh.Hnam hmingthat kawngah chuan a mipa a hmeichhia hian pawimawhna leh mawhphurhna kan nei ve ve.

9. Hnam ziarang chawinun kawnga Hmeichhiate mawhphurna:
- Mizo chuan Mizo tawng a thiam tur ani.Mahni hnam, hnam dang nena khaikhin a hmusit mai lo in, hmasAwnna kawngah ke a pen pui tur ani.Mizo in kan zia mawi leh tha kan tih te chawi nun kawngah ke a pen tur a ni.

10. Mizote tan 'Fa neih tlem' inzirtir hi a ṭulin i hria em?
Kan la tlem a, hei ai chuan tam ila chu ka ti fo.

11. Mizo hnam ṭhanmawh bawk nia i hriat?
- Taimak leh zual kan ngai ka ti.

12. Mizo hnam damna atana  kawng awm nia i hriatte?
-  Kan thiamna te kan ram leh hnam tan hmang ila,In sawisel mai lo in,thil tha ah chuan in support te zir chho in , ngaihsan tur dik ngaihsan chhoh te pawh aniang. Kan value system thlak hi a ngai in ka hria.


13. Hnam chhan nana Hmeichhiate ṭangkaina leh mawhphurna?
- Hmeichhia te hian inchhung atang fate kaltlangin thil tam tak kan zirtir thei, chuvangin kan ram kan hnam tana pawimawh ber chu inchhung atanga in fuihna thu tha inpek anih angin, hmeichhia chuan inchhung atang fate ah thil tha a zirtir tluk a hnam chhanna tha a awm dawn mi.

14. Zirna, Khawtlang leh Kohhran hi?
- Ka kum a tang chuan han sawi ve chiam tur ka hre mai lo mahse siam that tur chu ala awm teuh ang.Kan ram, kohran, khawtlang hruaitu ten tha takin an la kalpui zel ang tih ka ring

15. Khawtlang, Kohhran leh nangmah:
- Ka kum leh hun tawn hian khawtlang leh kohran chungchang a han sawi ve chiam tur hi ka la hre vak lo.Keimah hian zir tur leh experience tur ka la ngah dawn hle in ka hria

16. Social Media leh Nangmah:
- Social media hi ka hmang ve tho a, mahse ka no 1 buaipui ani hran lo.Ka sawi duh erawh chu social media a kan hmuh leh hriat te hi a takk leh tak lo, rintlak leh tlak loh kan thliarthiam a ngai ka ti . Social media hi a chhe zawng leh a tha zawng a hman theih anih avvang hian finkhur a ngai hle ka ti

17. Mizoram ṭhalai tam tak tlakchham:
- Keimah tiamin, taimak, tumruhna kan neih zel hi ngai ka ti

18. Mizo ṭhalaite hian ngaihsan tur dik an ngaisangin i hria em?
- A then ah chuan aw a thenah chuan aih.Kan value system hi a tam zawk ah chuan kan thlak a ngai ve in ka hria

19. Ngaihsan tur dik nia i hriat:
- Mi taima leh rinawm

20. Hlawhtlinna tura pawimawh:
- Keimah pawh ka la hlawhtling lo a, sawi vak dan pawh ka hre lo. Kan thil tih reng reng ah hian a tha zwng ah chuan kan theihna zawng zawng hi pe thin ila
21.ka family leh thian tha te

21. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
eimah nin kan tum chuan theih lohna tur a awm dawn mi? Hnam hrang hrang te kan inzah tawn a, kan hnam zia theuh kan  inngaihsan tawn thiam phawt chuan kan pumkhat em em ang.

22. Hnam dang nupui pasal neih hi:
- Tha ber ka ti lo mahse mi an in hmangaih tlat si chuan sawi theih ka nei lo in ka hria
Thalaite hian taimak kan zir angai a cutih rualin rinawmna kan vawn a tul a bakah intodelh hi kan zir angai in ka hria.


EXPLOREMIZORAM.COM i hmuh dan:-
EXPLOREMIZORAM.COM hi in taima a, in zarah kan hriat ngai reng reng loh tur kan hriat phah thin a, in hlu ka ti hle, duhsakna ka hlan a che u.


Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

1 Comments

He post chungchanga i ngaihdan lo sawi ve rawh: