Aizawl | August 6, 2021: Mizoram Sawrkar chuan Mizo hmeichhe Olympian, Hockey Star Lalremsiami chu a chenna khua Kolasib-ah In hmun a pek dawn bakah Sawrkar hna a pe bawk ang.
he thu hi Chief minister Zoramthanga chuan Instagram-ah post siamin a sawichhuak a ni.
Tokyo Olympics 2020-a Indian Women's Hockey Team player pawimawh ni pha Lalremsiami hnenah Mizoram Sawrkar chuan Cash Incentive ₹ 25 lakh a pe dawn a, June 25, 2021 khan 1st Installment atan ₹ 10 lakh pek a lo ni tawh bawk. Tin, kum 2019 khan Mizoram Sawrkar chuan ₹ 20 lakh a lo pe tawh bawk a ni.
CM Zoramthanga chuan, "Infiamna khawvela Mizoram tihmingṭhatu ni zel tur leh hlawhtlinna sang zawk chang zel turin Lalremsiami hnenah duhsakna kan hlan nawn leh a ni." a ti.
Sports minister Robert Romawia Royte pawhin he post hi comment vein, "Remsiami ka lawmpui takzet! Hetiang chawimawina hi a phu takzet bawk. Hetiang lawmpuina leh chawimawina te hian kan infiammi tam tak a ti phurin, tumruhna leh taimakna a pek ngei ka ring. Congratulations" tiin a sawi ve bawk.
Thinlung takin ka lâwʍpui e.
ReplyDeletePost a Comment
He post chungchanga i ngaihdan lo sawi ve rawh: